Mansal er svívirðilegur glæpur.

Við vitum vel að virðing fyrir einstaklinginum er mjög lítil hjá mörgum "nýríkum kapítalistum" í Kína og víðar.    Léleg stéttafélög  og spilltir eftirlitsmenn geta ekki komið í veg fyrir þrælahald.

Þegar við kaupum vörur "sem kosta nánast ekkert"  þá er varan stundum framleidd af börnum og fullorðnum sem búa við ömurlegar aðstæður og engin mannréttindi.

Það hefur oft verið bent á svona tilfelli, og í raun og veru erum við vesturlandabúar ekki mikið að gera kröfur um réttindi til handa því fólki sem er að framleiða vörur fyrir okkar markaðssvæði.

Ég geri ekki ráð fyrir því að kínverskir múrsteinar fari á Evrópumarkað, en þetta er allt of oft að koma fyrir í Kína og öðrum "þróunarlöndum".

Annars er mansal hverskonar tíðkað um allan heim.  Því miður er ekki meiri virðing borin fyrir frelsi einstaklinga en svo að mansal viðgengst ennþá.

Það er skömm fyrir mannkinið að koma svona fram við fólk.     F.S.

 

Þrælum bjargað úr ánauð í Kína