Hetjuleg varnarbarátta Öbí.

Framkoma lífeyrissjóðanna við öryrkja er beinlínis árás á velferð þeirra.  

Örirkjarnir eru allir félagsmenn stéttarfélaganna sem "eiga" lífeyrissjóðina.   Það er hluti af tilgangi lífeyrissjóðanna að veita sínum félagsmönnum þessa tryggingarvernd sem örorkulífeyririnn er.

Það er sífellt verið að hækka ellilífeyrisgreiðslur sjóðanna vegna góðrar stöðu þeirra.  Á sama tíma væla þeir og skera niður greiðslur örorkulífeyrisþega.    Þetta er alveg siðlaust.

Það er löngu orðið tímabært að losna við fulltrúa vinnuveitenda úr stjórn lífeyrissjóðanna.  Allt framlag vinnuveitenda í lífeyrissjóðina, fyrir sína starfsmenn, er hluti af launakostnaði vinnuveitandans.   Það er jafn fráleitt að vinnuveitendur skipti sér af rekstri lífeyrissjóðanna eins og vinnuveitendur ætluðu sér að skipta sér af annarri ráðstöfun launanna sem þeir greiða.  T.d.  því hvað við kaupum í matinn.

Losum lífeyrissjóðina við vinnuveitendur úr stjórnum sjóðanna. 

Stéttafélögin verða að standa vörðö um alla sína félagsmenn.  Líka öryrkjana.

Hugmyndin um Áfallatryggingasjóð, sem borgi fyrstu 5 árin örorkulífeyrir,  byggist á því að taka fé frá sjúkrasjóðum stéttarfélaganna til að fjármagna þetta.   Stéttafélögin verða að finna lausn á þessum málum án þess að mismuna lífeyrisþegum .

Stéttafélögin verða að sýna meiri ábyrgð í þessu máli og tryggja greiðslu örorkulífeyris lífeyrissjóðanna  og almennt bara afkomumöguleika allra þeirra sm þurfa á örorkulífeyri að halda.  Stéttafélög hafa oft tekið velferðarmál og barist fyrir þeim og nú er þeirra að verja afkomu sinna félagsmanna sem þurfa að fá örorkulífeyrir frá lífeyrissjóðunum.

Af hverju eru ekki örorkulífeyrisþega-deildir innan stéttafélaganna ?

F.S.

 

Vilja frelsi frá lífeyrissjóðum

Sértækar aðgerðir fyrir lítinn hóp lífeyrisþega.

Það er einkennileg framkvæmd að breyta bara þessum hluta af reglum um lífeyrisgreiðslur.

Þetta bætir vissulega stöðu þeirra sem eru færir um að vinna, þrátt fyrir 70ára aldur.   Þessi hópur heilsuhraustra vinnufærra einstaklinga er að fá sérstaka leiðréttingu frá ríkinu.  

Þeir öldruðu lífeyrisþegar sem ekki geta unnið hafa það áfram jafn skítt....Það þarf bæta stöðu þess hóps.

Skerðingar sem áfram gilda eru oft ígildi margsköttunar.   Fjármagnstekjur skerða að hluta lífeyrisgreiðslur.  Hvað t.d. húsaleigutekjur varðar er ekki horft þar á tilkostnað við öflun húsaleigutekna, t.d. vegna reksturs og viðhalds á húsnæði.  Húsaleigutekjur eru því ekki meðhöndlaður eins og aðrar fjármagnstekjur.   Ef einstaklingur hefur vaxtatekjur þá koma til frádráttar vaxtagjöld, svo að eftir er hreinn hagnaður.

Ellilífeyrisþegi fær því aðeins fulla heimilisuppbót, að hann búi einn.  Ef hann býr með barni eða barnabarni, þá er þetta skert.    Það heitir að hann deili eldhúsi með öðrum.       Þetta er gert þrátt fyrir að opinbera stefnan er að gera öldruðum kleift að búa sem lengst heima.     Fatlaðir sem t.d. búa á sambýlum halda fullum heimilisuppbótum þó svo að þeir deili eldhúsi með öðrum.   AF HVERJU ÞESSI MISMUNUN ??

Það þarf að yfirfara öll þessi skerðingarákvæði, og skilgreina hvert á að vera markmiðið með öllu reglufarganinu.    

Þessi breyting sem nú var gerð er í grunninn meira gerð til að fá fleyra fólk út á vinnumarkaðinn.   Ekki er um að ræða tilraun til að skilgreina hverjir hafi það verst í hópi aldraðra og koma til móts við þá.    Það hefði verið eflilegra að mínu áliti.

Eitt hróplegt misrétti er hvað varðar greiðslur þeirra sem búa á hjúkrunarheimilum. 

   Ellilífeyrisþegi borgar hærri gjöld til hjúkrunarheimilisins heldur en t.d. 60ára einstaklingur sem býr á sama hjúkrunarheimili.    Þetta er hróplegt misrétti og beinlínis aldurstengd mismunun, sem er bönnuð samkvæmt stjórnarskránni.

 Við verðum að vona að þetta verði allt endurskoðað í sumar og í haust komi fram frumvarp sem lagfæri þessa og aðra annmarka á lífeyriskerfinu.          F.S.

 

 

 

Tekjur sjötugra og eldri skerða ekki almannatryggingar

Fá sjúklingar enga iðjuþjálfun á geðdeild LSH við Hringbraut ?

  

Af:   http://www.mbl.is/mm/mogginn/blad_dagsins/bl_grein.html?grein_id=1141872  

Fimmtudaginn 26apríl 2007  Mbl  Innlendar fréttir

 

IÐJUÞJÁLFUN á geðdeild LSH við Hringbraut mun 1. maí 2007 leggja niður alla þjónustu við nýinnritaða sjúklinga móttökudeilda og göngudeildar. Þjónusta iðjuþjálfa skerðist því verulega frá og með þeim degi. Á vef Landspítalans segir að því miður hafi ekki tekist að ráða nýja iðjuþjálfa til starfa fyrir þá sem hafa hætt undanfarið. Fyrir vikið hafa ekki verið skrifaðir inn nýir einstaklingar í iðjuþjálfun frá því um áramót. Í sumar munu þeir starfsmenn sem eftir eru sinna þeim skjólstæðingum sem ekki hefur tekist að útskrifa eða finna önnur úrræði fyrir.                                                   Iðjuþjálfanemar verða ráðnir í sumarafleysingastöður.

 

Hvað er í gangi ? 

Nú eru frambjóðendur til Alþyngis að kynna hvað eigi að gera til að bæta aðstæður t.d. aldraðra, fatlaðra og sjúklinga. 

 

Á sama tíma er sagt frá því að nánast verði að loka iðjuþjálfun á LSH við hringbraut.   Hvernig er þetta hægt.   Ef launin eru svo lág að ekki fáist folk til starfa, þá þarf að bæta úr því til að tryggja þessa þjónustu áfram.

 

Iðjuþjálfun er mjög mikilvæg til að endurhæfa þessa veiku einstaklinga.

 

Nú er verið að kynna áform um að breyta örorkumatinu og jafnframt að stórauka endurhæfingu.  

Hvernig fer það saman við þessa lokun.   Hér er um niðurskurð á endurhæfingu að ræða.

 

Það er ekki hægt að stórauka endurhæfingu á meðan ekki er viljitil að greiða iðjuþjálfum og þeirra aðstoðarfólki viðunandi laun.

 

Á meðan það er ekki hægt, þá er boðun stóraukinnar endurhæfingar bara orðagjálfur eða hrein blekking.

 

Rekstur geðdeilda er viðkvæmur rekstur og þolir illa svona óvissuástand.  Það verður að koma í veg fyrir þessa lokun og tryggja áframhaldandi iðjuþjálfun á geðgeild LSH.

 

Við kjósum þingmenn til að leysa þennan vandal. 

Þeir verða að sýna að þeir séu traustsins verðir.  

 Áfram nú………F.S. 

 

Enn meiri kolefnisjöfnun....

 

Þetta byrjar vel.  

Gaman hefði verið að tengja þessa "kolefnisjöfnun" við t.d. ræktun Hekluskóga.    Það hefur verið skortur á fjármagni til að koma Hekluskógaverkefninu vel af stað.   Þetta er stórhuga verkefni, Hekluskógar. 

Ég auglýsi eftir stórhuga aðila til að taka þátt í kolefnisjöfnun og eyrnarmerkja þátttökuna því að peningurinn fari í Hekluskóga verkefnið.

Hekluskógar binda ekki BARA útblástur í andrúmsloftinu heldur binda Hekluskógar einnig vikur / ösku og önnur jarðefni og koma í veg fyrir uppblástur þar og rykstróka niður í nærliggjandi byggðir.

 Með Hekluskógum er því verið að slá tvær flugur í einu höggi ( einu landgræðsluátaki...).

Allt fyrir umhverfið og heilnæmt andrúmsloft.....                               F.S.

Allir bílar stjórnarráðsins verða kolefnisjafnaðir

Tökum þátt í því að bæta andrúmsloftið....

 

Þetta er frábær hugmynd.   Það vantar alltaf fé til skógræktar, og þetta er frábær hugmynd. 

Það þyrfti svo að bjóða fyrirtækjum/ stofnunum að kolefnisjafna útblástur samgöngutækja sinna með skógrækt.        Fyrirtækin gætu svo sýnt merki um vottun á þessu í sínum kynningarpésum.   Það eru svona hugmyndir sem skila málum áfram.

SÍBS félagar ættu að sýna fordæmi og taka þátt í þessu .   Þetta er aðferð til að auka líkur á sæmilega heilnæmu lofti í framtíðinni.   Okkar félagsmenn eru margir sérstaklega viðkvæmir fyrir mengun, og því kæmi þetta þeim vel.

Ekki satt......                        F.S.

Umhverfisverkefninu Kolviði hleypt af stokkunum

Önnur sýn á fjórfrelsið.

Hér eru athyglisverð atriði úr ávarpi Siv Friðleifsdóttir, heilbrigðis- og tryggingamálaráðherra,  á afmælisfund Tryggingastofnunar ríkisins o8 12 2006.  Hún er að velta fyrir sér framtíðarhlutverki og skilgreiningum í velferðarkerfinu og vitnar m.a. í “fjórfrelsi Rosvelts Bandaríkjaforseta.   Aðeins annarskonar fjórfrelsi en mest er rætt um í dag.

Tilvitnun í ávarpið:

“taka upp eftir Roosevelt bandaríkjaforseta það sem hann hafði skilgreint sem eitt af fjórum frelsishugtökum mannkyns – The Freedom from Want – eða frelsi frá skorti.  

Og þeir spurðu: Er hægt að skapa félagslegt öryggi með almannatryggingum?” 

“Það er hins vegar afar athyglisvert að skoða hvað þeir töldu að til þyrfti svo skapa mætti það sem þeir skilgreindu sem félagslegt öryggi.   

Nálgun þess að vera frjáls frá skorti. Þeir skilgreindu félagslegt öryggi víðtækt.      

     Í fyrsta lagi þyrfti að útrýma atvinnuleysinu að mestu leyti,   

     í öðru lagi að gefa almenningi kost á að lifa sómasamlegu menningarlífi,   

     í þriðja lagi að bægja frá skorti á brýnustu lífsnauðsynjum, og   

     í fjórða lagi að tryggja almenningi góða almenna uppfræðslu.”

 

Kíkið á ávarpið allt.   Þetta eru áhugaverðar vangaveltur.    

Undirstrikanir og leturbreytingar eru mínar.

Upphaflega af:    http://www.heilbrigdisraduneyti.is/radherra/RaedurSF/nr/2350  

F.S.  

----------------------------------------

Tryggingastofnun 70 ára   ávarp ráðherra   o8 12 2006

 Siv Friðleifsdóttir, heilbrigðis- og tryggingamálaráðherra,ávarpaði afmælisfund Tryggingastofnunar ríkisins o8 12 2006. 

Ágætu gestir.

Fáar íslenskar stofnanir eru eldri en sjálft lýðveldið Ísland – Tryggingastofnun ríkisins er ein þessara stofnana. Ef við lítum yfir söguna tel ég að við getum í stærstu dráttum verið stolt af því sem gert hefur verið í nafni stofnunarinnar fyrir hönd löggjafans.

Þegar Tryggingastofnun ríkisins stóð á sextugu, 1. apríl 1996, lét einn fyrrverandi tryggingamálaráðherra svo um mælt að hann teldi vafasamt að Tryggingastofnun ríkisins yrði til eftir tíu ár. Spá hans gekk ekki eftir.

Kannski var hann að vísa til þess að á sjötugs afmælinu væri komið að hefðbundnum starfslokum stofnunarinnar í skilningi verkloka embættismannsins, gerandi ráð fyrir að okkur tækist ekki að ná samkomulagi við aldraða um sveigjanleg starfslok, eins og við gerðum fyrr á þessu ári. Kannski hefur hann mislesið hið pólitíska landslag eða talið að breytingar yrðu á samfélagsháttum sem yllu því að TR væri ekki starfandi í dag, en slíkar breytingar hafa ekki orðið. Tryggingastofnun ríkisins verður starfandi enn um langa hríð og starfsemin og hlutverk stofnunarinnar munu breytast, rétt eins og þau hafa breyst í áranna rás.

Tryggingastofnun ríkisins og hugmyndafræðin sem hún byggðist á í upphafi mótaðist og varð til á þeim árum þegar hér var við völd ríkisstjórnin sem kallaði sig “stjórn hinna vinnandi stétta”. Ríkisstjórn sem í sögulegu ljósi var ein sú merkasta á liðinni öld. Ríkisstjórn sem hafði skilning á mikilvægi atvinnuuppbyggingar og félagslegra umbóta, ríkisstjórn sem studdist við þingmeirihluta sem hafði næman skilning fyrir vondum afleiðingum félagslegs óöryggis og gerði sér grein fyrir því böli sem atvinnuleysi gat orðið fyrir þann sem missti atvinnuna. Í orðræðu hvunndagsins finnst mér stundum að við gætum í þessum efnum lært svolítið af áum okkar í pólitískum skilningi.

Það varð á þessum tímum félagsumbylting í landinu með gildistöku laga um alþýðutryggingar á árinu 1936. Þá var hér komið á virku almannatryggingakerfi og allt frá þeim tíma hafa almannatryggingar og Tryggingastofnun ríkisins verið nátengd í hugum almennings. Tryggingastofnun ríkisins hefur verið hinn sýnilegi framkvæmdaaðili, stofnunin sem falið var að hrinda í framkvæmd því sem ákveðið var og er á Alþingi – og af framkvæmdavaldinu sem stofnunin heyrir undir.

Um það leyti sem menn voru að venjast tilhugsuninni um íslenskt lýðveldi veltu hugsuðir á sviði almannatrygginga því fyrir sér hvort það væri ekki verðugt markmið fyrir hið nýfædda lýðveldi að taka upp eftir Roosevelt bandaríkjaforseta það sem hann hafði skilgreint sem eitt af fjórum frelsishugtökum mannkyns – The Freedom from Want – eða frelsi frá skorti. Og þeir spurðu: Er hægt að skapa félagslegt öryggi með almannatryggingum?

Þessir menn sem voru djúpvitrir í skilningi almannatrygginga treystu sér ekki til að svara spurningunni játandi.

Það er hins vegar afar athyglisvert að skoða hvað þeir töldu að til þyrfti svo skapa mætti það sem þeir skilgreindu sem félagslegt öryggi.    Nálgun þess að vera frjáls frá skorti.

Þeir skilgreindu félagslegt öryggi víðtækt.     

• Í fyrsta lagi þyrfti að útrýma atvinnuleysinu að mestu leyti,   
• í öðru lagi að gefa almenningi kost á að lifa sómasamlegu menningarlífi,   
• í þriðja lagi að bægja frá skorti á brýnustu lífsnauðsynjum, og   
• í fjórða lagi að tryggja almenningi góða almenna uppfræðslu.

Þannig töldu þeir að nálgast mætti frelsi frá skorti.

Ég vísa til þessa hér vegna þess að mér finnst á stundum eins og þessari hér í dag bæði áhugavert og nauðsynlegt að velta fyrir sér   hvað það er sem við erum að reyna að tryggja og köllum velferð.   Hvað við getum gert sameiginlega,   hvað við eigum að gera sameiginlega og   hvað af velferðinni verður ávallt í okkar eigin höndum.

Ég sagði áðan að hlutverk Tryggingastofnunar ríkisins hefði breyst í tímans rás og ætti enn eftir að breytast. Stofnunin er nú fyrst og fremst þjónustustofnun við almenning og ég sé fyrir mér að stofnunin muni þróast enn frekar til þeirrar áttar. Stefna TR er enda sú að vera þjónustustofnun sem gegnir veigamiklu hlutverki í íslensku velferðarkerfi.

Á heimasíðu Tryggingastofnunar kemur þessi stefna stofnunarinnar fram og þar skilgreinir hún sig, með réttu “sem eina af undirstoðum íslenska velferðarkerfisins”. Þar kemur líka fram að stofnunin lítur svo á að hún sé   “frumkvæðisstofnun sem stendur vörð um íslenska velferðarkerfið”   og hún hafi að stefnumiði að vera   “öflug og traust stofnun,   sem ákvarðar og greiðir réttar tryggingabætur,   sem veitir gagnlegar upplýsingar og ráðgjöf til almennings,    annast eftirlit með málefnum sem stofnuninni eru falin samkvæmt lögum á faglegan, öruggan og hagkvæman hátt.”

Það er stundum talað um að kerfi almannatrygginga sé flókið, illskiljanlegt og þunglamalegt. Að sumu leyti er þetta rétt og að sumu leyti ekki. Löggjafinn hefur kosið að skipa málum þannig, að í Tryggingastofnun ríkisins erum við að vinna eftir almennum lögum og reglum,   að tryggja almennan rétt manna og hins vegar höfum við kosið að byggja inn í lög og regluverk takmarkanir og ívilnanir sem ákvarðast af félagslegum og einstaklingsbundnum þáttum.    Af sjálfu leiðir að í slíku kerfi er hætt við að upp komi flókin dæmi og veruleiki sem oft getur verið erfitt að skilja við fyrstu sýn. Eðli málsins samkvæmt hlýtur slíkt kerfi að vera nokkuð flókið. Nálgunin er að líta til einstaklingsbundinna þátta eða hópa og þar af leiðandi hljóta að gilda mismunandi reglur um réttindi aðilanna.

Það er hlutverk okkar að leitast við að gera þetta regluverk skiljanlegra gagnvart þeim sem við þjónum, en ég segi nú eins og ég hef áður sagt:     Einföldun má ekki fela í sér að réttur einstaklinga eða hópa sé fyrir borð borinn.

Hvernig á að nálgast óskina um einföldun á almannatryggingakerfinu sem  margir, þ.á.m. Öryrkjabandalag Íslands og Landamband eldri borgara, bera fram?

Ég hef velt því fyrir mér hvort við ættum að fara að dæmi frænda okkar Dana og setja niður nefnd óháðra sérfræðinga sem hefði það að verkefni um nokkra hríð að skoða   hvers konar velferðaþjónustu við viljum veita,   hvers konar velferðaþjónustu við viljum veita til næstu 30 til 50 ára.   Nefnd af þessu tagi hefði það hlutverk að horfa inn í framtíðina á grundvelli nútímans, og leggja fram hugmyndir og jafnvel beinar tillögur um velferðar-  og þar með almannatryggingakerfi 21. aldarinnar.

Það er afar óheppilegt að tjalda til einnar nætur í þessum mikilvæga málaflokki. Ákvarðanir sem við tökum í dag hafa nefnilega áhrif langt inn í framtíðina og það gæti verið kostur í okkar fámenna, en flókna samfélagi, að leiða saman færa óháða sérfræðinga sem upplýsa okkur um það hvernig hin hugsanlega framtíð gæti litið út. Slíkt nefndarstarf gæti verið forsenda þess að stjórnmálamenn og almenningur geti myndað sér skoðun og tekið ákvarðanir um almannatryggingakerfi næstu áratuganna.

Fyrir ekki löngu síðan flutti Ásmundur Stefánsson, ríkissáttasemjari og fyrrverandi forseti Alþýðusambandsins, erindi á vettvangi Tryggingastofnunar ríkisins, en það fjallaði einmitt um hluta af þessari framtíð sem ég er að tala um.   Orð Ásmundar vöktu að mínum dómi allt of litla athygli miðað við hvað greining hans og framsetning var merkileg.   Í þessum anda teldi ég æskilegt að sérfræðingar opnuðu okkur sýn inn í framtíðina.Í þessum anda voru þeir raunar að fjalla um almannatryggingar fyrir sextíu árum sem ég vitnaði til hér að framan.   Mennirnir sem voru uppteknir af frelsishugtökunum fjórum,    sem Roosevelt bandaríkjaforseti hafði skilgreint.

Góðir gestir.

Hún Tryggingastofnun ríkisins er sjötug. Ég óska ykkur og þjóðinni allri til hamingju með það. Ég mun sem ráðherra áfram leggja mig fram um að tryggja rekstrargrundvöll TR af því ég veit að stofnunin er að sinna mikilvægu hlutverki sem krefst talsverðs mannafla og tækjabúnaðar.

Þessi aldna frú, Tryggingastofnun ríkisins, eldist hægt og verður vonandi áfram öflug – öflug þjónustustofnun í þágu almennings. Besta afmælisgjöfin sem stofnunin getur gefið sér sjálf er að verða enn virkari og enn betri í þessu þjónustuhlutverki.

Ég vil óska Karli Steinari Guðnasyni, forstjóra TR og starfsmönnum stofnunarinnar til hamingju með afmælið. Á þessum tímamótum vil ég þakka starfsmönnum öllum, bæði þeim sem hér eru og þeim sem voru hér á undan ykkur, fyrir vel unnin störf. 

Ráðstefnan Félagsmálaráðuneytisins og fl. "mótum framtíð".

 

Vel heppnuð og fjölsótt ráðstefna

Magnús Stefánsson félagsmálaráðherra, Guðjón Sigurðsson, formaður MND-félagsins, og Kristín Einarsdóttir iðjuþjálfi

Í

 móttöku ráðherra í lok ráðstefnunnar „mótum framtíð“ afhenti MND-félagið MND-teymi LSH tækjabúnað að gjöf að andvirði um 1 milljón króna.

http://www.felagsmalaraduneyti.is/frettir/frettatilkynningar/nr/3166

2.4.2007

Þátttaka í ráðstefnunni mótum framtíð um stefnur og strauma í félagslegri þjónustu á Nordica hotel fór fram úr björtustu vonum. Um 600 gestir sóttu ráðstefnuna á fimmtudag og 400 á föstudag. Fyrirlesarar og málshefjendur í málstofum voru liðlega 100 talsins. 

Magnús Stefánsson félagsmálaráðherra sleit ráðstefnunni með móttöku í beinu framhaldi af því að 81 aðildarríki Sameinuðu þjóðanna, þar á meðal Ísland, undirritaði tímamótasamning um réttindi fatlaðra. Við sama tækifæri gaf MND-félagið MND-teymi Landspítala – háskólasjúkrahúss tækjabúnað, fólkslyftu og hóstavél, sem gagnast sjúklingum með taugahrörnunarsjúkdóminn. Guðjón Sigurðsson, formaður MND-félagsins, afhenti Kristínu Einarsdóttur iðjuþjálfa gjöfina. Við upphaf ráðstefnunnar á fimmtudag höfðu Magnús Stefánsson og Siv Friðleifsdóttir, heilbrigðis- og tryggingamálaráðherra, tilkynnt um ákvörðun ríkisstjórnarinnar um að ráðast í tilraunaverkefni um notendastýrða þjónustu sem mun taka til fjögurra til sex einstaklinga sem þurfa á öndunarvélaþjónustu að halda vegna slysa eða sjúkdóma svo sem MND.

 Félagsmálaráðuneytið stóð fyrir ráðstefnunni   mótum framtíð   í samvinnu við    Norrænu ráðherranefndina, Velferðarsvið Reykjavíkurborgar, Rannsóknarsetur í barna- og fjölskylduvernd við Félagsvísindadeild Háskóla Íslands, Rauða kross Íslands, Ís-Forsa og fjölmarga hagsmunaaðila sem láta sig félagslega þjónustu varða. 

 ----------------------------------------------------------

 ATH.

Það hefði 4-5 til að fylgjast með öllu á ráðstefnunni.

Nú þarf Félagsmálaráðuneytið að bjóða upp á fyrirlestrana á netinu, eins og Öbí gerði eftir ráðstefnuna um örorkumatið o.fl.        F.S.

--------------------------------------------------------

 

Stýrivextir á Íslandi í alþjóðlegum samanburði

Hér eru skoðaðir stýrivextir Seðlabanka Íslands, og þeir bornir saman við stýrivexti í Japan, Bandaríkjunum, Evrusvæðinu og á Bretlandi.

 

Okkar stýrivextir eru mikið hærri en hjá hinum þ´jóðunum.    Talið er að 2-3%stig stýrivaxtanna séu vegan virkjana og stóriðju, vegan þensluáhrifa.

 

Þessir háu stýrivaxtir lokka erlenda fjárfesta til að gefa út krónu-bréf, það er vegan hárra vaxta á Íslandi.   Þessi bréf geta aukið á þensluna hér og gera krónuna óstöðugri, litið til framtíðar.

 

Háir vextir snarhækka afborganir af lánum og auka útgjöld heimillanna og smærri fyrirtækja.  Stór fyrirtæki fjármagna sig meira erlendis.

 

Það er lítill ávinningur a f því að vera metþjóðin í þessari viðmiðun.

 

Skoðið greinina og línuritið…       F.S.

  Af:        http://www.fjarmalaraduneyti.is/frettir/almennar-frettir/almennar-frettir/nr/8038 

 ---------------------------------------------------------

Stýrivextir á Íslandi í alþjóðlegum samanburði

3.4.2007  

Úr Vefriti fjármálaráðuneytisins 29. mars 2007 - þú getur gerst áskrifandi að vefritinu. 

Seðlabanki Íslands ákvað fyrir helgi að halda stýrivöxtum óbreyttum, í 14,25%.Í þessu sambandi er vert að huga að því að núorðið hafa seðlabankar það hlutverk í hagstjórninni að stýra verðbólguþróun. Stýrivextir eru það stjórntæki sem seðlabankar nota til að hafa áhrif á lánskjör útlánastofnana og þar með eftirspurn á markaði. Að öðru óbreyttu auka fyrirtæki og almenningur lántöku sína þegar vextir lækka að raungildi og að sama skapi er dregið úr lántökum þegar þeir hækka. Seðlabankar framfylgja ákveðnum markmiðum varðandi verðlag. Í flestum þróuðum ríkjum með sjálfstæðan gjaldmiðil hefur verðbólgumarkmið notið hylli.   

Seðlabanki Íslands stefnir t.d. að því að verðbólga sé 2,5%.  

Í Bandaríkjunum fylgir seðlabankinn markmiði um verðstöðugleika en tekur einnig tillit til áhrifa stýrivaxta á hagvöxt og atvinnustig.

 Eins og myndin sýnir hafa stýrivextir víða hækkað undanfarin ár í takt við uppsveiflu í efnahagslífi heimsins. Hagvöxtur í hinum stærri ríkjum hefur undanfarin ár verið á bilinu 2-4% á ári, meiri í Bandaríkjunum og Bretlandi, en minni í Evrópu og breytilegur í Japan. Hagvöxtur hefur verið mun meiri á Íslandi. Þróun stýrivaxta hefur því ekki verið samstíga. Seðlabankar Bretlands, Bandaríkjanna og Íslands hófu að hækka stýrivexti árið 2004 þegar þeir voru orðnir nokkuð lágir, sérstaklega í Bandaríkjunum. Seðlabanki Evrópu tók að hækka stýrivexti í árslok 2005 og Seðlabanki Japan hóf sitt hækkunarferli í júlí 2006.  

Nokkur orð vegna greinar Sjálfsbjargar, landssambands fatlaðra, um styrki og uppbætur vegna bifreiðakaupa hreyfihamlaðra einstaklinga .

 Styrkir og uppbætur vegna bifreiðakaupa hreyfihamlaðra einstaklinga

Ég rakst á þessa frétt í Mbl 1. Apríl.   Auðvitað hefði ég kosið að hún væri Aprílgabb...en það er ekki svo.

Það er alltaf verið að skerða stirki frá TR, og þessir bílakaupastirkir eru alveg sér á báti.

Styrkirnir eru margskonar, og hér segir :

Uppbót vegna reksturs bifreiðar 

Heimilt er að greiða ellilífeyrisþega, örorkulífeyrisþega og örorkustyrkþega uppbót til að mæta kostnaði við rekstur bifreiðar ef bótaþega er nauðsyn að hafa bifreið vegna hreyfihömlunar og sýnt er að hann geti ekki komist af án uppbótarinnar. Með hreyfihömlun er átt við líkamlega hreyfihömlun, þar á meðal hjarta- og lungnasjúkdóma, auk blindu, sem gerir menn ófæra um að komast ferða sinna án ökutækis.

Þegar komið er að styrkjum til kaupa á bifreið er allt annað viðmið.   Þá er það hækjur og hjólastóll, sem eru skylyrðin, ásamt því að þurfa að komast á bílnum í launaða vinnu eða í skóla.  

Eins og hér segir:

Styrkur til kaupa á bifreið

Heimildin á þó einungis við þegar umsækjandi ekur sjálfur og þarf á bifreið að halda    til að stunda nám eða launaða vinnu. Styrkur er eingöngu veittur þegar eftirfarandi skilyrði eru uppfyllt:*     Hinn hreyfihamlaði    notar tvær hækjur eða hjólastól að staðaldri.

 

Hjarta og lungnasjúklingar hafa nú ekki möguleika nema þá ef einstaklingurinn “notar tvær hækjur eða hjólastól að staðaldri.”   

Sá sem ferðast um með súrefniskút og getur ekki gengið nema örfáa metra, er ekki nægilega “hreyfihamlaður” samkvæmt þessum reglum.

Sjá nánar á:  http://www.tr.is/oryrkjar/onnur-rettindi/  

Þetta þarf að skoða betur.

Gott að  Sjálfsbjargar, landssambands fatlaðra   mynnir á þetta.

F.S.

------------------------------------------------------------------------------

Hér er svo greinin:

Mbl  Sunnudaginn 1. apríl, 2007 - Innlendar fréttir http://www.mbl.is/mm/mogginn/blad_dagsins/bl_grein.html?grein_id=1137804   

FYRIR hreyfihamlaða einstaklinga er bifreið grundvallarhjálpartæki til þátttöku og virkni í samfélaginu. Mikil rýrnun hefur orðið á styrkjum og uppbótum frá Tryggingastofnun ríkisins til hreyfihamlaðra vegna bifreiðakaupa á síðustu árum. 

FYRIR hreyfihamlaða einstaklinga er bifreið grundvallarhjálpartæki til þátttöku og virkni í samfélaginu. Mikil rýrnun hefur orðið á styrkjum og uppbótum frá Tryggingastofnun ríkisins til hreyfihamlaðra vegna bifreiðakaupa á síðustu árum.  

Styrkupphæðir samkvæmt reglugerð heilbrigðis- og tryggingamálaráðuneytisins hafa ekki hækkað í 8 ár og tími milli styrkveitinga hefur verið lengdur, sem hefur leitt til verulegrar rýrnunar á verðgildi styrkja.

 Breyting á gildandi reglugerð tók gildi 22. mars sl., en þar er ekki tekið á rýrnun styrkja og uppbóta heldur m.a. sett ákvæði um takmörkun á frelsi einstaklings til að velja sér bifreið og virðist farið offari í þeim kröfum.  

Hvorki Sjálfsbjörg, landssambandi fatlaðra, né Öryrkjabandalagi Íslands var gefinn kostur á að fá reglugerðina til umsagnar áður en hún var undirrituð af heilbrigðis- og tryggingamálaráðherra.

 

Sjálfsbjörg vekur af þessu tilefni athygli á þeirri kröfu að komið verði á fót formlegum samráðsvettvangi samtaka fatlaðra og stjórnvalda þar sem samtökum þeirra er veittur eðlilegur aðgangur og vettvangur til að fjalla um málefni sem að fötluðum snýr.

 Sjálfsbjörg hefur áður gert athugasemdir og komið með ábendingar varðandi núgildandi reglugerð og sendi stjórnvöldum tillögur um lækkun á bifreiðakostnaði hreyfihamlaðra seint á árinu 2006, sem ekki hafa fengist viðbrögð við. Því er lýst eftir svörum og samráði við samtök fatlaðra nú þegar um þetta mál.  

F. h. farartækjanefndar Sjálfsbjargar, landssambands fatlaðra, Anna Guðrún Sigurðardóttir, Arnór Pétursson, Bergur Þorri Benjamínsson, Jón Heiðar Jónsson og Vilberg Guðnason.

F. h. Sjálfsbjargar, landssambands fatlaðra, Ragnar Gunnar Þórhallsson, formaður.  

 

Fjölga á dagvistarrýmum aldraða um 75

 

 3 Mars var Mbl með frétt, sem er samhljóða fréttatilkynningu frá heilbrigðisráðuneytinu., http://www.heilbrigdisraduneyti.is/frettir/nr/2421  . 

Mér er spurn:   Hefur þetta fólk ekki verið í stjórn í mörg ár? 

Af hverju er ekki löngu búið að bæta stöðu aldraðra á Íslandi ? 

Nú nálgast kosningar og þá er verið að minna okkur á hvaða draumsýnir stjórnmálamenn / ráðherrar hafa.  Ég held að þetta hafi verið kynnt í fjölmiðlum áður. Það er endalaust verið að tala um góðærið hjá okkur.  Samkvæmt þeim tölum sem Sif hefur verið að nefna um þörf á hjúkrunarrými, þá ætti allt að vera í góðulagi hér.  Samt eru biðlistar......Það er líka ótrúlegt að aldraðir þurfa að borga hærra fyrir að dvelja á hjúkrunarheimili heldur en þeir sem yngri eru.  

Er það ekki brot á jafnræðisreglu stjórnarskrárinnar ? 

Lög um málefni aldraðra eru að mörgu leiti skerðingarlög.    Lögin skerða rétt aldraðra miðað við þá sem yngri eru.    Þetta er til skammar í samfélaginu og skiptir miklu meira máli heldur en hvort "málefni aldraðra" eru hjá ríkinu eða sveitarfélögunum.   Þjónustan og gæði hennar eru lykilatriðið og þá líka að tryggja að þjónustan sé raunverulega í boði. Velyrði um úrbætur á elleftu stundu fyrir kosningar eru oftast ekki marktæk.      Því miður. Undirfyrirsögn á fréttatilkynningu ráðuneytisins hljómar kunnuglega;  “Átak til að styrkja búsetu aldraðra á eigin heimilum”   en eitthvað lítið hefur farið fyrir þessum áherslun undanfarin ár, þó svo að þetta hafi verið yfirlýst markmið lengi.Enn er verið að skerða lífeyrir aldraðra sem búa með öðrum á heimili. 

Af vef TR fyrir ellilífeyrisþega :          “Heimilisuppbót er 23.164 kr. á mánuði”.“Lífeyrisþegar sem búa einir og eru einir um heimilisrekstur geta fengið greidda heimilisuppbót”. 

Ekki er þetta til þess fallið að létta öldruðum að búa á eigin heimili……………. F.S. -

Fréttin af Mbl.is :     Fjölga á dagvistarrýmum aldraða um 75

Innlent | mbl.is | 23.3.2007 | 13:55     mbl.is/Sverrir Vilhelmsson

Siv Friðleifsdóttir heilbrigðis- og tryggingamálaráðherra hefur ákveðið að fjölga verulega úrræðum sem miða að því að styðja aldraða til að búa sem lengst heima. Alls verður varið 370 milljónum króna í þetta verkefni. Þetta er í samræmi við áherslur sem ráðherra hefur kynnt um uppbyggingu öldrunarþjónustunnar sem miða að því að efla þjónustu sem gerir öldruðum kleift að búa sem lengst heima.Ákvörðun ráðherra felur í sér að dagvistarrýmum verður fjölgað um 75 sem er um 11% fjölgun dagvistarrýma en þau voru samtals um 700 á landinu öllu í lok árs 2006.Af þeim 75 dagvistarrýmum sem við bætast verða 44 rými sérstaklega ætluð heilabiluðum og verður stærstur hluti þeirra á höfuðborgarsvæðinu. Fyrir voru samtals 129 dagvistarrými sérstaklega ætluð heilabiluðum og því er hér um 34% aukningu að ræða. Almennu dagvistarrýmunum verður hins vegar komið fyrir víða um land og má geta þess að við bætast 11 staðir þar sem ekki hafa áður verið dagvistarrými fyrir aldraða. Með þessu móti verður dagvistun fyrir aldraða að aðgengilegu úrræði um allt land. Hvíldarrýmum verður einnig fjölgað og bætast við 23 slík rými vítt og breitt um landið, samkvæmt tilkynningu frá ráðuneytinu.Í ráðuneytinu er nú unnið að gerð áætlunar um staðsetningu þessara rýma og er stefnt að því að ákvörðun þar um liggi fyrir á næstu dögum.Ennfremur liggur fyrir ákvarðanir um byggingu nýrra hjúkrunarheimila sem munu fjölga rýmum samtals um 374 á næstu 4 árum sem er um 15% aukning hjúkrunarrýma í landinu.Þetta eru 200 rými á tveimur nýjum hjúkrunarheimilum í Reykjavík og 174 rými víðs vegar um land. Heimilin sem bætast við í Reykjavík eru annars vegar hjúkrunarheimili við Suðurlandsbraut sem reist verður í samstarfi við Reykjavíkurborg og hins vegar á Lýsislóðinni í samstarfi við Reykjavíkurborg og Seltjarnarnesbæ.Þá er um að ræða 20 ný hjúkrunarrými í Árborg, 44 í Kópavogi, 20 í Mosfellsbæ, 30 í Reykjanesbæ, 30 í Hafnarfirði, 10 í Ísafjarðarbæ og 20 í Garðabæ, samkvæmt tilkynningu. 

Bloggað um fréttina

Anna Gísladóttir                                    Hvað er eiginlega að þessu liði ?

Ester                                                    Siv OPEN YOUR EYES!

Gunnar Sigurðsson                                GAMLA FÓLKIÐ UPP Á MIÐNESHEIÐI. RISASTÓR DAGVISTUNARGARÐUR

Guðrún Olga Clausen                            Ekki seinna vænna fyrir Framsókn að gera eitthvað gott

Níels A. Ársælsson.                              Kosningabrella Framsóknar.  

Á  takshópur um heilbrigða skynsemi í pólitískri umræðu   Aldraðra minnst fyrir kosningar

Baldvin Jónsson                                    Þetta er náttúrulega bara einfaldlega óþolandi ástand.....

Helgi Jóhann Hauksson                         Miklar gleðifréttir ... Fleiri