Er stofnun Áfallatryggingastóðs atlaga að almannatryggingakerfinu ?

  

Ég sé að Sigursteinn Másson, formaður ÖBÍ, sat  sameiginlegan fund réttindanefndar og lífeyrisnefndar BSRB til að kynna sín sjónarmið í málinu.

 

Hér er á ferðinni mjög stórt og mikilvægt mál.

 

Eins og ég sé þetta þá eru tillögur um ASÍ og SA um svokallaðan áfallatryggingasjóð bein afleiðing af tillögum “Örorkumatsnefndar forsætisráðherra”, sem m.a. ÖBÍ átti fulltrúa í og samþykkti niðurstöður nefndarinnar og fulltrúi þeirra skrifaði undir fyrir hönd ÖBÍ.

Það sem sagt er um “nýtt endurhæfingarkerfi fyrir öryrkja” í þessu sambandi er bara gulrót til að selja hugmyndina um breytt lífeyriskerfi  og  stofnun áfallatryggingasjóð..

 

 Starfsgreinasambandið ( SA )hefur áður sagt að :

“Eigi hugmyndir ,,örorkumatsnefndar” forsætisráðherra að ná fram að ganga, þarf að breyta bæði hlutverki sjúkrasjóða aðildarfélaga SGS og lífeyrissjóðanna” 

Það er því ljóst að tillögur “Örorkumatsnefndar forsætisráðherra”hafa nú leitt til tillagna þeirra sem hér er verið að ræða um. 

Ekki eru öll aðildarfélög Starfsgreinasambandsins sammála stefnu sambandsins og tillögum þess og Samtaka Atvinnulífsins.Umræður um þessar tillögur hafa verið mjög litlar, þangað til nú síðustu vikurnar þegar verið er að kynna tillögurnr innan aðildafélaga Starfsgreinasambandsins ( SA ). 

Í þessu sambandi er talað um að stórauka þurfi endurhæfingu.  Það er alveg rétt, en það eru ekki ní tíðindi. Það var ein af forsendum frumvarpsins 1999 að endurhæfingin yrði stóraukin.Það dugði ekki til að Alþyngi legði meiri peninga í endurhæfinguna  

Ég vil mynna á að ekki fór fram nein stefnumótunarvinna meðal aðildarfélaga Öbí á meðan Örorkumatsnefnda forsætisráðherra starfaði eða til undirbúnings þeirri vinnu. 

Öbí var aðal baráttuaðili fyrir læknisfræðilegu örorkumati 1999, sem nú er notað,  og hefur ÖBÍ því alveg skippt um stefnu í þessu mikilvæga máli án þess að aðildarfélögum ÖBÍ gæfist kostur á að koma að þeirri umræðu og ákvarðanatöku.

Að mínu mati er það alveg á skjön við viðtekin líðræðisleg vinnubrögð og ekki sæmandi samtökum eins og ÖBÍ. 

Ég vil benda á fyrri skrif hér um þessi mál, sem sjá má á:

http://vifill.blog.is/blog/vifill/entry/327511/  

http://vifill.blog.is/blog/vifill/entry/300871/

http://vifill.blog.is/blog/vifill/entry/183806/  

http://vifill.blog.is/blog/vifill/entry/165717/   

  

Ég hvet alla til að skoða þessi mál vel.

Þetta skiptir samfélag okkar verulegu máli að þessu sé vel fyrir komið og sjúklingar og öryrkjar búi við gott afkomuöryggi.

 

Það er rétt ábending hjá Sigursteini Mássyni að tillögur um áfallatryggingasjóð ná bara til félagsmanna í tilteknum stéttarfélögum.   Þær leiða því til mismununar í þjóðfélaginu.

Einstaklingar utan stéttarfélaga hafa ekki sömu réttindi.

 

  Við verðum að muna að þetta ferli; Örorkumatsnefndi forsætisráðherra og tillögur ASÍ og SA um áfallatryggingasjóð fer af stað til að bæta hag lífeyrissjóðanna með því að minnka örorkubótaþáttinn í lífeyrisgreiðslum lífeyrissjóðanna.Tetta er samhangandi mál eins og kemur t.d. fram í tilvitnun í álit Starfsgreinasambandsins hér ofar. 

Kv.  Frímann

 

Alvarleg atlaga að almannatryggingakerfinu

http://www.obi.is/um-obi/frettir/nr/302

3.10.2007  

Sigursteinn Másson, formaður ÖBÍ, sat í gær sameiginlegan fund réttindanefndar og lífeyrisnefndar BSRB til að fjalla um hugmyndir sem fram hafa komið af hálfu ASÍ og SA um svokallaðan áfallatryggingasjóð og nýtt endurhæfingarkerfi fyrir öryrkja. Varaði hann við að ef hugmyndir ASÍ og SA næðu fram að ganga væri það alvarlegasta atlaga að almannatryggingakerfinu á Íslandi frá því það var sett á laggirnar 1936.  

Sigursteinn benti á að um væri að ræða nýtt framfærslukerfi til hliðar við almannatryggingakerfið og varaði við því að ef þessar hugmyndir yrðu að veruleika yrði við lýði í landinu kerfi mismununar. Annars vegar væru þeir sem tengdust þeim hluta vinnumarkaðarins sem aðild ættu að þessu fyrirkomulagi og síðan hinir sem þar stæðu fyrir utan. Lagði Sigursteinn áherslu á að stefnt yrði í gagnstæða átt, það er að stórefla almannatryggingakerfið og einfalda það til muna. 

Tengill á frétt á heimasíðu BSRB um málið.

http://bsrb.is/Default.asp?ID=0&type=one&news_id=1285&menuid=

  

Af: http://bsrb.is/Default.asp?ID=0&type=one&news_id=1285&menuid=

  

Hlustum á varnaðarorð Öryrkjabandalagsins

2.10.2007   

Sigursteinn Másson, formaður ÖBÍ, kom í dag á sameiginlegan fund  réttindanefndar og lífeyrisnefndar BSRB til að fjalla um hugmyndir sem fram hafa komið af hálfu ASÍ og SA um svokallaðan áfallatryggingasjóð og nýtt endurhæfingarkerfi fyrir öryrkja. Formaður Öryrkjabandalagsins sagði á fundinum að hér væri í reynd um að ræða nýtt framfærslukerfi til hliðar við almannatryggingakerfið og varaði við því að ef þessar hugmyndir yrðu að veruleika yrði við lýði í landinu kerfi mismununar. Annars vegar væru þeir sem tengdust þeim hluta vinnumarkaðarins sem aðild ættu að þessu fyrirkomulagi og síðan hinir sem þar stæðu fyrir utan.  

„Við ættum að stefna í gagnstæða átt," sagði Sigursteinn, „stórefla almannatryggingakerfið og einfalda það til muna." Meginmálið væri að í landinu sé öflugt almannatryggingakerfi fyrir alla landsmenn.

  Sigursteinn sagði að ýmsar þær hugmyndir sem verið hefðu í umræðunni undanfarin misseri um uppstokkun á örorkukerfinu, þar sem horft væri til þess sem einstaklingurinn gæti í stað vangetu hans og jafnframt að efla bæri endurhæfingu, væru til góðs og mikilvægt að samfélagið stæði þar einhuga að baki. Við skyldum hins vegar ekki flana að neinu og ráðast í kerfisbreytingar sem væru til þess fallnar að veikja það kerfi sem við nú búum við. Vissulega bæri að breyta því en undirstöðurnar mætti ekki veikja.  

Sigursteinn tók djúpt í árinni og sagði að ef hugmyndir ASÍ og SA næðu fram að ganga væri það alvarlegasta atlaga að almannatryggingakerfinu á Íslandi frá því kerfið var sett á laggirnar 1936. Kvaðst hann óttast að með þessum hugmyndum væri stigið skref að bandarísku fyrirkomulagi þar sem vinnumarkaðurinn sér um velferðarkerfi starfsmanna sinna.

 BSRB hefur tekið vel í þá grunnhugsun sem formaður Öryrkjabandalagsins vísar hér til um nýja hugsun í almannatryggingakerfinu. „Hvað þennan þátt áhrærir höfum við átt samleið og ég lít svo á að við séum hér á sömu braut og Alþýðusambandið hvað markmiðin varðar. Hins vegar þarf að hyggja að framkvæmdinni og okkur ber skylda til að huga að varnaðarorðum formanns Öryrkjabandalags Íslands. Varðandi hugmyndir ASÍ og SA er því  ljóst að mikil umræða þarf að fara fram í okkar röðum áður en við tökum ákvörðun um hvert við viljum stefna í þessum efnum. Hér má ekki flana að neinu. Að sjálfsögðu viljum við að ekkert gerist sem gæti orðið til að veikja almannatryggingakerfið í landinu og þar tek ég aftur undir með formanni ÖBÍ  að stórátak þarf að gera til að efla það kerfi," sagði Ögmundur Jónasson formaður BSRB.

Um áherlsur ÖBÍ vegna fjárlagagerðar og væntanlegra kjarasamninga

  Ég leyfi mér að birta hér fret af heimasíðu ÖBÍ  ( http://www.obi.is/um-obi/frettir/nr/301 )  og einnig kröfugerðina sjálfa sem fréttin fjallar um, einnig af heimasíðu ÖBÍ  (http://www.obi.is/media/frettir/Aherslur_OBI.doc )    

ÖBÍ er regnhlífasamtök allflestra sjúklingafélaga

Stefnuskrá Öryrkjabandalags Íslands er hægt að skoða á  http://www.obi.is/um-obi/stefnuskra-obi  , og er hún fróðleg aflestrar.

Þar segir m.a.:

“Tilgangur Öryrkjabandalags Íslands er:að vera sameiningarafl fyrir aðildarfélögin sem orðið hafa til í þeim tilgangi að skapa fötluðu fólki og aðstandendum betra líf.” 

 

Okkar samtök, SÍBS, samband berkla og brjóstholssjúklinga, er samband sjúklingafélaga 5 tiltekinna sjúklingahópa.  SÍBS er eitt aðildarfélaga ÖBÍ en okkar félagsmenn eru bæði ófatlaðir og fatlaðir, þó svo að þeir séu flestir sjúklingar.

Það eru ekki allir sjúklingar fatlaðir, en það að vera fatlaður á bara við þá sjúklinga þar sem sjúkdómurinn er farinn að há fólki verulega í daglegu lífi.

 

Því er stefnuskrá ÖBÍ mjög ónákvæm í lýsingu sinni á aðildarfélögunum. 

Sjúklingar eru ekki allir fatlaðir. 

 

Það er styrkur fyrir aðildarfélögin að vera í svona regnhlífarsamtökum. 

Það krefst þess jafnframt af aðildarfélögunum að þau leggi sitt af mörkum til að móta stefnu ÖBÍ og taka þátt í starfi þeirra af fullum krafti.

“Hin dauða hönd” er engum til góðs, og öllum skaðleg.

Því þurfa allir að leggja sitt af mörkum, ef einhver alvara fylgir aðild að svona samtökum.

 

Það er ánægjulegt að ÖBÍ leggi fram áherslur sínar í upphafi kjarasamninga á almenna markaðinum og einnig á opinberum markaði.

Forsvarsmenn stéttarfélaganna virðast margir vera búnir að gleyma því að flestir öryrkjar eru fyrrverandi og núverandi félagsmenn stéttarfélaganna.

Stéttarfélög þurfa að sinna kjaramálum öryrkja betur en verið hefur.

 

Lífeyrissjóðir landsins eru á forræði stéttarfélaganna og eru eign félagsmanna þeirra.  Nú eru lífeyrissjóðirnir að reyna að koma örorkulífeyrisþegum af framfæri sjóðanna.    Köld kveðja það.

Það mál verður þó ekki rætt hér nú.

 

Kynnið ykkur áherslur ÖBÍ vegan fjárlagagerðar og í tengslum við kjarasamninga.

Svo hvet ég alla til að fylgjast með fréttum á heimasíðu samtakanna, ( http://www.obi.is )Þar ætti að vera hægt að fylgjast með aðgerðum og áherslum samtakanna. 

Kv:  Frímann

   

Áherlsur ÖBÍ vegna fjárlagagerðar og væntanlegra kjarasamninga

http://www.obi.is/um-obi/frettir/nr/301

25.9.2007 

Þriðjudaginn 25. september sl. hélt ÖBÍ blaðamannafund þar sem Sigursteinn Másson, formaður kynnti áherslur ÖBÍ vegna fjárlagagerðar og í tengslum við kjarasamninga á almennum vinnumarkaði.  

Helstu áherslur ÖBÍ eru að grunnlífeyrir (örorkulífeyrir) verði tvöfaldaður frá því sem nú er, en hann er í dag kr. 24.831 á mánuði. ÖBÍ vill að grunnlífeyririnn verði hækkaður upp í kr. 50.000 frá og með áramótum. Samanlagður grunnlífeyrir og tekjutrygging nemur í dag kr. 104.000 krónum en mundi eftir hækkun nema kr. 130.000. Þá er lögð áhersla á að skattleysismörk verði hækkuð upp í kr. 140.000 og að frítekjumark verði hækkað úr kr. 300.000 í kr. 900.000. Að lokum leggur ÖBÍ áherslu á að heilbrigðisþjónusta verði notendum að kostnaðarlausu. Nánar í áherslur ÖBÍ (word-skjal 659kb.)

http://www.obi.is/media/frettir/Aherslur_OBI.doc

     

Áherslur ÖBÍ vegna fjárlagagerðar og í tengslum við kjarasamninga á almennum vinnumarkaði.http://www.obi.is/media/frettir/Aherslur_OBI.doc 

Grunnlífeyrir (örorkulífeyrir) verði tvöfaldaður frá því sem nú er  

Grunnlífeyrir örorkulífeyrisþega er í dag kr. 24.831 á mánuði. ÖBÍ vill að grunnlífeyririnn verði hækkaður upp í kr. 50.000 frá og með áramótum. Samanlagður grunnlífeyrir og tekjutrygging nemur í dag kr. 104.000 krónum en mundi eftir hækkun nema kr. 130.000. Í málefnaskrá ÖBÍ, LEB og Þroskahjálpar er lögð áhersla á að einfalda bótakerfið og að fækka bótaflokkum þannig að eftir standi tveir flokkar. Annars vegar grunnlífeyrir og hins vegar tekjutrygging. Þessi hækkun væri mikilvægt skref í einföldun kerfisins. Grunnlífeyririnn er sá bótaflokkur sem síðast skerðist og því er hækkun grunnlífeyris hvatning til aukinnar þátttöku örorkulífeyrisþega á vinnumarkaði.

 

  Skattleysismörk verði hækkuð upp í kr. 140.000  

ÖBÍ telur rétt að miða skattleysismörk við launavísitölu. Ef skattleysismörk hefðu fylgt vísitöluþróun launa frá 1988 væru skattleysismörk nú rúm 140.000 krónur á mánuði í stað 90.000 króna. Undanfarin ár hafa stjórnvöld farið þá leið að fella niður hátekjuskatt og að lækka skattprósentu á almenn laun og fyrirtæki en ÖBÍ telur að nú sé komið að lágtekjufólki, öryrkjum og öldruðum að njóta skattalækkana. Hækkun skattleysismarka er að mati ÖBÍ einfaldasta, besta og réttlátasta leiðin.

 

  Frítekjumark verði hækkað úr kr. 300.000 í kr. 900.000 

Með breytingu á lögum um almannatryggingar sem gildi tóku um síðustu áramót bættist við 300.000 króna frítekjumark sem veitir öryrkjum rétt til að vinna sér inn kr. 25.000 á mánuði án þess að lífeyrir þeirra skerðist. Í ljós hefur komið að margir öryrkjar hafa nýtt sér þetta frítekjumark þótt lágt sé. Með því að hækka frítekjumarkið upp í kr. 900.000 á ári mundi skapast raunverulegur hvati til atvinnuþátttöku og samfélagslegrar virkni.

 

  Heilbrigðisþjónustan verði notendum að kostnaðarlausu 

Á undanförnum árum hefur gjaldtaka fyrir hvers konar heilbrigðisþjónustu aukist. Í stjórnarsáttmála ríkisstjórnarinnar kemur fram að stefna ríkistjórnarinnar sé að á Íslandi sé veitt heilbrigðisþjónusta á heimsmælikvarða, stórauka eigi forvarnir, lækka lyfjaverð og einfalda greiðsluþátttöku hins opinbera. ÖBÍ leggur áherslu á að þessum markmiðum verður ekki náð nema að aðgengi allra að heilbrigðisþjónustunni sé tryggt, óháð efnahag. Það verði einungis gert með því að leggja af alla gjaldtöku fyrir opinbera heilbrigðisþjónustu.

  

Meira um almannatryggingakerfið og nýtt kerfi

 15. Nov. 2005 gaf ríkisstjórnin út yfirlýsingu til að greiða fyrir samkomulagi Alþýðusambands Íslands og Samtaka atvinnulífsins um áframhaldandi gildi kjarasamningaga Yfirlýsingin átti að tryggja frið á vinnumarkaðinum og gerði það.Í yfirlýsingunni sagði m.a.:  

1. Ríkisstjórnin lýsir sig reiðubúna til samstarfs við Alþýðusamband Íslands og Samtök atvinnulífsins um leiðir sem, auk aðgerða á vettvangi lífeyrissjóðanna sjálfra, draga úr vaxandi örorkubyrði lífeyrissjóða og jafna stöðuna milli einstakra sjóða.

 

Örorkumatsnefnd Forsætisráðherra skoðaði leiðir til að minnka örorkubyrgði lífeyrissjóðanna og skilaði af sér skírslu um sínar tillögur

 

Skírslu Örorkunefndar má svo nálgast á   http://www.obi.is/media/frettir/Ororkumatsnefnd_-_lokagerd__050307.doc    og bókun fulltrúa Örirkjabandalags ‘islands ( ÖBÍ )  á   http://www.obi.is/media/frettir/Ororkumatsnefnd-bokun_fulltrua_OBI_05.03.07.doc  .

 

Skipuð var framkvæmdanefnd til að koma niðurstöðu nefndarinnar í framkvæmd.

 Nú er félagsmálaráðherra búinn að skipa verkefnisstjórn er endurskoðar almannatryggingalöggjöfina, en nefnd forsætisráðherra er að vinna að endurskoðun á örorkumatinu, og á örorkulífeyrismálunum líka. 

 

Störf þessara nefnda hljóta að skarast.

 

Eitt afsprengi af tillögum Örorkumatsnefndar Forsætisráðherra eru tillögur um breytt kerfi   “Veikinda-, slysa- og örorkuréttinda á almennum vinnumarkaði”.

Samkvæmt þessum tillögum fer enginn á örorkulífeyrir fyrr en eftir 5 ára biðtíma á framfæri sjúkrasjóða stéttarfélaga og  “Áfallatryggingarsjóðs”.  

Með þessu móti sleppa lífeyrissjóðirnir við að greyða þessum einstaklingum örorkulífeyrir í þessi 5ár, og með því næst takmarkið að draga úr vaxandi örorkubyrði lífeyrissjóðanna og jafna stöðuna milli einstakra sjóða.

 

 Svo eru settar í þetta  “gulrætur”  til að gera þetta fýsilegt.

Auka á starfsendurhæfingu, en það var einnig markmiðið 1999 þegar núgildandi lög um örorkumat voru sett.

Þeir peningar komu ekki og endurhæfing hefur verið fjársvelt.  Þessvegna þarf nú að “stórauka endurhæfingu”  af því að það var ekki gert 1999 eins og til stóð.

 

Tillögurnar fela í sér flutning veikindaréttar frá fyrirtækjunum til sjúkrasjóða stéttarfélaganna, en það er alveg hægt án þess að riðla svona núverandi kerfi.

Hætt er við að “Áfallatryggingarsjóður”.  Verði ný og óþörf stofnun í líkingu við Triggingastofnun.   Þetta flækir kerfið fyrir þeim sem þurfa að leit eftir þjónustunni.

Hvað þetta varðar bendi ég á athugasemdir nokkurra stéttarfélaga sem eru andsnúin þessu, en þar segir m.a.:

“d.      Flutningur sjúkrasjóðsiðgjalda í sameiginlegan sjóð þar sem forræði sjúkrasjóðs og þar með veikindaréttar félagsmanna er framseldur til sjóðs þar sem verkalýðshreyfingin hefði þegar best léti helming stjórnarmanna. Að svo stöddu sjáum við engann tilgang með þessari breytingu og sýnist að hér verði einungis búið til ný miðstýrð stofnun sem fjarlægist verkalýðshreyfinguna í hugum félagsmanna okkar og fái á sig hálfopinberan stimpil”

SJÁ NÁNAR:http://www.vlfa.is/Default.asp?Sid_Id=9930&tId=2&Tre_Rod=&fre_id=57956&meira=1

 

Á vef Starfsgreinasambands Íslands , www.sgs.is  segir í frétt  1. september 2007:

 

 “Aukin réttindi Hið nýja kerfi gerir ráð fyrir auknum réttindum félagsmanna SGS og aukið hlutverk sjúkrasjóðanna, einkum vegna langvarandi veikinda og starfsendurhæfingar í því sambandi, til að koma í veg fyrir varanlega örorku. Sjúkrasjóðum félaganna er ætlað að annist alla umsýslu og samskipti við þann sem veikist auk þess sem sérstakur ,,Áfallatryggingarsjóður,” sem komið verður á fót, fær sérstakt hlutverk. Sjóðnum mun m.a. vera ætlað að greiða laun þjónustufulltrúa sjúkrasjóðanna og sérfræðinga greiningarteymis auk annars kostnaðar vegna endurhæfingar. “  

 

Hægt era ð nálgast kynningar á þessum tillögum á netinu:

 Kynning á veikinda-, slysa og örorkurettindum.   http://www.asi.is/PortalData/1/Resources/frettir/Kynning___veikinda-,_slysa_og_ororkurettindum.pps  

Yfirlit yfir helstu réttindi.             http://www.asi.is/PortalData/1/Resources/frettir/Yfirlit_yfir_helstu_r_ttindi.pdf  

Áfallatryggingar - nýtt réttindakerfi.                 http://www.asi.is/PortalData/1/Resources/frettir/_fallatryggingar_-_n_tt_r_ttindakerfi.pdf  

Ég hvet alla til að skoða þetta vel.

 

Á vef Starfsgreinasambands Íslands , www.sgs.is  segir í frétt  11. september 2007:

 “ Yfirlit yfir hið nýja kerfi fer hér á eftir:  

Yfirlit yfir nýtt kerfiVeikinda-, slysa- og örorkuréttinda á almennum markaði 

1.      Réttur til greiðslu fastra reglubundinna launa hjá atvinnurekenda í tvo mánuði eftir 1. árs starf (dagvinna, föst yfirvinna, bónus og aðrar afkastahvetjandi greiðslur og vaktaálög)

2.      Réttur færist að fullu milli atvinnurekenda eftir 1. ár óháð grein.

3.      Full réttindi ef um slys er að ræða.

4.      Sjúkrasjóður annist alla umsýslu og samskipti við þann sem veikist a.      Áfallatryggingarsjóður greiðir laun þjónustufulltrúa

b.      Áfallatryggingarsjóður greiði laun sérfræðinga greiningarteymis

c.      Áfallatryggingarsjóður greiðir kostnað vegna endurhæfingar

5.      Réttur til greiðslu 60% af meðaltekjum síðustu 6 mánaða frá Áfallatryggingasjóði í allt að 5 ár eftir að greiðsluskyldu atvinnurekenda lýkur.  - lágmarksbætur eftir 12 mánuði.

6.      Réttur félagsmanna stéttarfélaga til greiðslu uppbóta til viðbótar við grunnbætur frá sínum sjúkrasjóði eftir að greiðsluskyldu atvinnurekenda lýkur

a.      30% viðbótarréttindi fyrstu 10 mánuðina

b.      20% viðbótarréttindi næstu 24 mánuði

c.      10% viðbótarréttindi næstu 24 mánuði7.     

Ný iðgjöld til að fjármagna þessi réttindi verður lögð á atvinnurekendur:

a.      Nýtt 2,13% iðgjald í Áfallatryggingarsjóð þar sem greitt yrði af öllum.

b.      Iðgjald atvinnurekenda í sjúkrasjóð hækki í 1,25% sem greitt er af heildarlaunum

8.      Kostnaður af nýju kerfi heldur lægri en af núverandi kerfi:

a.      1% mótframlag atvinnurekenda í lífeyrissjóði færist í Áfallatryggingasjóð (en kostnaður þeirra lækkar um 1,51% að meðaltali – þýðir aukið svigrúm lífeyrissjóðanna til greiðslu eftirlauna).

b.      1,13 tryggingargjald atvinnurekenda færisti í Áfallatryggingasjóð.

c.      Kostnaður atvinnurekenda vegna veikindaréttar lækkar um 0,28% gegn hækkun á framlagi í sjúkrasjóði.” 

Það á eftir að koma í ljós hvert framhaldið verður.  

Við heyrum oft að Lífeyrissjóðirnir séu að hækka greiðslu lífeyris til sinna sjóðfélaga vegan stöðu sjóðanna.

Á sama tíma á að takmarka greiðslu sjóðanna á örorkulífeyri til sinna félagsmanna.

 

Það er verið að boða ansi miklar breytingar á lífeyrissjóðunum og veikindarétti til að draga úr vaxandi örorkubyrði lífeyrissjóðanna og jafna stöðuna milli einstakra sjóða.

 

Hægt hefði verið að auka endurhæfingu án þessa.  Það hafa ekki fengist peningar til þess.

 

Hver á að triggja viðbótarfé í Áfallatriggingarsjóð ef núverandi kostnaðaráætlun stenst ekki.

 

Það verður að skoða svona tillögur vel og vandlega áður en farið er út í það að riðla núverandi kerfi.

F.S.

  

Endurskoðun almannatrygginga

 Fréttatilkynning 

 

Félagsmálaráðherra skipar verkefnisstjórn er endurskoðar almannatryggingalöggjöfina

 1.10.2007  

Jóhanna Sigurðardóttir, félagsmálaráðherra, hefur í dag í samræmi við stefnuyfirlýsingu ríkisstjórnarinnar frá 23. maí sl. og í ljósi þess að almannatryggingar munu flytjast frá heilbrigðisráðuneyti til félagsmálaráðuneytisins þann 1. janúar 2008 skipað fimm manna verkefnisstjórn sem vinna skal heildstæðar tillögur um eðlilegar fyrstu aðgerðir, langtíma stefnumótun og nauðsynlegar breytingar á almannatryggingalöggjöfinni. Verkefnisstjórnin skal skila félagsmálaráðherra samræmdum tillögum í samræmi við stefnuyfirlýsingu ríkisstjórnarinnar, annars vegar fyrir 1. desember 2007 varðandi eðlilegar fyrstu aðgerðir og hins vegar fyrir 1. nóvember 2008 varðandi þá heildarendurskoðun almannatryggingalöggjafarinnar sem framundan er. Í verkefnisstjórninni eiga sæti: 

• Sigríður Lillý Baldursdóttir, skipuð af félagsmálaráðherra án tilnefningar, formaður,
  Hrannar B. Arnarsson til vara,
• Stefán Ólafsson án tilnefningar,
  Sigríður Ingibjörg Ingadóttir til vara,
• Ragnheiður Elín Árnadóttir tilnefnd af fjármálaráðherra,
  Eyþór Benediktsson til vara,
• Ágúst Þór Sigurðsson tilnefndur af Tryggingastofnun ríkisins,
  Kristján Guðjónsson til vara,
• Hrafn Magnússon, tilnefndur af Landssamtökum lífeyrissjóða,
  Arnar Sigurmundsson til vara.

 Ragnhildur Arnljótsdóttir, ráðuneytisstjóri í félagsmálaráðuneytinu, og Berglind Ásgeirsdóttir, ráðuneytisstjóri í heilbrigðisráðuneytinu, munu starfa með verkefnisstjórninni auk hagfræðings félagsmálaráðuneytisins. “Í dag erum við að ýta úr vör einu mikilvægasta verkefni kjörtímabilsins. Það er löngu tímabært að endurskoða almannatryggingalöggjöfina og það er skýrt kveðið á um þetta verkefni í stefnuyfirlýsingu ríkisstjórnarinnar. Almenningur og hagsmunaðilar hafa lengi kallað mjög ákveðið eftir þessari endurskoðun og mikilvægt er að sem flestir komi að henni. Það mun ég leggja áherslu á að verkefnisstjórnin geri. Þetta er afar umfangsmikið verkefni og ég vona svo sannarlega að þessi öflugi hópur, sem fengist hefur að því, vinni hratt og vel og skili tillögum sem einfaldi og skýri almannatryggingalöggjöfina og nái fram raunveruleguum umbótum sem gagnast þeim sem verst eru settir. Það er meginmarkmiðið með þessu starfi.”  

Lítil frétt um risastórt mál.........

Á vef Starfsgreinasambandsins var fyrr í dag fret undir fyrirsögninni:

Nýtt kerfi  "Veikinda-, slysa- og örorkuréttinda."  Róttæk uppstokkun

 

Þessi frétt er að stórum hluta endursögð hér á mbl.is í fréttinni:

Róttæk uppstokkun á veikinda- og örorkuréttindakerfi

 

Þetta er ansi rislítill fréttaflutningur af stóru máli, og ekkert reynt að setja málið í samband við yfirlýsingu ríkisstjórnarinnar frá 15. Nov. 2005 til að tryggja frið á vinnumarkaði.

Þetta mál ereinn angi þeirrar viljayfirlýsingar að létta af lífeyrissjóðunum greiðslu örorkulýfeyris.

Það var ák15.11.2005

Yfirlýsing ríkisstjórnarinnar
til að greiða fyrir samkomulagi Alþýðusambands Íslands og
Samtaka atvinnulífsins um áframhaldandi gildi kjarasamninga

1. Ríkisstjórnin lýsir sig reiðubúna til samstarfs við Alþýðusamband Íslands og Samtök atvinnulífsins um leiðir sem, auk aðgerða á vettvangi lífeyrissjóðanna sjálfra, draga úr vaxandi örorkubyrði lífeyrissjóða og jafna stöðuna milli einstakra sjóða.

 

Til að skoða það mál var mynduð örorkunefnd af forsetisráðherra.

 

Starfsgreinasambandið hefur áður sagt að

Eigi hugmyndir ,,örorkumatsnefndar” forsætisráðherra að ná fram að ganga, þarf að breyta bæði hlutverki sjúkrasjóða aðildarfélaga SGS og lífeyrissjóðanna

 

Hér er því verið að ræða um mjög stórt mál og að sama skapi umdeilt.

 

Ekki eru öll aðildarfélög Starfsgreinasambandsins sammála stefnu sambandsins og tillögum þess og Samtaka Atvinnulífsins.

 

Á vef Verkalýðsfélags Akraness er m.a. fjallað um þessar hugmyndir

 

http://www.vlfa.is/Default.asp?Sid_Id=9930&tId=2&Tre_Rod=&fre_id=57956&meira=1  

 8. júní 2007 20:40

Fundað um kjaramál á Egilsstöðum 

Í dag 8. júní komu fulltrúar frá nokkrum landsbyggðarfélögum Starfsgreinasambandsins saman til fundar á Egilsstöðum til að ræða framkomnar hugmyndir um breytingar á veikinda og slysarétti launafólks innan ASÍ og hugsanlegt samstarf í komandi kjarasamningum. Kjarasamningar eru lausir 31. desember n.k. Mikil samstaða, baráttuhugur og góður andi ríkti á fundinum.  Formaður Verkalýðsfélags Akraness var fulltrúi félagsins á umræddum fundi. 

Niðurstaða fundarins er að ekki komi til greina að blanda inn í gerð komandi kjarasamninga þeim hugmyndum sem komið hafa fram af hálfu nefndar Samtaka atvinnulífsins og Alþýðusambandsins er lúta að stofnun ,,Áfallatryggingasjóðs”.

 

Einnig var fjallað um þetta þar 29.Mai.:

 

http://www.vlfa.is/Default.asp?Sid_Id=9930&tId=2&Tre_Rod=&fre_id=57469&meira=1    

29. maí 2007 13:28 

Vilhjálmur Egilsson framkvæmdastjóri SA segir í viðtali við DV fyrir nokkrum dögum að stærsta málið í komandi samningum sé að stokka upp tryggingaréttinn sem snýr að veikindum og örorku.  Formaður félagsins veit að það er mikill áhugi hjá Samtökum atvinnulífisins fyrir því að breyta veikinda- og slysarétti í komandi kjarasamningum.   

Formaður félagsins telur alls ekki tímabært að hefja viðræður um breytingar á veikinda- og slysarétti í næstu samningum og er alveg ljóst að hann er ekki einn um þá skoðun meðal formanna félaga innan Starfsgreinasambands Íslands.  

Hins vegar er breið samstaða meðal formanna SGS um að knýja íslensk stjórnvöld til að stórefla starfsendurhæfingu hér á landi með það að markmiði að draga úr þeirri miklu aukningu sem orðið hefur á örorku meðal landsmanna.

 

Ég hvet alla til að skoða þetta betur t.d. á heimasíðu Verkalýðsfélags Akraness, en linkar eru þangað hér ofar.

 

Skírslu Örorkunefndar má svo nálgast á   http://www.obi.is/media/frettir/Ororkumatsnefnd_-_lokagerd__050307.doc    og bókun fulltrúa Öbi á   http://www.obi.is/media/frettir/Ororkumatsnefnd-bokun_fulltrua_OBI_05.03.07.doc  

 

Þetta mál verður væntanlega meira í umræðunni nú í haust í tengslum við undirbúning næstu kjarasamninga.

 

Ekki fór fram nein stefnumótunarvinna meðal aðildarfélaga Öbí á meðan Örorkumatsnefnda forsætisráðherra starfaði eða til undirbúnings þeirri vinnu.

Öbí var aðal baráttuaðili fyrir því læknisfræðilega örorkumati sem nú er notað.

 

Ekki virðist heldur vera mikil umræða innan félaga innan Starfsgreinasambandsins um hugmyndir um breytingu á "Veikinda-, slysa- og örorkuréttinda."   Eftir því sem fram kemur á heimasíðum aðildarfélagannqa og Starfsgreinasambandsins sjálfs.

 

Ég helg að ég endi þetta pár á yfirlýsingu frá fundi nokkurra aðildarfélaga Starfsgreinasambandsins á Egilsstöðum í vor.                                                       F.S.

   

 Yfirlýsing:

Föstudaginn 8. júní komum við neðangreind saman á Egilsstöðum til að ræða framkomnar hugmyndir að breytingum á veikinda og slysarétti launafólks innan ASÍ,  og hugsanlegt samstarf í komandi kjarasamningum.Niðurstaða okkar er að ekki komi til greina að blanda saman þeim hugmyndum sem komið hafa fram af hálfu nefndar SA og ASÍ er lúta að stofnun ,,Áfallatryggingasjóðs” við gerð komandi kjarasamninga.

Ljóst er eftir fundinn í dag að kominn er góður grundvöllur til áframhaldandi samstarfs og tillögugerðar fyrir komandi kjarasaminga. Næsti fundur hópsins verður 6. júlí á Sauðárkróki

Vegna hugmynda um þróun áfallatrygginga eins og það er nefnt í minnisblaði sameiginlegrar nefndar ASÍ og SA viljum við taka eftirfarandi fram.

1.       Þær hugmyndir sem lagðar hafa verið fram fyrir aðildarfélögin eru  lítt mótaðar og óljósar.

2.       Í minnisblaðinu er tekið fram að aðeins sé lokið fyrsta áfanga af fimm eða fleirum, í undirbúningi þessara breytinga.

3.       Samráð við aðildarfélög hefur verið af skornum skammti hingað til og nauðsynlegt er að forystufólki aðildarfélaga og sjúkrasjóða þeirra fái að kynna sér tillögurnar.

4.       Þrátt fyrir ofangreint virðist af, m.a. ummælum framkvæmdastjóra SA í fjölmiðlum nú nýverið, sem uppi séu hugmyndir um að taka þessar breytingar upp í komandi kjarasamningum .

5.       Í minnisblaði nefndarinnar er tekið fram að til undirbúnings næsta áfanga sé nauðsynlegt að fá ábendingar frá „baklandi nefndarinnar“ eins og það er orðað, þ.e. stéttarfélögum og fyrirtækjum. Okkur er ekki kunnugt um að óskað hafi verið slíkra ábendinga né að undirbúningur formlegrar vinnu við slíkt ferli sé hafinn.

6.       Þær hugmyndir sem fyrir liggja, fela í sér veigamiklar breytingar á nánast öllum þáttum veikinda- og slysaréttar félagsmanna okkar og stöðu sjúkrasjóða félagsmannanna. Það er því eðlilegt að við viljum stíga varlega til jarðar í þessu máli.

7.       Sumar af þeim hugmyndum sem felast í tillögunum eru jákvæðar við fyrstu sýn. Endurskoðun á rétti og málsmeðferð örorkubótaþega er brýn og ýmislegt jákvætt hefur verið unnið síðustu ár til að auka lífsgæði þessa fólks – s.s. Janus endurhæfing og Starfsendurhæfing Norðurlands.

8.       Framkomnum hugmyndum má skipta í eftirfarandi þætti sem hvern um sig má framkvæma sjálfstætt.

a.       Aukin réttindi og bætt lífskjör örorkuþega með nýjum úrræðum. Þennan þátt styðjum við en bendum á að mestu breytingarnar verða að vera hjá opinberum aðilum en ekki stéttarfélögum.

b.      Flutningur veikindaréttar frá fyrirtækjunum til sjúkrasjóða stéttarfélaganna.  Þetta er framkvæmanlegt með hækkun sjúkrasjóðsiðgjalda.

c.       Miðstýrð stjórnun við endurhæfingarmeðferð. Hér sjáum við ekki rökin eða nauðsyn. Við teljum þessum verkþætti best komið í heimabyggð og bendum á góðan árangur m.a. Starfsendurhæfingar Norðurlands.

d.      Flutningur sjúkrasjóðsiðgjalda í sameiginlegan sjóð þar sem forræði sjúkrasjóðs og þar með veikindaréttar félagsmanna er framseldur til sjóðs þar sem verkalýðshreyfingin hefði þegar best léti helming stjórnarmanna. Að svo stöddu sjáum við engann tilgang með þessari breytingu og sýnist að hér verði einungis búið til ný miðstýrð stofnun sem fjarlægist verkalýðshreyfinguna í hugum félagsmanna okkar og fái á sig hálfopinberan stimpil. Að auki höfum við verulegar efasemdir um að aðrir ,,aðilar” leggi þessu nýja „kerfi“ til fjármagn án þess að krefjast áhrifa í stjórn sjóðsins. Þannig yrðu fulltrúar verkalýðsfélaganna í minnihluta stjórnar innan skamms og forræði hreyfingarinnar á þessum mikilvæga þætti réttinda launafólks horfið. 

9.       Með tilliti til þróunar í nágrannalöndum okkar þar sem sífellt harðar er sótt að verkalýðsfélögum með þeim afleiðingum að  félagsaðild fer minnkandi, teljum við sjúkrasjóði stéttarfélaganna eitt mikilvægasta tæki okkar til að tryggja framtíð verkalýðshreyfingarinnar. Þess vegna finnst okkur fráleitt að setja stærstan hluta veikindaréttar félagsmanna okkar í einn pott með stjórnaraðild SA og mögulega fleiri og sjáum verulegar líkur á því að innan fárra ára verði unnt að kaupa sér réttindi þar án félagsaðildar í verkalýðsfélagi.

Að teknu tilliti til ofangreindra atriða teljum við útilokað að breytingar á veikinda-og slysarétti félagsmanna okkar í anda þessara tillagna verði til umfjöllunar í komandi kjarasamningum.  

AFL – StarfsgreinafélagsVerkalýðsfélagHúsavíkur og nágrennis

Hjördís Þóra Sigurþórsdóttir     AðalsteinnBaldursson

Sigurður Hólm Freysson            Kristbjörg Sigurðardóttir Sverrir Albertsson                      Olga Gísladóttir

Aldan Stéttarfélag                   Verkalýðsfélag  Akraness

Þórarinn Sverrisson                     VilhjálmurBirgisson 

Dífandi Stéttarfélag

Arnar Hjaltalín 

  

Heimildamyndin “Annað líf Ástþórs” eftir Þorstein Jónsson

Hér er efni sem ég "stal af netinu", og varð að kynna ykkur aðeins, þ.e. ef einhver rambar inn á síðuna.         F.S.

23. maí 2007

Heimildamyndin “Annað líf Ástþórs” eftir Þorstein Jónsson    

Heimildamyndin “Annað líf Ástþórs” eftir Þorstein Jónsson verður sýnd í Háskólabíói 29.-31. maí, alla dagana klukkan 18:00.

Aðeins þessar einu sýningar. 

Heimildarmyndin fjallar um Ástþór sem ætlaði sér alltaf að verða bóndi. En hvernig ætlar hann að láta þá drauma rætast eftir að hann er kominn í hjólastól? 

Að vera bóndi í hjólastól virðist ekki ganga upp. Ef hann notaði skynsemina, flyttist hann í blokk og tæki upp líf borgarbúans, starf fyrir framan tölvuskjá eða færiband, frístundir við sjónvarpið og vöruúrval í markaði á horninu. 

En hann ætlar ekki að sleppa tengslunum við dýrin og náttúruna, þó fæturnir þvælist bara fyrir eins og komið er. Hann ætlar að gera það sem nauðsynlegt er til að geta búið á sinni jörð og rækja þau störf sem þar er að sinna. 

Sigursteinn Másson formaður ÖBÍ fór á forsýningu á myndinni og lýsti myndinni þannig: Þorsteinn hefur náð að fanga inntak nútímalegrar hugsunar um fatlaða sem þátttakendur í samfélaginu en ekki stofananamat og sagt okkur hetjusögu sem lætur engan ósnortin. Sértaklega er áhrifamikill kaflinn þar sem Ástþór er með þolinmæði sinni að hlúa að litla kiðlingnum sem skortir jafnvægi. 

Myndin er 66 mínútur og aðgangseyrir er 900. 

ÖBÍ styrkti gerð hennar. 

Nánari upplýsingar á    http://www.kvikmynd.com       

-------------------------------------------------------

 UMSÖGN:

Sigursteinn Másson: 

“Til hamingju með einstaklega áhrifamikla og fallega mynd. Sú saga sem þarna er sögð kemur á besta tíma með tilliti til áherslna okkar á sjálfstætt líf og aukin lífsgæði fatlaðra á þeirra eigin forsendum. Ástþór er fyrirmynd í því að láta drauma sína rætast án þess að fötlunin ráði úrslitum og sé honum óyfirstíganleg hindrun. Sérstaklega er áhrifamikill kaflinn þar sem Ástþór er með þolinmæði sinni að hlúa að litla kiðlingnum sem skortir allt jafnvægi. Þeir kaflar í myndinni eru einstakir og ég mæli með því að þeir verði hugsaðir í kynningarlegu tilliti. 

Þú hefur náð Þorsteinn að fanga inntak nútímalegrar hugsunar um fatlaða sem þátttakendur í samfélaginu en ekki stofananamat og sagt okkur hetjusögu sem lætur engan ósnortin.”   

Öryrkjabandalag Íslands styrkir myndina. 

AI. 

----------------------------------------------

F.S.

 

Hér svarar ráðuneytið ekki nema hluta af gagnrýni Kristófers.

Upphaflega fréttin á RUV var svohljóðandi:

.ruv.is         Fréttir                      Frétt  

 Fyrst birt: 30.04.2007 18:25Síðast uppfært: 30.04.2007 19:36

1,5 ma.kr ætlaður geðsjúkum gufaður upp

Hálfur annar milljarður sem stjórnvöld ætluðu í búsetuúrræði fyrir geðsjúka er að mestu uppurinn segir Kristófer Þorleifsson, formaður Geðlæknafélags Íslands. Peningarnir sem lofað var fyrir þremur árum hafi brunnið upp í verðbólgu og farið í skýrslugerð. Engin ný heimili hafa verið opnuð á tímabilinu.

 

100 færri pláss eru á sjúkrahúsum fyrir geðsjúka, bæði á bráðadeild og í endurhæfingu en fyrir tíu árum, segir Kristófer. Hann segir mjög slæmt að ekki hafi verið útveguð úrræði áður en til lokana kom í Arnarholti, Gunnarsholti og geðdeildar í Fossvogi.  Þá sé mjög bagalegt að loka þurfi iðjuþjálfunardeild geðsviðs Landspítala við Hringbraut en ekki fást þangað iðjuþjálfar vegna lágra launa. Kristófer segir að stjórnvöld verði að endurskoða aðgerðir sínar til hjálpar geðsjúkum.  

 Í svari Félagsmálaráðuneytisins er ekki reynt að svara gagnrýni Kristófers á að ekki hafi verið tiltæk úrræði fyrir þá einstaklinga sem bjuggu á Gunnarsholti og Arnarholtui. 

Talsverð blaðaskrif urðu þegar Gunnarsholti var lokað.  Þaðan voru m.a. fluttir einstaklingar að Arnarholti, og tekið fram að þeir hefðu fengið framtíðarúrræði þar.

Fljótlega var svo Arnarholti líka lokað.   Lítið var fjallað um það í f´ölmiðlum.  Einhverjir sem bjuggu á Arnarholti Kjalarnesi voru vistaðir á Kleppspítalanum, af því að önnur búsetuúrræði voru ekki tiltæk og hafa ekki boðist ennþá.

Það er mörgum erfitt að fara aftur til langdvalar á Kleppi, eftir að hafa áður fluttst þaðan í heimilislegri búsetuúrræði. 

Það er mjög alvarlegt að bjóða þetta veiku fólki ekki upp á betri búsetuúrræði og ég tel að það sé ekki í samræmi við lög um málefni fatlaðra. 

Í svari ráðuneytisins segir:

Ríkisstjórnin ákvað að leggja átakinu til 1 milljarð króna af söluandvirði Símans og 500 milljónir króna úr Framkvæmdasjóði fatlaðra. Þessi framlög renna óskert til stofnkostnaðar og uppbyggingar á þjónustuúrræðum.  

Það er svo sér mál, að Framkvæmdasjóður fatlaðra hefur ekki bolmagn til að sinna eðlilegri uppbyggingu á öðrum sviðum í málafloki fatlaðra.    Þetta er stór og fjárfrekur málaflokkur, sem má illa við kyrrstöðu í 5ár. 

Þessi "1 milljarð króna af söluandvirði Símans og 500 milljónir króna úr Framkvæmdasjóði fatlaðra"  dreifast á fimm ár, en það kemur ekki fram í fréttinni. Kristófer segir:

Þá sé mjög bagalegt að loka þurfi iðjuþjálfunardeild geðsviðs Landspítala við Hringbraut en ekki fást þangað iðjuþjálfar vegna lágra launa.

Það er mikill ábyrgðarhlutur að LHS hafi ekki náð að leysa þetta mál.   Lág laun í heilbrigðis og meðferðargeirunum eru skammarleg.   Starfsmenn þar þurfa að hafa sambærileg laun og annað fólk, miðað við ábyrgð og þess sem er krafist af starfsmönnunum.    Það er ekki í dag.    

Þetta er angi af kynbundnum launamun, af því að þetta eru almennt talin kvennastörf, og konur ennþá meirihluti starfsmanna. 

Kristófer endar á að segja að stjórnvöld verði að endurskoða aðgerðir sínar til hjálpar geðsjúkum.  Ég lít svo á að hann þekki þennan starfsvettvang vel, og viti hvað hann er að segja hér.    Þessvegna er erfitt fyrir stjórnvöld að hunsa gagnrýni hans.  

Hann er ekki einn um þessa gagnrýni.  Það er alveg ljóst.                F.S.  

Fjarri lagi að skýrslugerð hafi kostað tugi eða hundruð milljóna króna

Fá sjúklingar enga iðjuþjálfun á geðdeild LSH við Hringbraut ?

  

Af:   http://www.mbl.is/mm/mogginn/blad_dagsins/bl_grein.html?grein_id=1141872  

Fimmtudaginn 26apríl 2007  Mbl  Innlendar fréttir

 

IÐJUÞJÁLFUN á geðdeild LSH við Hringbraut mun 1. maí 2007 leggja niður alla þjónustu við nýinnritaða sjúklinga móttökudeilda og göngudeildar. Þjónusta iðjuþjálfa skerðist því verulega frá og með þeim degi. Á vef Landspítalans segir að því miður hafi ekki tekist að ráða nýja iðjuþjálfa til starfa fyrir þá sem hafa hætt undanfarið. Fyrir vikið hafa ekki verið skrifaðir inn nýir einstaklingar í iðjuþjálfun frá því um áramót. Í sumar munu þeir starfsmenn sem eftir eru sinna þeim skjólstæðingum sem ekki hefur tekist að útskrifa eða finna önnur úrræði fyrir.                                                   Iðjuþjálfanemar verða ráðnir í sumarafleysingastöður.

 

Hvað er í gangi ? 

Nú eru frambjóðendur til Alþyngis að kynna hvað eigi að gera til að bæta aðstæður t.d. aldraðra, fatlaðra og sjúklinga. 

 

Á sama tíma er sagt frá því að nánast verði að loka iðjuþjálfun á LSH við hringbraut.   Hvernig er þetta hægt.   Ef launin eru svo lág að ekki fáist folk til starfa, þá þarf að bæta úr því til að tryggja þessa þjónustu áfram.

 

Iðjuþjálfun er mjög mikilvæg til að endurhæfa þessa veiku einstaklinga.

 

Nú er verið að kynna áform um að breyta örorkumatinu og jafnframt að stórauka endurhæfingu.  

Hvernig fer það saman við þessa lokun.   Hér er um niðurskurð á endurhæfingu að ræða.

 

Það er ekki hægt að stórauka endurhæfingu á meðan ekki er viljitil að greiða iðjuþjálfum og þeirra aðstoðarfólki viðunandi laun.

 

Á meðan það er ekki hægt, þá er boðun stóraukinnar endurhæfingar bara orðagjálfur eða hrein blekking.

 

Rekstur geðdeilda er viðkvæmur rekstur og þolir illa svona óvissuástand.  Það verður að koma í veg fyrir þessa lokun og tryggja áframhaldandi iðjuþjálfun á geðgeild LSH.

 

Við kjósum þingmenn til að leysa þennan vandal. 

Þeir verða að sýna að þeir séu traustsins verðir.  

 Áfram nú………F.S. 

 

Gæti ríkissjóður hagnast á afnámi tekjutengingu bóta lífeyrisþega.?...........

Athyglisverð frétt er á mbl.í dag 24. apríl, um mögulegan hagnað ríkissjóðs af því að afnema tekjutengingu bóta.

 

Sé eitthvað að marka skírslu þá sem fréttin byggist á, þá er nú ekkert sem réttlætir það að ríkissjóður viðhaldi þessum skerðingarreglum vegan tekna lífeyrisþega.

 

Nú er lag að þrísta á að þessar skerðingar verði afnumdar strax..

 

Eins og fyrr, þá er þessi rannsókn gerð vegan þess “að skortur er á starfsfólki í verslun og fleiri atvinnugreinum á Íslandi vegna þensluástands”.

 

Ekki var sérstaklega verið að leita leiða til að bæta kjör lífeyrisþega. 

 

Ekki er heldur skoðað hvað kosti að breyta eða afnema skerðingu vegan lífeyrisgreiðslna lífeyrissjóðanna.   Núverandi skerðingarreglur þar valda því að lífeyrisþegi heldur aðeins litlum hluta af greiðslum frá sínum lífeyrissjóði, af því að þær skerða greiðslur tr-bóta og fl.

 

 

Ragnar Gunnar Þórhallsson, fulltrúi ÖBÍ í nefndinni um endurskoðun örorkumats og eflingu starfsendurhæfingar 2007, kom með sérstaka bókun við undirritun skírslu nefndarinnar.  Þar segir hann meðal annars: "Ein besta hvatningin til aukinnar atvinnuþátttöku er að draga verulega úr tekjutengingum lífeyris og atvinnutekna"

 Þessi skírsla staðfestir að þetta er það sem þarf til að auka atvinnuþáttöku lífeyrisþega. 

Hér fyrir neðan eru nokkur atriði úr þessari grein.  

Greinina má finna á vef Mbl.is og í Mbls 24 apríl 2007.                            F.S.

 

Ríkissjóður hagnast á afnámi tekjutengingar bóta

Þriðjudaginn 24  apríl, 2007  Mbl  Innlendar fréttir

Rannsókn á ávinningi af aukinni atvinnuþátttöku eldri borgara og öryrkja

Eftir Sunnu Ósk Logadóttur      [e-mail] 

http://www.mbl.is/mm/mogginn/blad_dagsins/bl_grein.html?grein_id=1141427

  

“Þetta er niðurstaða viðamikillar rannsóknar Rannsóknaseturs verslunarinnar við Háskólann á Bifröst sem kynnt var í gær.   

Rannsóknin var unnin í samstarfi við Hagfræðistofnun Háskóla Íslands og styrkt af félagsmálaráðuneyti,   heilbrigðisráðuneyti,   Samtökum atvinnulífsins,   Samtökum verslunar og þjónustu,   VR og   Verkefnastjórn 50+.”

  

“Höfundar skýrslunnar eru hagfræðingarnir Sveinn Agnarsson og Sigurður Jóhannesson sem báðir starfa hjá Hagfræðistofnun”

  

“Að sögn Emils B. Karlssonar, verkefnastjóra rannsóknarinnar, er ástæðan fyrir rannsókninni sú að skortur er á starfsfólki í verslun og fleiri atvinnugreinum á Íslandi vegna þensluástands. ´"Allt bendir til þess að tekjutenging dragi úr vilja til atvinnuþátttöku aldraðra og öryrkja," segir Emil. "Stjórnendur í verslunum og í fleiri atvinnugreinum hafa kallað eftir þessu fólki í vinnu. Þannig að það er bæði fyrir hendi vilji eldri borgara, öryrkja og atvinnuveitenda til að rýmka og afnema tekjutenginguna og þar með hvetja fleiri til að taka þátt í atvinnulífinu." “

  

Sigurður ítrekar að óvíst sé hversu margir færu út á vinnumarkaðinn yrði tekjutenging afnumin, þótt um 30% ellilífeyrisþega á aldrinum 65–71 árs gætu hugsað sér það. Eina leiðin til að komast að því væri hreinlega að prófa það.  "Niðurstaðan er sú að samkvæmt þessum tölum virðist vera mjög ódýrt, þótt við höfum ekki nákvæmar tölur um það, að hætta að tengja lífeyrisbætur við atvinnutekjur," segir Sigurður. "Það virðist mjög ódýrt, gæti kostað ríkið líklega um nokkur hundruð milljónir á ári að hætta þessum tekjutengingum en á móti kæmi að það gæti, ef vel tekst til, flutt 1–2 þúsund manns út á vinnumarkaðinn sem ekki eru þar núna. Í öðru lagi, sem skiptir ekki síður máli, að með þessu myndi skapast leið til að auka bæði tekjur og lífshamingju fólks sem er á þessum bótum."  

   

Enn um endurskoðun á örorkumatinu.

Árið 1999 var sigurhátíð hjá öryrkjum.  Þá voru samþykkt lög um örorkumat, sem átti alfarið að byggjast á læknisfræðilegu mati.   Þetta hafði verið baráttumat öryrkja, og talið mikil réttindabót, á þeim tíma. 

Ég leyfi mér að benda á þrjár tilvitnanir frá þeim tíma:

Helgi Seljan, framkvæmdastjóri Öryrkjabandalags Íslands, telur að þessar breytingar á örorkumati séu spor í rétta átt og geti leitt til góðs. Hann bendir á að Öryrkjabandalagið hafi fylgst með umræddri lagasetningu og mælt með samþykki hennar.

 

Haraldur Jóhannsson, tryggingalæknir hjá TR, segir að nýja örorkumatið sé sanngjarnara en hið fyrra, til að mynda vegna þess að með því verði örorka metin án þess að miða við tekjur.

 

Örorkumat       Með breyttu fyrirkomulagi örorkumats, segja Sigurður Thorlacius , Halldór Baldursson og Haraldur Jóhannsson , er stefnt að því að það verði samræmdara og betur skiljanlegt en áður.

 Í greinargerð með frumvarpinu 1999 var meðal annars sagt um nauðsin endurhæfingar:

"Með þessari breytingu er skapaður grundvöllur fyrir því að Tryggingastofnun ríkisins komi á fót matsteymi sem hægt sé að vísa þeim til sem verið hefur óvinnufær í tvo til þrjá mánuði, þannig að unnt verði að meta möguleika á endurhæfingu.      Til þess að ákvæðið nái tilgangi sínum verður jafnframt að tryggja framboð á endurhæfingu, t.d. þannig að Tryggingastofnun geri þjónustusamninga við endurhæfingarstofnanir um endurhæfingu á forsendum sérfræðinga stofnunarinnar.    Tryggingastofnun semur um kostnað sjúkratrygginga sem af þessu hlýst." 

Endurhæfingin hefur verið vanrækt þessi 8ár frá því að þessi lög voru samþykkt. 

Í greinargerðinni 1999segir um tilgang breytinganna þá á grundvelli örorkumatsins:  

"   Tilgangur breytinga á grundvelli örorkumats er að falla frá beinni tekjuviðmiðun þannig að örorkumatið byggist alfarið á læknisfræðilegum forsendum.    Með því munu þeir sem læknisfræðilega eru öryrkjar á háu stigi fá örorkuskírteini og þau réttindi sem því fylgja, óháð því hvort þeir eru svo heppnir að geta unnið fyrir sér að hluta eða ekki.    Lífeyristryggingadeild Tryggingastofnunar mun hins vegar fylgjast með tekjum þeirra og greiða örorkubætur í samræmi við þær.
    Örorkulífeyrir á að vera trygging fyrir framfærslu ef heilsan brestur en ekki almennur framfærslulífeyrir. Örorkumatið á að vera læknisfræðilegt.    Ekki á að meta örorku vegna félagslegra aðstæðna sem slíkra, aðeins ef þær hafa sjúkdóm í för með sér, t.d. þunglyndi.    Almannatryggingalögunum hefur nýlega verið breytt í þessa veru í Svíþjóð og Noregi. " 

Af hverju á að breyta þessu nú ? 

Í skýrslu nefndar um endurskoðun örorkumats og eflingu starfsendurhæfingar

frá 5. mars 2007 segir: 

"Í yfirlýsingu ríkisstjórnarinnar frá 15. nóvember 2005, til að greiða fyrir samkomulagi Alþýðusambands Íslands og Samtaka atvinnulífsins um áframhaldandi gildi kjarasamninga, lýsir ríkisstjórnin sig meðal annars reiðubúna til samstarfs um leiðir til að draga úr vaxandi örorkubyrði lífeyrissjóða og jafna stöðuna á milli einstakra sjóða."

 Þar segir einnig:

 

"Verkefni nefndarinnar

Samkvæmt erindisbréfi nefndarinnar var henni falið að gera tillögur um eftirfarandi atriði:

a.            Samræmingu á viðmiðunum til örorkumats í almannatryggingakerfinu annars vegar og lífeyrissjóðakerfinu hins vegar þar sem fyrst og fremst verði horft til getu einstaklinga til að afla sér tekna.

b.            Leiðir til að efla starfsendurhæfingu í því skyni að hjálpa einstaklingum sem af einhverjum ástæðum hafa ekki fest rætur á vinnumarkaði vegna örorku.

Tillögunum er ætlað að leggja áherslu á einstaklingsmiðaða þjónustu þar sem litið verði til starfshæfni einstaklinganna en einnig skulu þær miða að því að einfalda og auka skilvirkni þjónustunnar og tryggja betri yfirsýn yfir þau úrræði sem eru í boði hverju sinni."

 

Ég held að það sé bráðnauðsinlegt að muna að þetta ferli fer af stað til að bæta hag lífeyrissjóðanna með því að minnka örorkubótaþáttinn í lífeyrisgreiðslum lífeyrissjóðanna.   

 

Talað er um að stórauka þurfi endurhæfingu.  Það er alveg rétt, en það eru ekki ní tíðindi. 

Það var ein af forsendum frumvarpsins 1999 að endurhæfingin yrði stóraukin.  Það dugði ekki til að Alþyngi legði peninga í endurhæfinguna.

 

 

Ragnar Gunnar Þórhallsson, fulltrúi ÖBÍ í nefndinni um endurskoðun örorkumats og eflingu starfsendurhæfingar 2007, kom með sérstaka bókun við undirritun skírslu nefndarinnar.  Þar segir hann meðal annars:

"Ein besta hvatningin til aukinnar atvinnuþátttöku er að draga verulega úr tekjutengingum lífeyris og atvinnutekna"

 

 

Ég held að þetta sé lykilatriðið í þessu máli.  

 

Það verður að fylgjast vel með þessari vinnu allri, til þess að réttindi og kjör skerðist ekki frá því sem nú er.          Ekki er á það bætandi.                     F.S.

  

Framkvæmdanefnd skipuð vegna endurskoðunar örorkumats