Fræðslufundur næsta fimmtudag kl: 19:30 - Góður svefn - grunnstoð andlegrar og líkamlegrar heilsu

 

Fræðslufundur

Góður svefn - grunnstoð andlegrar og líkamlegrar heilsu

 

Gigtarfélagið og Samtök psoriasis- og exemsjúklinga standa fyrir fræðslufundi fimmtudaginn 20. mars n.k. kl. 19:30.

Fyrirlesari verður Erla Björnsdóttir með erindið:

„Góður svefn - grunnstoð andlegrar og líkamlegrar heilsu".

Í fyrirlestrinum verður m.a. fjallað um svefn og langvarandi svefnleysi og nokkur úrræði við því.

Erla er sálfræðingur sem hefur sérhæft sig í hugrænni atferlismeðferð við svefnleysi (HAM-S) og sinnt þeirri meðferð undanfarin ár.  

 

Staður: Gigtarfélag Íslands Ármúla 5, 2.hæð.

Stund: 20. mars kl: 19:30

 

Allir velkomnir

 

Innsett F.S.

Svefn barna og unglinga - Lykill að lífsgæðum.

Hið íslenska svefnrannsóknafélag ætlar að halda hinn alþjóðlega svefndag (World Sleep Day, http://worldsleepday.org/) hátíðlegan með fræðsludagskrá fimmtudaginn 13.mars.

 

Allir að sjálfsögðu velkomnir og viljum við biðja ykkur að áframsenda þetta á sem flesta - í von um góða þátttöku. Þetta málþing snertir allar fjölskyldur, skólafólk og heilbrigðisstarfsfólk.

Einnig má deila jpg. myndinni á Facebook og víðar!

 

  

Í tilefni af Degi svefnsins stendur Hið Íslenska Svefnrannsóknarfélag fyrir opnum fundi um tvö mikilvæg mál tengdum svefni.   Annars vegar verður farið yfir það hvaða áhrif hrotur geta haft á börn og hvaða úrræði eru til gegn hrotum og kæfisvefni barna.

Hins vegar verða færð rök fyrir því að íslenskir skólar byrji of snemma á daginn fyrir unglinga.   Allt of margir unglingar koma í skólann án þess að hafa náð hinum nauðsynlega átta tíma svefni.   Án hans er líklegt að geðheilsa, líkamlegt ástand, mataræði, einbeiting og fleira fari úr skorðum með neikvæðum afleiðingum.   Fjallað er um nýlegar rannsóknir á þessu sviði og kynntar lausnir.

Sérhver einstaklingur finnur á eigin skinni hver áhrif af góðum svefni eru. Með sama hætti þekkjum við máttleysi og vanlíðan vegna of lítils svefns. Segja má að góðar svefnvenjur séu undirstaða heilbrigðs samfélags. Á fræðslufundinum verða tvö mikilvæg atriði tekin til umfjöllunar.   Líklegt er að bæði þekkist innan flestra fjölskyldna.

 

Punktar úr efni fundarins:

-        Nægur svefn er börnum og unglingum nauðsynlegur fyrir lífsgæði og framtíðina

-        Íslenskir unglingar fara seint að sofa og þjást af mikilli dagssyfju

-        Dagsyfja hefur neikvæð áhrif á námsárangur og líðan

-        Unglingar sem sofa nóg eru hamingjusamari, lifa heilbrigðara lífi og gengur betur í skóla

-        Skólastarf ætti að byrja seinna á daginn

-        15% barna hrjóta

-        Viðvarandi hrotur barna eru alvarleg einkenni sem alltaf ber að athuga betur

-        Hrotur barna geta skert hæfileika þeirra til náms

-        3% barna eru með kæfisvefn

-        Einkenni kæfisvefns barna er öðruvísi en hjá fullorðnum, t.d. einkenni ofvirkni og athyglisbrests

 

17. mars kl. 17:00 í SÍBS-húsinu Síðumúla 6, 2.h. Allir velkomnir. Kaffiveitingar.

11. mar 2014

Fræðsluerindi um berkla og aðrar smitógnir

 

Um 8 milljónir manna smitast af berklum árlega. Með auknum hreyfanleika vinnuafls og fjölgun ferðamanna aukast líkur á að berklaveiki geti borist hingað til lands. Um þetta ræðir dr. Haraldur Briem, sóttvarnaryfirlæknir. Hann kemur í erindi sínu inn á inflúensu og nýja stofna hennar, sem hafa verið að skjóta upp kollinum. Einnig ræðir hann um bráðalungnabólgu, sem er tiltölulega ný af nálinni. Gert er ráð fyrir að erindið sé um 25 mínútur að lengd, og svo svarar Haraldur spurningum á eftir.

Fyrirlesturinn er þann 17. mars kl. 17:00 í SÍBS-húsinu Síðumúla 6, 2.h. Allir velkomnir. Kaffiveitingar.

Innsett: F.S.

Þórður: Þýðir ekki að reyna að toga fólk aftur í fortíðina

VBSjónvarp  

Edda Hermannsdóttir - [e-mail]                                     31. október 2013 kl. 11:06

Hér má sjá fyrirlesturinn í heild.   http://www.vb.is/frettir/97817

Fjölmiðlafyrirtæki verða að aðlagast eða þau munu deyja, segir ritstjóri Kjarnans.

Fjallað var um nýsköpun í fjölmiðlum á fundi Klaks Innovits.

„Áskrifendum að sjónvarpsstöðum hefur fækkað gríðarlega hratt. Fólk vill ekki láta bjóða sér upp á það að sjónvarpsstjóri ákveði á hvaða tíma og í hvaða röð fólk horfir á efni. Fólk er ekki tilbúið að borga 17 þúsund fyrir pakkann hjá Stöð 2 þegar það getur borgar þúsund krónur fyrir Netflix. Það segir sig sjálft." Þetta sagði Þórður Snær Júlíusson, ritstjóri Kjarnans. „Viðskiptavinurinn hefur alltaf rétt fyrir sér. Fjölmiðlafyrirtæki verða að aðlagast eða þau munu deyja."

Fjallað var um nýsköpun í fjölmiðlum í Nýsköpunarhádegi Klaks Innovits á þriðjudaginn. Þórður fjallaði þar um fjölmiðla dagsins í dag ásamt Rakel Sveinsdóttur, framkvæmdastjóra Spyr.is.

 

Innsett: F.S.