Ráðstefnan Félagsmálaráðuneytisins og fl. "mótum framtíð".

 

Vel heppnuð og fjölsótt ráðstefna

Magnús Stefánsson félagsmálaráðherra, Guðjón Sigurðsson, formaður MND-félagsins, og Kristín Einarsdóttir iðjuþjálfi

Í

 móttöku ráðherra í lok ráðstefnunnar „mótum framtíð“ afhenti MND-félagið MND-teymi LSH tækjabúnað að gjöf að andvirði um 1 milljón króna.

http://www.felagsmalaraduneyti.is/frettir/frettatilkynningar/nr/3166

2.4.2007

Þátttaka í ráðstefnunni mótum framtíð um stefnur og strauma í félagslegri þjónustu á Nordica hotel fór fram úr björtustu vonum. Um 600 gestir sóttu ráðstefnuna á fimmtudag og 400 á föstudag. Fyrirlesarar og málshefjendur í málstofum voru liðlega 100 talsins. 

Magnús Stefánsson félagsmálaráðherra sleit ráðstefnunni með móttöku í beinu framhaldi af því að 81 aðildarríki Sameinuðu þjóðanna, þar á meðal Ísland, undirritaði tímamótasamning um réttindi fatlaðra. Við sama tækifæri gaf MND-félagið MND-teymi Landspítala – háskólasjúkrahúss tækjabúnað, fólkslyftu og hóstavél, sem gagnast sjúklingum með taugahrörnunarsjúkdóminn. Guðjón Sigurðsson, formaður MND-félagsins, afhenti Kristínu Einarsdóttur iðjuþjálfa gjöfina. Við upphaf ráðstefnunnar á fimmtudag höfðu Magnús Stefánsson og Siv Friðleifsdóttir, heilbrigðis- og tryggingamálaráðherra, tilkynnt um ákvörðun ríkisstjórnarinnar um að ráðast í tilraunaverkefni um notendastýrða þjónustu sem mun taka til fjögurra til sex einstaklinga sem þurfa á öndunarvélaþjónustu að halda vegna slysa eða sjúkdóma svo sem MND.

 Félagsmálaráðuneytið stóð fyrir ráðstefnunni   mótum framtíð   í samvinnu við    Norrænu ráðherranefndina, Velferðarsvið Reykjavíkurborgar, Rannsóknarsetur í barna- og fjölskylduvernd við Félagsvísindadeild Háskóla Íslands, Rauða kross Íslands, Ís-Forsa og fjölmarga hagsmunaaðila sem láta sig félagslega þjónustu varða. 

 ----------------------------------------------------------

 ATH.

Það hefði 4-5 til að fylgjast með öllu á ráðstefnunni.

Nú þarf Félagsmálaráðuneytið að bjóða upp á fyrirlestrana á netinu, eins og Öbí gerði eftir ráðstefnuna um örorkumatið o.fl.        F.S.

--------------------------------------------------------

 

Stýrivextir á Íslandi í alþjóðlegum samanburði

Hér eru skoðaðir stýrivextir Seðlabanka Íslands, og þeir bornir saman við stýrivexti í Japan, Bandaríkjunum, Evrusvæðinu og á Bretlandi.

 

Okkar stýrivextir eru mikið hærri en hjá hinum þ´jóðunum.    Talið er að 2-3%stig stýrivaxtanna séu vegan virkjana og stóriðju, vegan þensluáhrifa.

 

Þessir háu stýrivaxtir lokka erlenda fjárfesta til að gefa út krónu-bréf, það er vegan hárra vaxta á Íslandi.   Þessi bréf geta aukið á þensluna hér og gera krónuna óstöðugri, litið til framtíðar.

 

Háir vextir snarhækka afborganir af lánum og auka útgjöld heimillanna og smærri fyrirtækja.  Stór fyrirtæki fjármagna sig meira erlendis.

 

Það er lítill ávinningur a f því að vera metþjóðin í þessari viðmiðun.

 

Skoðið greinina og línuritið…       F.S.

  Af:        http://www.fjarmalaraduneyti.is/frettir/almennar-frettir/almennar-frettir/nr/8038 

 ---------------------------------------------------------

Stýrivextir á Íslandi í alþjóðlegum samanburði

3.4.2007  

Úr Vefriti fjármálaráðuneytisins 29. mars 2007 - þú getur gerst áskrifandi að vefritinu. 

Seðlabanki Íslands ákvað fyrir helgi að halda stýrivöxtum óbreyttum, í 14,25%.Í þessu sambandi er vert að huga að því að núorðið hafa seðlabankar það hlutverk í hagstjórninni að stýra verðbólguþróun. Stýrivextir eru það stjórntæki sem seðlabankar nota til að hafa áhrif á lánskjör útlánastofnana og þar með eftirspurn á markaði. Að öðru óbreyttu auka fyrirtæki og almenningur lántöku sína þegar vextir lækka að raungildi og að sama skapi er dregið úr lántökum þegar þeir hækka. Seðlabankar framfylgja ákveðnum markmiðum varðandi verðlag. Í flestum þróuðum ríkjum með sjálfstæðan gjaldmiðil hefur verðbólgumarkmið notið hylli.   

Seðlabanki Íslands stefnir t.d. að því að verðbólga sé 2,5%.  

Í Bandaríkjunum fylgir seðlabankinn markmiði um verðstöðugleika en tekur einnig tillit til áhrifa stýrivaxta á hagvöxt og atvinnustig.

 Eins og myndin sýnir hafa stýrivextir víða hækkað undanfarin ár í takt við uppsveiflu í efnahagslífi heimsins. Hagvöxtur í hinum stærri ríkjum hefur undanfarin ár verið á bilinu 2-4% á ári, meiri í Bandaríkjunum og Bretlandi, en minni í Evrópu og breytilegur í Japan. Hagvöxtur hefur verið mun meiri á Íslandi. Þróun stýrivaxta hefur því ekki verið samstíga. Seðlabankar Bretlands, Bandaríkjanna og Íslands hófu að hækka stýrivexti árið 2004 þegar þeir voru orðnir nokkuð lágir, sérstaklega í Bandaríkjunum. Seðlabanki Evrópu tók að hækka stýrivexti í árslok 2005 og Seðlabanki Japan hóf sitt hækkunarferli í júlí 2006.  

Lítill náungakærleiki hér.....

Það er alltaf sorglegt að lesa svona fréttir.  Sérstaklega að sjá algjört virðingarleysi árásarmannsins fyrir sínum samborgurum, og hvað þá fyrir fötluðum manni í hjólastól sem getur lítið varið sig.

Sá sem verður fyrir svona árás getur alveg glatað sinni öryggistilfinningu og farið að einangra sig.

Það er mikið öryggisatriði fyrir mann í hjólastól að hafa farsíma til að geta kallað eftir aðstoð ef eitthvað kemur hann.

Það er alltaf lítilmannlegt að ráðast á minni máttar.               F.S.

Barinn og rændur í hjólastól

Skerðingarhugmyndir lífeyrissjóðanna........

Þetta er ELD GÖMUL FRÉTT....EN ÞÓ SÍUNG.

Lífeyrissjóðirnir ætluðu að skerða lífeyrisgreiðslur öryrkja, en vegna mikilla mótmæla þá var hætt við það.  

Nú erum lífeyrissjóðirnir að tilkynna um hækkun á lífeyrisgreiðslum vegna góðrar stöðu sjóðanna.   En hvað þá,....verður ekkert úr þessum niðurskurði. ?????

Lífeyrissjóðirnir miða við tekjur "lífeyrisþega" síðustu 3árin fyrir töku lífeyris.   Þá voru margir komnir með skerta starfsorku og farnir að lækka í launum vegna þessa.      Ef lífeyrisgreiðslur + greiðslur frá TR + laun og annað,  var hærra en meðallaun á 3ára viðmiðunartímabilinu, framreiknað miðað við  FRAMFÆRSLUVÍSITÖLU,  þá átti að skerða greiðslur ´frá sjóðunum.   

Hækkun launa á markaði er mæld með LAUNAVÍSITÖLU sem hækkaðimeira en FRAMFÆRSLUVÍSITALAN.

þrátt fyrir að lífeyrissjóðirnir hafi hætt við áformaðar skerðingar, þá skipaði forsætisráðuneytið  nefnd til að skoða þessi mál og vinna að því að létta örorkugreiðslum af lífeyrissjóðunum.

Þetta mál er því ekki búið.

Fylgist með umræðunni um breytingar á forsendum örorkumats, og umræðum um að skerða t.d. veikindarétt á vinnumarkaðinum.

Ég bendi ykkur á að skoða:    

Skýrsla nefndar um endurskoðun örorkumats og eflingu starfsendurhæfingar  frá  5. mars 2007

Fjölgun öryrkja á Íslandi -Orsakir og afleiðingar                                Höfundarréttur © 2005 Tryggvi Þór Herbertsson 
Útgefandi: Heilbrigðis og tryggingamálaráðuneytið, Reykjavík

Örorkumatið– samspil kerfa–

Dr. Pétur H. Blöndal

Landssamtök Lífeyrissjóða – Örorkuráðstefna   6 Apríl 2006

 

 Af vef Öbí:

Þann 22. mars sl. efndi ÖBÍ og Vinnumálastofnun í samvinnu við ASÍ og Samtök atvinnulífsins til ráðstefnu undir yfirskriftinni Ný tækifæri til atvinnuþátttöku. Sérstakir gestir ráðstefnunnar voru þær Laila Gustavsen ráðuneytisstjóri í norska atvinnuvegaráðuneytinu og Toril Dale yfirmaður rannsóknar- og þróunarstofnunar í endurhæfingarmálum í Noregi.

Á ráðstefnunni var sérstaklega til umræðu álit nefndar forsætisráðherra um nýtt örorkumat og endurhæfingarmál. Talsmenn helstu hagsmunaaðila ræddu   þýðingu þess og áhrif á vinnumarkað,    samningsbundin veikinda- og slysaréttindi,   aðkomu lífeyrissjóða og atvinnulífs að starfsendurhæfingu   og nýtt hlutverk stjórnkerfis í samfélagi sem byggir á virkni og þátttöku fatlaðra.

Tenglar inn á pdf-skjöl (glærur) fyrirlesara:

Laila Gustavsen, ráðuneytisstjóra í atvinnuvegaráðuneyti Noregs. (pdf-skjal 333kb)

Toril Dale, yfirmaður rannsóknar- og þróunarseturs ARR, Noregi. (pdf-skjal 399kb)

Gylfi Arnbjörnsson, framkvæmdastjóri Alþýðusambands Íslands. (pdf-skjal 38kb)

Hannes G. Sigurðsson, aðstoðarframkvæmdastjóri Samtaka atvinnulífsins. (pdf-skjal 61kb)

Hrafn Magnússon, framkvæmdastjóri Landssamtaka lífeyrissjóða. (pdf-skjal 479kb)

Sigursteinn Másson formaður Öryrkjabandalags Íslands. (pdf-skjal 40kb)

 Undirstrikanir eru mínar. 

Hrafn Magnússon, framkvæmdastjóri Landssamtaka lífeyrissjóða var m.a. með þessa glæru í sínu erindi:

 

                         Að lokum............ 

•          “Þetta málþing verði first og fremst minnst fyrir

             það, að með því hófst formlegt samstarf ýmissa

             hagsmunaaðila við að koma á samræmdu, 

            skilvirku og skipulögðu starfsendurhæfingar-

            úræðum fyrir alla þá sem þess þurfa.”

 Hrafn Magnússon: Sagt á ráðstefn uum starfsendurhæfingu13. nóvember2001

  Ég held að þessi glæra segi okkur ansi mikið.  Örorkumati var breytt mikið árið 1999, og þá átti að stórauka endurhæfingu.     2001 var enn verið að velta endurhæfingarþætti laganna frá 1999 fyrir sér.    Nú árið 2007 er það enn sá þáttur sem er ekki kominn í viðunandi horf.    Það þarf að stórauka endurhæfinguna, en ég sé ekki að það sé til bóta að hverfa frá því að örorkumat byggist á læknistræðilegum forsendum. Verum vakandi og fylgjumst vel með framvindu þessara mála. Fréttin er svo hér neðar.                                          F.S.      

 

 

Lífeyrisgreiðslur um 2.500 öryrkja skerðast

Nokkur orð vegna greinar Sjálfsbjargar, landssambands fatlaðra, um styrki og uppbætur vegna bifreiðakaupa hreyfihamlaðra einstaklinga .

 Styrkir og uppbætur vegna bifreiðakaupa hreyfihamlaðra einstaklinga

Ég rakst á þessa frétt í Mbl 1. Apríl.   Auðvitað hefði ég kosið að hún væri Aprílgabb...en það er ekki svo.

Það er alltaf verið að skerða stirki frá TR, og þessir bílakaupastirkir eru alveg sér á báti.

Styrkirnir eru margskonar, og hér segir :

Uppbót vegna reksturs bifreiðar 

Heimilt er að greiða ellilífeyrisþega, örorkulífeyrisþega og örorkustyrkþega uppbót til að mæta kostnaði við rekstur bifreiðar ef bótaþega er nauðsyn að hafa bifreið vegna hreyfihömlunar og sýnt er að hann geti ekki komist af án uppbótarinnar. Með hreyfihömlun er átt við líkamlega hreyfihömlun, þar á meðal hjarta- og lungnasjúkdóma, auk blindu, sem gerir menn ófæra um að komast ferða sinna án ökutækis.

Þegar komið er að styrkjum til kaupa á bifreið er allt annað viðmið.   Þá er það hækjur og hjólastóll, sem eru skylyrðin, ásamt því að þurfa að komast á bílnum í launaða vinnu eða í skóla.  

Eins og hér segir:

Styrkur til kaupa á bifreið

Heimildin á þó einungis við þegar umsækjandi ekur sjálfur og þarf á bifreið að halda    til að stunda nám eða launaða vinnu. Styrkur er eingöngu veittur þegar eftirfarandi skilyrði eru uppfyllt:*     Hinn hreyfihamlaði    notar tvær hækjur eða hjólastól að staðaldri.

 

Hjarta og lungnasjúklingar hafa nú ekki möguleika nema þá ef einstaklingurinn “notar tvær hækjur eða hjólastól að staðaldri.”   

Sá sem ferðast um með súrefniskút og getur ekki gengið nema örfáa metra, er ekki nægilega “hreyfihamlaður” samkvæmt þessum reglum.

Sjá nánar á:  http://www.tr.is/oryrkjar/onnur-rettindi/  

Þetta þarf að skoða betur.

Gott að  Sjálfsbjargar, landssambands fatlaðra   mynnir á þetta.

F.S.

------------------------------------------------------------------------------

Hér er svo greinin:

Mbl  Sunnudaginn 1. apríl, 2007 - Innlendar fréttir http://www.mbl.is/mm/mogginn/blad_dagsins/bl_grein.html?grein_id=1137804   

FYRIR hreyfihamlaða einstaklinga er bifreið grundvallarhjálpartæki til þátttöku og virkni í samfélaginu. Mikil rýrnun hefur orðið á styrkjum og uppbótum frá Tryggingastofnun ríkisins til hreyfihamlaðra vegna bifreiðakaupa á síðustu árum. 

FYRIR hreyfihamlaða einstaklinga er bifreið grundvallarhjálpartæki til þátttöku og virkni í samfélaginu. Mikil rýrnun hefur orðið á styrkjum og uppbótum frá Tryggingastofnun ríkisins til hreyfihamlaðra vegna bifreiðakaupa á síðustu árum.  

Styrkupphæðir samkvæmt reglugerð heilbrigðis- og tryggingamálaráðuneytisins hafa ekki hækkað í 8 ár og tími milli styrkveitinga hefur verið lengdur, sem hefur leitt til verulegrar rýrnunar á verðgildi styrkja.

 Breyting á gildandi reglugerð tók gildi 22. mars sl., en þar er ekki tekið á rýrnun styrkja og uppbóta heldur m.a. sett ákvæði um takmörkun á frelsi einstaklings til að velja sér bifreið og virðist farið offari í þeim kröfum.  

Hvorki Sjálfsbjörg, landssambandi fatlaðra, né Öryrkjabandalagi Íslands var gefinn kostur á að fá reglugerðina til umsagnar áður en hún var undirrituð af heilbrigðis- og tryggingamálaráðherra.

 

Sjálfsbjörg vekur af þessu tilefni athygli á þeirri kröfu að komið verði á fót formlegum samráðsvettvangi samtaka fatlaðra og stjórnvalda þar sem samtökum þeirra er veittur eðlilegur aðgangur og vettvangur til að fjalla um málefni sem að fötluðum snýr.

 Sjálfsbjörg hefur áður gert athugasemdir og komið með ábendingar varðandi núgildandi reglugerð og sendi stjórnvöldum tillögur um lækkun á bifreiðakostnaði hreyfihamlaðra seint á árinu 2006, sem ekki hafa fengist viðbrögð við. Því er lýst eftir svörum og samráði við samtök fatlaðra nú þegar um þetta mál.  

F. h. farartækjanefndar Sjálfsbjargar, landssambands fatlaðra, Anna Guðrún Sigurðardóttir, Arnór Pétursson, Bergur Þorri Benjamínsson, Jón Heiðar Jónsson og Vilberg Guðnason.

F. h. Sjálfsbjargar, landssambands fatlaðra, Ragnar Gunnar Þórhallsson, formaður.  

 

Breskum vísindamönnum tókst að rækta hjartalokur úr stofnfrumum

 

Þetta er frábær tíðindi.  Það er ekki hætta á að hjartaloka ræktuð úr eigin stofnfrumu sjúklingsins kalli á höfnunarviðbrögð líkamans, eins og algengt er með líffæri úr öðrum mönnum eða þá úr dírum.

Stofnfrumurannsóknir eru vissulega mjög umdeildar, en þær geta leitt til biltingar í lækningum. 

F.S.

 

Breskum vísindamönnum tókst að rækta hjartalokur úr stofnfrumum

Fjölga á dagvistarrýmum aldraða um 75

 

 3 Mars var Mbl með frétt, sem er samhljóða fréttatilkynningu frá heilbrigðisráðuneytinu., http://www.heilbrigdisraduneyti.is/frettir/nr/2421  . 

Mér er spurn:   Hefur þetta fólk ekki verið í stjórn í mörg ár? 

Af hverju er ekki löngu búið að bæta stöðu aldraðra á Íslandi ? 

Nú nálgast kosningar og þá er verið að minna okkur á hvaða draumsýnir stjórnmálamenn / ráðherrar hafa.  Ég held að þetta hafi verið kynnt í fjölmiðlum áður. Það er endalaust verið að tala um góðærið hjá okkur.  Samkvæmt þeim tölum sem Sif hefur verið að nefna um þörf á hjúkrunarrými, þá ætti allt að vera í góðulagi hér.  Samt eru biðlistar......Það er líka ótrúlegt að aldraðir þurfa að borga hærra fyrir að dvelja á hjúkrunarheimili heldur en þeir sem yngri eru.  

Er það ekki brot á jafnræðisreglu stjórnarskrárinnar ? 

Lög um málefni aldraðra eru að mörgu leiti skerðingarlög.    Lögin skerða rétt aldraðra miðað við þá sem yngri eru.    Þetta er til skammar í samfélaginu og skiptir miklu meira máli heldur en hvort "málefni aldraðra" eru hjá ríkinu eða sveitarfélögunum.   Þjónustan og gæði hennar eru lykilatriðið og þá líka að tryggja að þjónustan sé raunverulega í boði. Velyrði um úrbætur á elleftu stundu fyrir kosningar eru oftast ekki marktæk.      Því miður. Undirfyrirsögn á fréttatilkynningu ráðuneytisins hljómar kunnuglega;  “Átak til að styrkja búsetu aldraðra á eigin heimilum”   en eitthvað lítið hefur farið fyrir þessum áherslun undanfarin ár, þó svo að þetta hafi verið yfirlýst markmið lengi.Enn er verið að skerða lífeyrir aldraðra sem búa með öðrum á heimili. 

Af vef TR fyrir ellilífeyrisþega :          “Heimilisuppbót er 23.164 kr. á mánuði”.“Lífeyrisþegar sem búa einir og eru einir um heimilisrekstur geta fengið greidda heimilisuppbót”. 

Ekki er þetta til þess fallið að létta öldruðum að búa á eigin heimili……………. F.S. -

Fréttin af Mbl.is :     Fjölga á dagvistarrýmum aldraða um 75

Innlent | mbl.is | 23.3.2007 | 13:55     mbl.is/Sverrir Vilhelmsson

Siv Friðleifsdóttir heilbrigðis- og tryggingamálaráðherra hefur ákveðið að fjölga verulega úrræðum sem miða að því að styðja aldraða til að búa sem lengst heima. Alls verður varið 370 milljónum króna í þetta verkefni. Þetta er í samræmi við áherslur sem ráðherra hefur kynnt um uppbyggingu öldrunarþjónustunnar sem miða að því að efla þjónustu sem gerir öldruðum kleift að búa sem lengst heima.Ákvörðun ráðherra felur í sér að dagvistarrýmum verður fjölgað um 75 sem er um 11% fjölgun dagvistarrýma en þau voru samtals um 700 á landinu öllu í lok árs 2006.Af þeim 75 dagvistarrýmum sem við bætast verða 44 rými sérstaklega ætluð heilabiluðum og verður stærstur hluti þeirra á höfuðborgarsvæðinu. Fyrir voru samtals 129 dagvistarrými sérstaklega ætluð heilabiluðum og því er hér um 34% aukningu að ræða. Almennu dagvistarrýmunum verður hins vegar komið fyrir víða um land og má geta þess að við bætast 11 staðir þar sem ekki hafa áður verið dagvistarrými fyrir aldraða. Með þessu móti verður dagvistun fyrir aldraða að aðgengilegu úrræði um allt land. Hvíldarrýmum verður einnig fjölgað og bætast við 23 slík rými vítt og breitt um landið, samkvæmt tilkynningu frá ráðuneytinu.Í ráðuneytinu er nú unnið að gerð áætlunar um staðsetningu þessara rýma og er stefnt að því að ákvörðun þar um liggi fyrir á næstu dögum.Ennfremur liggur fyrir ákvarðanir um byggingu nýrra hjúkrunarheimila sem munu fjölga rýmum samtals um 374 á næstu 4 árum sem er um 15% aukning hjúkrunarrýma í landinu.Þetta eru 200 rými á tveimur nýjum hjúkrunarheimilum í Reykjavík og 174 rými víðs vegar um land. Heimilin sem bætast við í Reykjavík eru annars vegar hjúkrunarheimili við Suðurlandsbraut sem reist verður í samstarfi við Reykjavíkurborg og hins vegar á Lýsislóðinni í samstarfi við Reykjavíkurborg og Seltjarnarnesbæ.Þá er um að ræða 20 ný hjúkrunarrými í Árborg, 44 í Kópavogi, 20 í Mosfellsbæ, 30 í Reykjanesbæ, 30 í Hafnarfirði, 10 í Ísafjarðarbæ og 20 í Garðabæ, samkvæmt tilkynningu. 

Bloggað um fréttina

Anna Gísladóttir                                    Hvað er eiginlega að þessu liði ?

Ester                                                    Siv OPEN YOUR EYES!

Gunnar Sigurðsson                                GAMLA FÓLKIÐ UPP Á MIÐNESHEIÐI. RISASTÓR DAGVISTUNARGARÐUR

Guðrún Olga Clausen                            Ekki seinna vænna fyrir Framsókn að gera eitthvað gott

Níels A. Ársælsson.                              Kosningabrella Framsóknar.  

Á  takshópur um heilbrigða skynsemi í pólitískri umræðu   Aldraðra minnst fyrir kosningar

Baldvin Jónsson                                    Þetta er náttúrulega bara einfaldlega óþolandi ástand.....

Helgi Jóhann Hauksson                         Miklar gleðifréttir ... Fleiri

 

Opið hús fyrir SÍBS félaga á mánudögum kl. 16oo-1800

 

"Rabb og rölt"  Síðumúla 6 (gengið inn á bakvið).

Á mánudögum kl. 16:00-18:00 er opið hús fyrir félagsmenn SÍBS.  Þetta er framhald á Rölt og rabb hópi félaga í Samtökum lungnasjúklinga.      Allt SÍBS fólk velkomið.   

Léttar kaffiveitingar (200 kr)

Látið sjá ykkur SÍBS félagar!

 

 

Fyrsta bloggið

Heil og sæl. Prufa.