Stuðningshópar fyrir félagsmenn SÍBS veturinn 2007 – 2008

 

Félagsmönnum SÍBS stendur til boða að taka þátt í stuðnings- og sjálfshjálparhópum á vegum félagsins. Hver hópur hittist í fimm skipti, eina og hálfa klukkustund í senn.

 

Hópastarfið fer fram í Síðumúla 6, á þriðjudögum frá kl. 16:30 -18:00.

Félagsráðgjafi SÍBS Margrét Albertsdóttir leiðir starfið.

 

1. hópur           28. ágúst -        25. september  2007

2. hópur           23. október -    19. nóvember 2007

3. hópur           22. janúar -      29. febrúar  2008

4. hópur           25. mars  -       22. apríl 2008

 

Hópastarfið byggir á jafningafræðslu, umhyggju og samkennd þar sem félagsmenn miðla af þekkingu sinni og reynslu.

 

Gagnkvæmur stuðningur einstaklinga sem hafa gengið í gegnum erfið veikindi og  áföll er árangursrík leið til að draga úr einkennum streitu, þunglyndis og kvíða.

 Félagsmenn sem hafa áhuga á að taka þátt í hópastarfinu geta haft samband við  Margréti á föstudögum í síma 560-4916 eða við skiptiborð SÍBS  S: 560-4800, gefið upp nafn og símanúmer. Eins er hægt að senda tölvupóst á netfang [e-mail]    

 

SÍBS „lestin“ um landið.

Í dag eru á dagskránni mælingar og fræðsla á tveimur stöðum, Djúpavogi og Hornafirði.

 

Á Djúpavogi  Kl:11:00  14:00   Skráning til kl. 12:30  og

Á Hornafirði  Kl:16:00   19:00  Skráning til kl. 17:30.

 

SÍBS „lestin“ fer nú að ljúka ferð sinni um landið, að þessu sinni.

 

Á morgun Föstudaginn 21.september, er síðasti dagur ferðarinnar og þá verður SÍBS „lestin“ með mælingar og fræðslu

á Kirkjubæjarklaustri  Kl:12:00 til 14:00    Skráning er til kl. 13:30 

Kirkjubæjarklaustur er síðasti viðkomustaður lestarinnar, að þessu sinni.

 

Sjá nánar á heimasíðu SÍBS, sibs.is                     F.S.

SÍBS „lestin“ um landið 6 dagur ferðarinnar

 

 

Ásgeir ræðir við þórshafnarbúa

 

Þrátt fyrir hálku og stundum hausthryssing þá hefur SÍBS lestin haldið sínu strike.

 

Í dag Mánudag 17. september var lestin á  Raufarhöfn með mælingar og fræðslu frá kl:11:00-14:00 og á Þórshöfn með mælingar og fræðslu kl:16:00-18:00 

 Mjög vel var mætt í mælingarnar í dag og stóð því vinna á Þórshöfn fram yfir kl. 7. Um eða yfir 100 manns voru mældir á þessum tveimur stöðum. 

Á morgun Þriðjudagur 18. september  verður lestin með mælingar og kynningar á starfi SÍBS og aðildarfélaga þess samkvæmt áætlun á:

Vopnafirði   Kl: 10:00 til 13:00       Skráning til kl. 11:30     og síðan á  

Egilsstöðum  Kl: 16:00 til 19:00     Skráning til kl. 17:30 

 

Boðið er upp á mælingar á   öndun,   blóðþrýstingi og   blóðfitu,  í samvinnu við heilsugæsluna og starfsfólk hennar á hverjum stað.

Jafnframt mælingum fer fram kynning á starfi SÍBS og aðildafélaganna ásamt því að hitta umboðsmenn Happdrættis SÍBS. 

 

Það er ekki oft sem farið er um landið og boðið upp á svona ókeypis mælingar, og því ættu þeir sem eru á viðkomustöðum SÍBS-lestarinnar að nýta sér þessa þjónustu.

 

F.S.

Sigríður Lillý Baldursdóttir tekur við sem forstjóri TR

   Fréttatiklynning frá  heilbrigðis- og tryggingamálaráðuneytisins  

Karl Steinar Guðnason lætur af störfum sem forstjóri TR

 14.9.2007  

Karl Steinar hefur verið forstjóri Tryggingastofnunar í 14 ár eða frá 1. október 1993. Hann hugðist láta af störfum vegna aldurs nú á haustdögum en það varð að samkomulag að starfslok hans yrðu 1. nóvember. 

Við starfinu tekur Sigríður Lillý Baldursdóttir, framkvæmdastjóri þróunarsviðs Tryggingastofnunar. Sigríður Lillý Baldursdóttir hefur starfað sem framkvæmdastjóri þróunarsviðs Tryggingastofnunar undanfarin ár. 1996-2001 var hún skrifstofustjóri í félagsmálaráðuneytinu, verkefnisstjóri í utanríkisráðuneytinu árin 1994-1996 en fram til þess tíma var hún lektor við Tækniskóla Íslands og stundakennari við Háskóla Íslands. Hún sat í Tryggingaráði frá 1987-1995. Sigríður Lillý  er eðlisfræðingur að mennt og hefur stundað rannsóknir í endurhæfingarverkfræði. 

SÍBS „lestin“ um landið

Starfsfólk SÍBS og aðildarfélaga þess verða á ferð um landið norðan- og austanvert í september. Starfsemi félaganna verður kynnt, umboðsmenn Happdrættis SÍBS sóttir heim og tengslin efld við félagsmenn á landsbyggðinni.

Hér að neðan er áætluð dagskrá mælinga á öndun, blóðþrýstingi og blóðfitu sem á hverjum stað verður í samvinnu við heilsugæsluna og starfsfólks þaðan.

Nánari staðsetning verður auglýst síðar og einnig breytingar ef verða á tímasetningum.

Allir eru velkomnir og þessi þjónusta er án gjaldtöku.

Verið velkomin til SÍBS! 

Miðvikudagur 12. september 2007                                                               Sauðárkrókur, mæling/fræðsla 13:00‑16:00   Skráning til kl. 15:00

Fimmtudagur 13. september 2007                                                                 Siglufjörður mæling/fræðsla 11:00‑14:00      Skráning til kl. 12:30                                    Ólafsfjörður mæling/fræðsla 16:00‑19:00     Skráning til kl. 17:30

Föstudagur 14. september 2007

Dalvík mæling/fræðsla kl. 10:00 ‑ 13:00          Skráning til kl. 11:30

Hrísey mæling/fræðsla kl. 16:00 ‑ 19:00          Skráning til kl. 17:00

Laugardagur 15. september 2007

Akureyri mæling/fræðsla kl. 11:00 ‑ 18:00       Skráning til kl. 16:30

Sunnudagur 16. september 2007

Húsavík mæling/fræðsla kl. 11:00 ‑ 16:00        Skráning til kl. 14:00

Mánudagur 17. september 2007

Raufarhöfn mæling/fræðsla 11:00-14:00        Skráning til kl. 12:30                                        Þórshöfn mæling/fræðsla 16:00-18:00               Skráning til kl. 17:30 

Þriðjudagur 18. september 2007

Vopnafjörður mæling/fræðsla 10:00 ‑ 13:00     Skráning til kl. 11:30

Egilsstaðir mæling/fræðsla 16:00 ‑ 19:00          Skráning til kl. 17:30

Miðvikudagur 19. september 2007                                                                                Neskaupstaður mæling/fræðsla 11:00 ‑ 14:00         Skráning til kl. 12:30

Eskifjörður mæling/fræðsla 11:00 ‑ 14:00         Skráning til kl. 12:30

Reyðarfjörður mæling/fræðsla 15:00 ‑ 18:00    Skráning til kl. 16:30

 Fimmtudagur 20. september 2007

Djúpivogur mæling/fræðsla 11:00 ‑14:00         Skráning til kl. 12:30

Hornafjörður mæling/fræðsla 16:00 ‑ 19:00     Skráning til kl. 17:30

Föstudagur 21. september 2007

Klaustur ‑ mæling/fræðsla 12:00 til 14:00        Skráning til kl. 13:30

 

Sjá nánar á SÍBS.is meðan á ferðinni stendur

 

 

Fréttatilkynning

Félagsmálaráðherra hefst handa við endurskoðun almannatrygginga

7.9.2007 Í samræmi við stefnuyfirlýsingu ríkisstjórnarinnar frá 23. maí 2007 og í ljósi þess að málefni aldraðra og almannatryggingakerfið munu flytjast frá heilbrigðisráðuneyti til félagsmálaráðuneytis um næstu áramót hefur félagsmálaráðherra ákveðið að hefja vinnu við endurskoðun á almannatryggingakerfinu. Skipuð verður 5 manna verkefnastjórn sem vinna skal heildstæðar tillögur um eðlilegar fyrstu aðgerðir, langtíma stefnumótun og nauðsynlegar lagabreytingar þeim samfara. Verkefnastjórninni til ráðgjafar mun starfa ráðgjafanefnd skipuð fulltrúum hagsmunaaðila.

 

Lítil frétt um risastórt mál.........

Á vef Starfsgreinasambandsins var fyrr í dag fret undir fyrirsögninni:

Nýtt kerfi  "Veikinda-, slysa- og örorkuréttinda."  Róttæk uppstokkun

 

Þessi frétt er að stórum hluta endursögð hér á mbl.is í fréttinni:

Róttæk uppstokkun á veikinda- og örorkuréttindakerfi

 

Þetta er ansi rislítill fréttaflutningur af stóru máli, og ekkert reynt að setja málið í samband við yfirlýsingu ríkisstjórnarinnar frá 15. Nov. 2005 til að tryggja frið á vinnumarkaði.

Þetta mál ereinn angi þeirrar viljayfirlýsingar að létta af lífeyrissjóðunum greiðslu örorkulýfeyris.

Það var ák15.11.2005

Yfirlýsing ríkisstjórnarinnar
til að greiða fyrir samkomulagi Alþýðusambands Íslands og
Samtaka atvinnulífsins um áframhaldandi gildi kjarasamninga

1. Ríkisstjórnin lýsir sig reiðubúna til samstarfs við Alþýðusamband Íslands og Samtök atvinnulífsins um leiðir sem, auk aðgerða á vettvangi lífeyrissjóðanna sjálfra, draga úr vaxandi örorkubyrði lífeyrissjóða og jafna stöðuna milli einstakra sjóða.

 

Til að skoða það mál var mynduð örorkunefnd af forsetisráðherra.

 

Starfsgreinasambandið hefur áður sagt að

Eigi hugmyndir ,,örorkumatsnefndar” forsætisráðherra að ná fram að ganga, þarf að breyta bæði hlutverki sjúkrasjóða aðildarfélaga SGS og lífeyrissjóðanna

 

Hér er því verið að ræða um mjög stórt mál og að sama skapi umdeilt.

 

Ekki eru öll aðildarfélög Starfsgreinasambandsins sammála stefnu sambandsins og tillögum þess og Samtaka Atvinnulífsins.

 

Á vef Verkalýðsfélags Akraness er m.a. fjallað um þessar hugmyndir

 

http://www.vlfa.is/Default.asp?Sid_Id=9930&tId=2&Tre_Rod=&fre_id=57956&meira=1  

 8. júní 2007 20:40

Fundað um kjaramál á Egilsstöðum 

Í dag 8. júní komu fulltrúar frá nokkrum landsbyggðarfélögum Starfsgreinasambandsins saman til fundar á Egilsstöðum til að ræða framkomnar hugmyndir um breytingar á veikinda og slysarétti launafólks innan ASÍ og hugsanlegt samstarf í komandi kjarasamningum. Kjarasamningar eru lausir 31. desember n.k. Mikil samstaða, baráttuhugur og góður andi ríkti á fundinum.  Formaður Verkalýðsfélags Akraness var fulltrúi félagsins á umræddum fundi. 

Niðurstaða fundarins er að ekki komi til greina að blanda inn í gerð komandi kjarasamninga þeim hugmyndum sem komið hafa fram af hálfu nefndar Samtaka atvinnulífsins og Alþýðusambandsins er lúta að stofnun ,,Áfallatryggingasjóðs”.

 

Einnig var fjallað um þetta þar 29.Mai.:

 

http://www.vlfa.is/Default.asp?Sid_Id=9930&tId=2&Tre_Rod=&fre_id=57469&meira=1    

29. maí 2007 13:28 

Vilhjálmur Egilsson framkvæmdastjóri SA segir í viðtali við DV fyrir nokkrum dögum að stærsta málið í komandi samningum sé að stokka upp tryggingaréttinn sem snýr að veikindum og örorku.  Formaður félagsins veit að það er mikill áhugi hjá Samtökum atvinnulífisins fyrir því að breyta veikinda- og slysarétti í komandi kjarasamningum.   

Formaður félagsins telur alls ekki tímabært að hefja viðræður um breytingar á veikinda- og slysarétti í næstu samningum og er alveg ljóst að hann er ekki einn um þá skoðun meðal formanna félaga innan Starfsgreinasambands Íslands.  

Hins vegar er breið samstaða meðal formanna SGS um að knýja íslensk stjórnvöld til að stórefla starfsendurhæfingu hér á landi með það að markmiði að draga úr þeirri miklu aukningu sem orðið hefur á örorku meðal landsmanna.

 

Ég hvet alla til að skoða þetta betur t.d. á heimasíðu Verkalýðsfélags Akraness, en linkar eru þangað hér ofar.

 

Skírslu Örorkunefndar má svo nálgast á   http://www.obi.is/media/frettir/Ororkumatsnefnd_-_lokagerd__050307.doc    og bókun fulltrúa Öbi á   http://www.obi.is/media/frettir/Ororkumatsnefnd-bokun_fulltrua_OBI_05.03.07.doc  

 

Þetta mál verður væntanlega meira í umræðunni nú í haust í tengslum við undirbúning næstu kjarasamninga.

 

Ekki fór fram nein stefnumótunarvinna meðal aðildarfélaga Öbí á meðan Örorkumatsnefnda forsætisráðherra starfaði eða til undirbúnings þeirri vinnu.

Öbí var aðal baráttuaðili fyrir því læknisfræðilega örorkumati sem nú er notað.

 

Ekki virðist heldur vera mikil umræða innan félaga innan Starfsgreinasambandsins um hugmyndir um breytingu á "Veikinda-, slysa- og örorkuréttinda."   Eftir því sem fram kemur á heimasíðum aðildarfélagannqa og Starfsgreinasambandsins sjálfs.

 

Ég helg að ég endi þetta pár á yfirlýsingu frá fundi nokkurra aðildarfélaga Starfsgreinasambandsins á Egilsstöðum í vor.                                                       F.S.

   

 Yfirlýsing:

Föstudaginn 8. júní komum við neðangreind saman á Egilsstöðum til að ræða framkomnar hugmyndir að breytingum á veikinda og slysarétti launafólks innan ASÍ,  og hugsanlegt samstarf í komandi kjarasamningum.Niðurstaða okkar er að ekki komi til greina að blanda saman þeim hugmyndum sem komið hafa fram af hálfu nefndar SA og ASÍ er lúta að stofnun ,,Áfallatryggingasjóðs” við gerð komandi kjarasamninga.

Ljóst er eftir fundinn í dag að kominn er góður grundvöllur til áframhaldandi samstarfs og tillögugerðar fyrir komandi kjarasaminga. Næsti fundur hópsins verður 6. júlí á Sauðárkróki

Vegna hugmynda um þróun áfallatrygginga eins og það er nefnt í minnisblaði sameiginlegrar nefndar ASÍ og SA viljum við taka eftirfarandi fram.

1.       Þær hugmyndir sem lagðar hafa verið fram fyrir aðildarfélögin eru  lítt mótaðar og óljósar.

2.       Í minnisblaðinu er tekið fram að aðeins sé lokið fyrsta áfanga af fimm eða fleirum, í undirbúningi þessara breytinga.

3.       Samráð við aðildarfélög hefur verið af skornum skammti hingað til og nauðsynlegt er að forystufólki aðildarfélaga og sjúkrasjóða þeirra fái að kynna sér tillögurnar.

4.       Þrátt fyrir ofangreint virðist af, m.a. ummælum framkvæmdastjóra SA í fjölmiðlum nú nýverið, sem uppi séu hugmyndir um að taka þessar breytingar upp í komandi kjarasamningum .

5.       Í minnisblaði nefndarinnar er tekið fram að til undirbúnings næsta áfanga sé nauðsynlegt að fá ábendingar frá „baklandi nefndarinnar“ eins og það er orðað, þ.e. stéttarfélögum og fyrirtækjum. Okkur er ekki kunnugt um að óskað hafi verið slíkra ábendinga né að undirbúningur formlegrar vinnu við slíkt ferli sé hafinn.

6.       Þær hugmyndir sem fyrir liggja, fela í sér veigamiklar breytingar á nánast öllum þáttum veikinda- og slysaréttar félagsmanna okkar og stöðu sjúkrasjóða félagsmannanna. Það er því eðlilegt að við viljum stíga varlega til jarðar í þessu máli.

7.       Sumar af þeim hugmyndum sem felast í tillögunum eru jákvæðar við fyrstu sýn. Endurskoðun á rétti og málsmeðferð örorkubótaþega er brýn og ýmislegt jákvætt hefur verið unnið síðustu ár til að auka lífsgæði þessa fólks – s.s. Janus endurhæfing og Starfsendurhæfing Norðurlands.

8.       Framkomnum hugmyndum má skipta í eftirfarandi þætti sem hvern um sig má framkvæma sjálfstætt.

a.       Aukin réttindi og bætt lífskjör örorkuþega með nýjum úrræðum. Þennan þátt styðjum við en bendum á að mestu breytingarnar verða að vera hjá opinberum aðilum en ekki stéttarfélögum.

b.      Flutningur veikindaréttar frá fyrirtækjunum til sjúkrasjóða stéttarfélaganna.  Þetta er framkvæmanlegt með hækkun sjúkrasjóðsiðgjalda.

c.       Miðstýrð stjórnun við endurhæfingarmeðferð. Hér sjáum við ekki rökin eða nauðsyn. Við teljum þessum verkþætti best komið í heimabyggð og bendum á góðan árangur m.a. Starfsendurhæfingar Norðurlands.

d.      Flutningur sjúkrasjóðsiðgjalda í sameiginlegan sjóð þar sem forræði sjúkrasjóðs og þar með veikindaréttar félagsmanna er framseldur til sjóðs þar sem verkalýðshreyfingin hefði þegar best léti helming stjórnarmanna. Að svo stöddu sjáum við engann tilgang með þessari breytingu og sýnist að hér verði einungis búið til ný miðstýrð stofnun sem fjarlægist verkalýðshreyfinguna í hugum félagsmanna okkar og fái á sig hálfopinberan stimpil. Að auki höfum við verulegar efasemdir um að aðrir ,,aðilar” leggi þessu nýja „kerfi“ til fjármagn án þess að krefjast áhrifa í stjórn sjóðsins. Þannig yrðu fulltrúar verkalýðsfélaganna í minnihluta stjórnar innan skamms og forræði hreyfingarinnar á þessum mikilvæga þætti réttinda launafólks horfið. 

9.       Með tilliti til þróunar í nágrannalöndum okkar þar sem sífellt harðar er sótt að verkalýðsfélögum með þeim afleiðingum að  félagsaðild fer minnkandi, teljum við sjúkrasjóði stéttarfélaganna eitt mikilvægasta tæki okkar til að tryggja framtíð verkalýðshreyfingarinnar. Þess vegna finnst okkur fráleitt að setja stærstan hluta veikindaréttar félagsmanna okkar í einn pott með stjórnaraðild SA og mögulega fleiri og sjáum verulegar líkur á því að innan fárra ára verði unnt að kaupa sér réttindi þar án félagsaðildar í verkalýðsfélagi.

Að teknu tilliti til ofangreindra atriða teljum við útilokað að breytingar á veikinda-og slysarétti félagsmanna okkar í anda þessara tillagna verði til umfjöllunar í komandi kjarasamningum.  

AFL – StarfsgreinafélagsVerkalýðsfélagHúsavíkur og nágrennis

Hjördís Þóra Sigurþórsdóttir     AðalsteinnBaldursson

Sigurður Hólm Freysson            Kristbjörg Sigurðardóttir Sverrir Albertsson                      Olga Gísladóttir

Aldan Stéttarfélag                   Verkalýðsfélag  Akraness

Þórarinn Sverrisson                     VilhjálmurBirgisson 

Dífandi Stéttarfélag

Arnar Hjaltalín