Landsbankinn færir SÍBS höfðinglega gjöf

 

 

 

Árbæjarútibú Landsbanka Íslands fagnaði 40 ára afmæli sínu 8.febrúa..

Af því tilefni fékk SÍBS að gjöf frá Landsbankanum tvær milljónir króna, sem formaður og framkvæmdastjóri veittu viðtöku.

 

 

Fyrir nokkrum árum voru bankaviðskipti SÍBS endurskoðuð og leitað tilboða í viðskiptin.  Landsbankinn var með hagstæðasta boðið og í kjölfarið voru bankaviðskipti SÍBS og margra aðildarfélaga þess flutt til Landsbankans.

 

Árbæjarútibú Landsbankans er viðskiptaútibú SÍBS. 

Það er skemmtilegt þegar afmælisbörn gefa gjafir í tilefni  tímamóta sinna, en SÍBS  á líka afmæli 2008, því í haust verða 70 ár liðin frá stofnun samtakanna. 

 

Landsbankinn hefur áður sýnt SÍBS og aðildarfélögum þess velvild með fjárhagsstuðningi.

 

 

Hafi þeir þökk fyrir.                                          F.S.

 

Meiri slysahætta vegna kæfisvefns en skertrar sjónar eða heyrnar

STJR - Stjórnarráð Íslands | 2008-02-04

1.2.2008        http://www.samgonguraduneyti.is/malaflokkar/umferdamal/frettir/nr/1434 

  

 Syfja getur sótt að ökumönnum á langkeyrslu og er þá mikilvægt að taka hlé.   

Gunnar Guðmundsson, sérfræðingur í lungnalækningum, sagði íhugunarefni á málþingi um syfju og akstur   hvort krefja ætti ökumenn læknisvottorðs um hvort þeir þjáðust af kæfisvefni rétt eins og krafist væri vottorðs um sjón ökumanna áður en ökuskírteini er gefið út.  

 

Gunnar var meðal fyrirlesara á málþingi Umferðarstofu í gær um syfju og akstur og sagði hann norskar rannsóknir sýna að ekki væri mikil hætta á slysum þótt ökumenn hefðu skerta sjón, heyrn eða hreyfigetu eða byggju við hjarta- og æðasjúkdóma. Mikil áhætta væri hjá ökumönnum sem þjáðust af áfengissýki, taugasjúkdómum, geðsjúkdómum og lyfjanotkun og mjög mikil áhætta fylgdi kæfisvefni.

Af þeim sökum mætti íhuga að á vottorði vegna ökuskírteinis kæmi fram hvort viðkomandi þjáðist af kæfisvefni.  

 

Akstur er flókið verkefni

  

Læknirinn benti á að akstur væri flókið verkefni, ökumenn vinni stöðugt úr upplýsingum og áreitum og frammistaða færi versnandi eftir því sem liði á daginn og þreyta sækti á. Hann sagði ýmsar orsakir geta verið fyrir þreytu og syfju, langan vinnudag, vaktavinnu, hávaða í daglegu umhverfi, síaukna og lengri afþreyingu og of lítinn svefn. Allt þetta gæti haft áhrif á frammistöðu ökumanna og versnandi frammistaða fæli í sér lengri viðbragðstíma og fleiri villur. Hann sagði um 2000 manns njóta í dag meðferðar við kæfisvefni en ljóst væri að mun fleiri þyrftu hennar við. Hann sagði dagsyfju meðal afleiðinga kæfisvefns sem fram kæmi meðal annars í óþolinmæði og einbeitingarskorti. Talið væri að kæfisvefn ylli milli 5 og 10% slysa.

  

Ágúst Mogensen, forstöðumaður Rannsóknarnefndar umferðarslysa, greindi frá banaslysum árin 1998 til 2006 sem rekja mætti til svefns og þreytu. Ágúst sagði að 68% banaslysa á áðurnefndu tímabili mætti rekja til 10 þátta. Sagði hann svefn fjórðu algengustu orsök næst á eftir hraða, ölvunarakstri og því að bílbelti væru ekki notuð. Hann sagði svefn ökumanna hafa orsakað 10 slys á tímabilinu og að svefn væri meðorsök í 11 slysum til viðbótar. Fjöldi látinna væri alls 27 í þessum slysum.

 

  

Upplýsingar fengnar víða

  

Erfitt gæti verið að ákvarða hvort svefn væri augljós orsök. Þegar ljóst væri af vettvangi að engin sýnileg viðbrögð væru, til dæmis engin hemlaför en hemlar samt sem áður í lagi, eða af upplýsingum frá farþegum, vitnum eða heilbrigðisstarfsmönnum, svo og upplýsingum um lengd ökuferðar, svefn eða athafnir ökumanns áður en ferð hófst, væri unnt að meta slíkt með nokkurri vissu.

 

 

Þá sagði Ágúst að sá sem vakað hefði í 18 klukkustundir hefði álíka skerta hæfni og sá sem hefði 0,5 prómill áfengis í blóðinu.

Einnig sagði hann rannsóknir hafa sýnt að einstaklingur sem þjáðist af vægum eða miðlungs alvarlegum einkennum kæfisvefns án meðhöndlunar sýndi minni hæfni en einstaklingur sem hefði 0,6 prómill áfengis í blóðinu.

 

 

Ágúst minnti á að vegtæknilegar aðgerðir gætu dregið úr slysaáhættu af völdum syfju. Hann sagði ljóst að margir ökumenn könnuðust við þennan vanda og væru áreiðanlega tilbúnir að þiggja ráð og ábendingar.

  

Syfjaðir ökumenn glaðvakna

  

Erna Hreinsdóttir, tæknifræðingur hjá Vegagerðinni, greindi frá tilraunum Vegagerðarinnar með svonefndar vegrifflur. Rifflur í vegum eru skilgreindar sem umferðartæknileg aðgerð til að vekja athygli ökumanna á að þeir séu í þann veginn að keyra út af vegi eða yfir á akrein með umferð á móti.

 

 

Fræstar eru öldur í vegkanta og við miðlínu á malbikuðum vegum og sagði Erna slíka kafla nú á Grindavíkurvegi og á Hringveginum á Kjalarnesi og við vegkanta í Svínahrauni. Verður ökumaður strax var við ef hann ekur óvart yfir rifflurnar og glaðvaknar ef hann hefur dottað. Vegrifllur koma ekki í stað vegriða en þær væru ódýr kostur, kostuðu innan við 400 þúsund krónur á hvern kílómetra.       

Sagði hún tölur frá Bandaríkjunum sýna að vegrifflur í vegköntum fækkuðu slysum vegna útafaksturs um 31-70%.

 

 

Sagðist hún hafa fengið jákvæð viðbrögð við þessum aðgerðum, meðal annars frá ökumönnum sem þökkuðu fyrir að rifflurnar hefðu vakið sig. Lagði hún til að rifflur verði íhugaðar gaumgæfilega sem ódýr og áhrifamikill kostur til að fækka slysum og bjarga þannig mannslífum, koma í veg fyrir meiðsl og örorku og draga úr eignatjóni.

 

  

Tæknibúnaður í bílum

  

Ágúst Hallvarðsson, sölustjóri hjá Brimborg, greindi frá nýjungum sem Volvo hefur sett í bíla og hafa þann tilgang að vekja ökumann ef bíll hans tekur að rása óeðlilega eða leitar út af vegi. Skynjarar nema línumerkingar á vegum og gefur búnaðurinn frá sér hljóð til að vekja athygli ökumanns. Á sama hátt er athygli ökumanns vakin ef bíllinn tekur að rása, þá bendir búnaðurinn á að nú sé mál að taka hlé frá akstrinum og hvílast eða nærast.

 

 

Umferðarstofa hefur gefið út bækling um syfju og akstur.

Kemur þar meðal annars fram að syfja sé talin jafn hættuleg ökumönnum og ölvun við akstur,    syfja ökumanns sé orsök fyrir um 13% framanáárekstra og útafakstur megi í 12% tilvika rekja til syfju.

 

 

Sjá má ýmsar gagnlegar upplýsingar um syfju og akstur á vefsíðunni 15.is.

 

 

( undirstrikanir/ uppsetning FS)

  

Fimmtán mínútna svefn getur skipt sköpum

STJR - Stjórnarráð Íslands | 2008-01-3131.1.2008        http://www.samgonguraduneyti.is/frettir/nr/1430 

Opnuð hefur verið vefsíða um syfju og akstur 15.is en þar er að finna ýmsar ábendingar vegna áhættu sem syfjaðir ökumenn skapa í umferðinni. Einnig eru þar ýmis heilræði sem unnt er að grípa til þegar syfja sækir að ökumönnum.

 

Kristján L. Möller samgönguráðherra opnaði vefsíðuna formlega í dag á málþingi Umferðarstofu um syfju og akstur. Fram kom hjá Karli Ragnars, forstjóra Umferðarstofu, að síðan er liður í átaki Umferðasrstofu sem gengur undir nafninu 15 og vísar til þess að ekki þurfi nema 15 mínútna svefn til að koma hugsanlega í veg fyrir slys sem kunna að verða vegna syfjaðra ökumanna. Er hvatt til þess að ökumenn stöðvi og blundi í 15 mínútur í stað þess að streitast við að halda sér vakandi við stýrið með tilheyrandi hættu á að sofna.

 

Meðal atriða sem rædd eru á síðunni eru þessi:

 

• 15 mínútur geta gert kraftaverk.
• Hættan á sofna undir stýri eykst síðdegis.
• Geispi og flöktandi augu benda til þreytu.
• Hvernig komumst við hjá þreytu?
• Það er bannað að keyra þegar við erum þreytt.
• Mörg slys verða vegna þess að menn sofna undir stýri.

Á málþinginu flutti Gunnar Guðmundsson, sérfræðingur í lungnalækningum, erindi um kæfisvefn og einkenni hans,      flutt var erindi frá Birni Mikaelssyni, yfirlögregluþjóni á Sauðárkróki, um hverju meðferð við kæfisvefni hefði breytt fyrir hann,      Erna Hreinsdóttir, tæknifræðingur hjá Vegagerðinni, sagði frá vegrifflum,      Ágúst Mogensen, forstöðumaður Rannsóknarnefndar umferðarslysa, greindi frá banaslysum á undanförnum árum, sem rekja mætti til syfju og            Ágúst Hallvarðsson, sölustjóri hjá Brimborg, kynnti nokkrar tækninýjungar frá Volvo sem vekja athygli ökumanns ef bíll hans ætlar að leita út fyrir veg.

Í ávarpi sínu við upphaf málþingsins sagði Kristján L. Möller meðal annars:,,Hann er nú alveg sofandi í umferðinni þessi!

Hversu oft segjum við ekki eitthvað á þessa leið þegar okkur finnst einhver úti á þekju í umferðinni. Og tilfellið er að mjög oft er eitthvað til í þessu.

 

Annars vegar eru menn sofandi í umferðinni á þann hátt að þeir eru algjörlega annars hugar og gera tóma vitleysu en sleppa kannski með skekkinn. Hins vegar eru til þeir sem hreinlega sofna við stýrið. Reynslan hefur sýnt okkur að það getur haft alvarlegar afleiðingar í för með sér.

 

Ég hugsa að við höfum öll upplifað það að vera syfjuð við stýrið. Og ég hugsa að við höfum flest líka upplifað það að hafa sofnað við stýrið andartak. Hrokkið upp við það að bíllinn stefndi kannski útaf eða alla vega hrokkið upp – og vonandi í tíma áður en nokkuð alvarlegt gerðist. Þá er ég vitanlega ekki að tala um að menn sofi lengi, heldur bara örsvefn, þegar augun lokast í sekúndu, kannski eina, kannski tvær.

 

Þegar svo er komið er aðeins eitt til ráða, það er að hvíla sig. Fá annan til að keyra ef það er hægt. Annars að stöðva á góðum stað og leggja sig í nokkrar mínútur. Að því loknu er hægt að halda áfram. Ég hef reynslu fyrir því að leggja sig á þennan hátt í 10 til 15 mínútur þegar syfjan hefur sótt á við akstur á ferðum mínum milli Reykjavíkur og Siglufjarðar. Þegar maður finnur að athyglin er ekki til staðar og augun þyngjast er eina vitið að hvílast. Aðeins þannig kemur maður í veg fyrir þá áhættu að valda sjálfum sér eða öðrum skaða eða tjóni.”

 

Samgönguráðherra nefndi einnig dæmi um reynslu sína af því að aka þreyttur og dottaði við stýrið en það hefði þó allt farið vel. Hann sagði málþingið þarft framtak og brýndi þátttakendur til að taka boðskap þess með sér og úthýsa syfju úr akstri.

 

Vefsíðuna 15.is má skoða hér.

(undirstrikanir/ uppsetning FS )

 

Takk Jóhanna....

Mér lýst vel á að fá Stefán Ólafsson sem formann stjórnarinnar.

Hann hefur gert margar rannsóknir á íslenska velferðarkerfinu, og oft komið með þarfar ábendingar um það sem betur mætti fara.  Hann ætti því að þekkja þetta málefni vel. 

Sigursteinn Másson er líka í stjórninni og þekkir hann einnig vel kosti og galla T.R. og umhverfis stofnunarinnar.

Svo er bara að vona að þessir menn geti haft áhrif á þróun mála innan T.R.  Nú virðist vera vilji til að lagfæra reglur T.R. og gera þær manneskjulegri.

Vonust eftir manneskjulegra velferðarkerfi í framtíðinni.   F.S.

Stefán Ólafsson prófessor formaður TR

Áramótakveðja.

 

 Vífill  

óskar félagsmönnum sínum

og öðrum landsmönnum,

 Gleðilegs nýs árs

og farsældar á komandi ári,

og  þakkar  fyrir samskiptin á árinu sem er að líða.  

Vífill,

félag einstaklinga með kæfisvefn

og aðrar svefnháðar öndunartruflanir.

 

Ályktun Aðalstjórnar Öryrkjabandalags Íslands (ÖBÍ )

 

Aðalstjórn Öryrkjabandalags Íslands mótmælir og lýsir eindreginni andstöðu við yfirstandandi aðgerðir lífeyrissjóða gegn öryrkjum. Með aðgerðum sínum hafa stjórnir lífeyrissjóðanna sett kjör og réttindi öryrkja aftast í forgangsröðina og vegið harkalega að því samtryggingarhlutverki sem lífeyrissjóðunum er ætlað og er grundvöllur skylduaðildar landsmanna að lífeyrissjóðum. Fleiri lífeyrissjóðir hafa tilkynnt um aðgerðir og að óbreyttu munu aðgerðir sjóðanna rústa afkomu þúsunda Íslendinga á næstu 2-3 árum. 

ÖBÍ skorar á Alþingi og ríkisstjórn að tryggja þeim sjúku og fötluðum, sem verða fyrir skerðingum og niðurfellingum af hálfu lífeyrissjóða, þegar í stað fullan lífeyri á móti. ÖBÍ skorar jafnframt á aðildarfélög Alþýðusambands Íslands, sem eiga fulltrúa í stjórnum lífeyrissjóðanna að beita sér nú af heilindum og réttsýni í þágu þeirra félagsmanna sinna sem mest þurfa á stuðningi heildarsamtaka launafólks að halda nú fyrir jólin.   

Reykjavík, 6. desember 2007 

Aðalstjórn ÖBÍ 

 

Loksins á að bæta kjör þessara hópa.

Þetta eru gleðileg tíðindi.   Það hafa verið rakin mörg dæmi um hvernig séreignasparnaður hefur orðið að engu vegna tekjutengingareglna sem nú eru.  Sérstaklega ánægjulegt að þessu lýkur.

Svipað má segja hvað varðar reglur um að tengja bætur við tekjur maka,  sem líka á að hætta.

Þetta er gott og svo er að sjá hvað kemur út úr heildarendurskoðun almannatryggingakerfisins með það fyrir augum að  bæta kjör aldraðra og öryrkja.

Þetta hefur allt verið í spennitreyju sem þurfti að fjarlægja.

Góð byrjun.       F.S. 

 

5.12.2007

Yfirlýsing ríkisstjórnarinnar um aðgerðir til að bæta kjör aldraðra og öryrkja

1. Í stefnuyfirlýsingu ríkisstjórnarinnar er lögð áhersla á að styrkja stöðu aldraðra og öryrkja með því að draga úr tekjutengingum og skerðingum bóta í almannatryggingakerfinu. Fyrsta skref í þessa átt var stigið sl. sumar þegar tekjutenging launatekna 70 ára og eldri við lífeyri almannatrygginga var að fullu afnumin. Áætlað er að árlegur kostnaður ríkssjóðs vegna þessa nemi 600-700 m.kr.

2. Ríkisstjórnin hefur þegar hafið undirbúning frekari aðgerða sem koma til framkvæmda í áföngum á árunum 2008-2010.

3. Ríkisstjórnin hefur nú ákveðið að eftirfarandi aðgerðir verði lögfestar á vorþingi:

• Skerðing tryggingabóta vegna tekna maka verður afnumin frá og með 1. apríl 2008. Áætlaður kostnaður er 1.350 m.kr. árið 2008 og 1.800 m.kr. á heilu ári.
• Gripið verður til sérstakra aðgerða til að draga úr of- og vangreiðslum tryggingabóta frá og með 1. apríl 2008. Áætlaður kostnaður er 345 m.kr. árið 2008 og 460 m.kr. á heilu ári.
• Vasapeningar vistmanna á stofnunum verða hækkaðir úr 28.500 í 36.500 krónur á mánuði, eða um 30%, frá og með 1. apríl 2008. Áætlaður kostnaður er 35 m.kr. árið 2008 og 50 m.kr. á heilu ári.
• Frítekjumark vegna atvinnutekna ellilífeyrisþega á aldrinum 67-70 ára verður hækkað í allt að 100 þúsund krónur á mánuði frá 1. júlí 2008. Jafnframt mun ríkissjóður tryggja að ellilífeyrisþegar fái að lágmarki 25 þúsund krónur á mánuði frá lífeyrissjóði frá 1. júlí 2008. Aðgerðir sem skila öryrkjum sambærilegum ávinningi verða undirbúnar í tengslum við starf framkvæmdanefndar um örorkumat og starfsendurhæfingu. Áætlaður kostnaður er 1.000 m.kr. árið 2008 og 2.000 m.kr. á heilu ári.
• Skerðing lífeyrisgreiðslna vegna innlausnar séreignasparnaðar verður afnumin frá 1. janúar 2009. Áætlaður kostnaður er um 30 m.kr.

4. Kostnaður vegna þessara aðgerða er talinn nema 2.700 m.kr. árið 2008 og 4.300 m.kr. á heilu ári. Samanlagt nemur því heildarkostnaður vegna ákvarðana núverandi ríkisstjórnar til að bæta kjör aldraðra og öryrkja um 5.000 m.kr. á ári. Í samræmi við þessa niðurstöðu mun ríkisstjórnin beita sér fyrir nauðsynlegri hækkun á framlögum til þessara málaflokka við 3. umræðu um fjárlög fyrir árið 2008.

5. Unnið er að heildarendurskoðun almannatryggingakerfisins með það fyrir augum að frekari aðgerðir til að bæta kjör aldraðra og öryrkja komi til framkvæmda á árunum 2009 og 2010.

Reykjavík, 5. desember 2007

Tekjur maka skerði ekki bætur

Hetjuleg varnarbarátta Öbí.

Framkoma lífeyrissjóðanna við öryrkja er beinlínis árás á velferð þeirra.  

Örirkjarnir eru allir félagsmenn stéttarfélaganna sem "eiga" lífeyrissjóðina.   Það er hluti af tilgangi lífeyrissjóðanna að veita sínum félagsmönnum þessa tryggingarvernd sem örorkulífeyririnn er.

Það er sífellt verið að hækka ellilífeyrisgreiðslur sjóðanna vegna góðrar stöðu þeirra.  Á sama tíma væla þeir og skera niður greiðslur örorkulífeyrisþega.    Þetta er alveg siðlaust.

Það er löngu orðið tímabært að losna við fulltrúa vinnuveitenda úr stjórn lífeyrissjóðanna.  Allt framlag vinnuveitenda í lífeyrissjóðina, fyrir sína starfsmenn, er hluti af launakostnaði vinnuveitandans.   Það er jafn fráleitt að vinnuveitendur skipti sér af rekstri lífeyrissjóðanna eins og vinnuveitendur ætluðu sér að skipta sér af annarri ráðstöfun launanna sem þeir greiða.  T.d.  því hvað við kaupum í matinn.

Losum lífeyrissjóðina við vinnuveitendur úr stjórnum sjóðanna. 

Stéttafélögin verða að standa vörðö um alla sína félagsmenn.  Líka öryrkjana.

Hugmyndin um Áfallatryggingasjóð, sem borgi fyrstu 5 árin örorkulífeyrir,  byggist á því að taka fé frá sjúkrasjóðum stéttarfélaganna til að fjármagna þetta.   Stéttafélögin verða að finna lausn á þessum málum án þess að mismuna lífeyrisþegum .

Stéttafélögin verða að sýna meiri ábyrgð í þessu máli og tryggja greiðslu örorkulífeyris lífeyrissjóðanna  og almennt bara afkomumöguleika allra þeirra sm þurfa á örorkulífeyri að halda.  Stéttafélög hafa oft tekið velferðarmál og barist fyrir þeim og nú er þeirra að verja afkomu sinna félagsmanna sem þurfa að fá örorkulífeyrir frá lífeyrissjóðunum.

Af hverju eru ekki örorkulífeyrisþega-deildir innan stéttafélaganna ?

F.S.

 

Vilja frelsi frá lífeyrissjóðum

Opinn félagsfundur Vífils 20 ÁRA TÍMAMÓT Í SVEFNRANNSÓKNUM OG MEÐFERÐ KÆFISVEFNS Á íSLANDI

 

Opinn  félagsfundur Vífils

félag einstaklinga með kæfisvefn og aðrar svefnháðar öndunartruflanir

  

Staður:       Múlalundur Hátúni 10c - aðalinngangur

Tími:           Þriðjudaginn    27. November Kl: 20,oo

  

Það eru 20 ár síðan  fyrsta CPAP-öndunarvélin var afgreidd til einstaklings til að meðhöndla kæfisvafn heima.    Þetta var 4. Nóvember 1987  Þetta eru tímamót sem skipta okkur miklu máli.Lítum yfir farinn veg og skyggnumst inn í framtíða.

  

Dagskrá fundarins. 

1.  Ávarp formanns, og skipun fundarstjóra 

2.. Fræðsluerindi:  Þórarinn Gíslason, yfirlæknir á Landspítala – háskólasjúkrahúsi og prófessor við Háskóla Íslands,....                 

Svefnrannsóknir á Íslandi 1987-2007 .     Hvað er framundan ? 

3. Tónlistaratriði:    Nemendur úr Tónlistarskóla Garðabæjar.                             Agnes Tanja Þorsteinsdóttir og Steinunn Sigurðardóttir 

4. . Önnur mál

Smellið fyrir stærra kort

  

Kaffiveitingar:        verð kr. 500,-    Kaffispjall að venju   

Við mynnum á að þetta er  opinn –félagsfundur.   ALLIR VELKOMNIR 

Við hvetjum félagsmenn til að fjölmenna á fundinn og taka með sér gesti til kynningar og eflingar á starfi félagsins.

Stjórn Vífils

  

Vífill, félag einstaklinga með kæfisvefn

og aðrar svefnháðar öndunartruflanir

 

 

 

 

 

 

 

Enn af misrétti í samfélaginu.

 

Hér er Rúnar Vilhjálmsson, prófessor í heilsufélagsfræði  að kynna merkilegar rannsóknir. 

Það er mjög alverlagt að munur sé á útgjaldabyrði einstaklinga eftir sjúkdómum.   Það sýnir að ekki hafa allir sjúklingahópar notið sambærilegs skilnings og fyrirgreiðslu af hendi ríkisins, sem er stærsti greiðandinn. 

Hér getur bakland sjúklingahópanna skipt máli.   Barátta viðkomandi sjúklingafélaga og einnig hversu viðurkenndir sjúkdómarnir eru í samfélaginu. 

Fram kemur að geðsjúkir eru með hæstu útgjaldabyrði einstaklinga.    Þeirra samtök, Geðhjálp og fl.,hafa verið mjög virk í réttindabaráttu en þeað eru enn fordómar gegn geðsjúkum og gæti það valdið einhverju um þetta óréttlæti. 

Það er sláandi að 30% aðspurðra bera við kostnaði,  sem helztu ástæðu þess að þeir fresti því að fara til læknis.  

Það að einhver hafi ekki efni á að fara til læknis leiðir oft til þess að síðar þurfi viðkomandi á kostnaðarsamari heilbrigðisþjónustu að halda.   

 

Heilbrigðisútgjöld hafi aukist sem hlutfall af vergri landsframleiðslu úr 1% árið 1987,  í 1,7% árið 2004.

 

Útgjaldaaukningin hafi bitnað mest á atvinnulausum, öryrkjum, langveikum og láglaunafólki,  af því að þessir hópar hafi ekki fengið sömu kaupmáttaraukningu og aðrir.

 

Þetta allt hefur Öryrkjabandalag Íslands ( ÖBÍ ) haldið fram undanfarin ár og ætti þessi rannsókn að styðja málflutning ÖBÍ um brýna þörf á að leiðrétta mismununundanfarinna ára. 

Ókeypis heilbrigðisþjónusta er raunverulega eina leiðin til að fyrirbyggjas þessa mismunun.

 

F.S.

 

 

Hallar á þá sem sízt skyldi