Þörf ábending hjá Sjálfsbjörg.

Þetta er ótrúlegt ranglæti að hætt sé að skilgreina einstakling sem örirkja við  það eitt að ná tilteknum aldri.    Það er einfaldlega réttlætismál að leiðrétta þetta.    Þetta getur munað miklu í bótum og réttindum að fara af örorkubótunum yfir á ellilífeyrinn.

Þessi kattaþvottur sem er nú verið að gera á lífeyriskerfinu er mjög sérkennilegur.   70 ára og eldri mega hafa ótakmarkaðar atvinnutekjur án þess að það skerði bætur neitt.    Greiðslur frá lífeyrissjóði, yfir viðmiðunarmörkum, og annað er ennþá að skerða bætur frá TR.

Þessi breyting er ekki gerð til þess að bæta kjör ellilífeyrisþega almennt, heldur bara þeirra sem eru við góða heilsu og ennþá á vinnumarkaði.

Það þarf að skoða lífeyriskerfið mun betur en hér er gert.    F.S.

 

Sjálfsbjörg skorar á þingflokksformenn

Nýjungar í notkun stofnfrumna...af mbl.is

 

Í Mbl 12 Júní er grein sem mér finnst eiga erindi til okkar.   Í greininni er sagt frá fundi sem haldinn var um stofnfrumurannsóknir. Greinin er ekki birt í þeim hluta MBL.is sem býður upp á að bloggað sé um fréttina og því fæ ég greinina “að láni” og birti hana hér   Greinina má finna á netinu á slóðinni http://www.mbl.is/mm/mogginn/blad_dagsins/bl_grein.html?grein_id=1150182   

Undirstrikanir og litabreytingar eru mínar.      F.S. 

 Það verður hægt að gera við næstum hvað sem er   Eftir Ylfu Kristínu K. Árnadóttur  [e-mail]  

NÝJUNGAR á sviði stofnfrumna voru kynntar á fundi í Blóðbankanum í gær en þá var fjallað um notkun stofnfrumna í vefjaverkfræði og frumumeðferð á Íslandi. Að fundinum stóðu Blóðbankinn, verkfræði- og læknadeildir Háskóla Íslands, Össur hf. og University of California í San Diego. Að sögn Bernhards Ö. Pálssonar, prófessors við University of California, sameinar vefjaverkfræði líffræði, verkfræði og læknisfræði.  

Nær endalausir möguleikar

 Stofnfrumur eru ósérhæfðar, frumstæðar frumur sem finnast m.a. í beinmerg. Þegar þær skipta sér geta þær annað hvort haldið sér sem stofnfrumur eða breyst í ákveðna, sérhæfða vefjategund. Bernhard segir blóðbanka hingað til hafa einbeitt sér að merg og stofnfrumum í honum til að búa til blóðfrumur. Nú sé hins vegar stefnt að útvíkkun starfseminnar í meðhöndlun og rannsóknum á stofnfrumum sem geti framleitt aðra vefi, svo sem brjósk, bein og sinar og í framhaldi af því væri hugsanlega hægt að skoða taugafrumur. Í framtíðinni sé stefnt að því að framleiða vefi til að endurnýja hjartavöðva eftir hjartadrep. "Möguleikarnir eru næstum því ótakmarkaðir, það verður hægt að gera við næstum hvað sem er," segir Sigurður Brynjólfsson, forseti verkfræðideildar Háskóla Íslands. Sigurður segir verkfræðina vera á hraðri leið inn í þessa veröld heilbrigðisvísinda. Yfirleitt byggist verkfræði á mikilli stærðfræði og eðlisfræði en þessi nýja lífverkfræði byggist meira á líffræðilegum grunni og hvernig nota eigi líffræði við hönnun. Það sé þó ekki nýtt að verkfræði tengist læknavísindum því finna má mikið af verkfræði á spítölum í kringum tækin sem þar er að finna.  

Taugar skipi gervilimum fyrir

 Dr. Hilmar B. Janusson, framkvæmdastjóri rannsóknar- og þróunarsviðs Össurar hf., segir það hafa legið beinast við að fara í samstarf með Blóðbankanum því þar sé að finna mikla hæfni til að framkvæma hlutina. "Þeir eru komnir langlengst í meðferðarúrræðum og eru holdgervingur þessara breytinga. Þar er fólk sem kann að taka þetta frá byrjun til enda."  Hilmar segir þátt Össurar í þessu vera að hafa augun opin fyrir þeim möguleikum sem bjóðast til að þróa tækni eða tækjabúnað sjúklinga þeirra. Þeir sjúkdómar sem þeir séu að fást við, t.d. sykursýki, slitgigt eða krabbamein, séu sjúkdómar sem verið er að þróa frumumeðferðarúrræði við. 

 Bernhard bætir við að í framtíðinni væri jafnvel hægt að tengja gervilimi, sem Össur framleiðir ásamt öðru, inn í taugakerfi þannig að taugar geti gefið gervilimunum skipun. Það yrði gert með vefjaverkfræði í kringum taugakerfið og gæfi sjúklingum beint vald á gervilimunum.  

Nýr valkostur fyrir sjúklinga

 Ýmsar breytingar felast í nýjum frumumeðferðum. "Venjulega hugsum við um að sprauta lyfjum í fólk en með þessu yrðu það frumurnar, sem fara inn í sjúklinginn, sem skapa lækninguna," segir Bernhard.    Að auki séu þessar frumumeðferðir staðbundnari, t.d. yrði sprautað beint inn í hné eða hjarta. Þar myndi fruman strax virkja af stað ákveðið ferli, renna saman við vefinn og byrja að endurnýja hann. Það tæki eflaust nokkrar vikur.    Með frumumeðferðum byðist sjúklingum nýr valkostur fyrir meðferð.  

Að sögn Bernhards eru svona rannsóknir mjög dýrar og á tækjakosturinn stærstan þátt. Grunnrannsóknir fara yfirleitt allar fram í gegnum opinber styrkjakerfi og segir Sveinn Guðmundsson, yfirlæknir Blóðbankans, þegar byrjað að sækja um úr mismunandi sjóðum. Hvað siðferðilegar hliðar málsins varðar segir Sveinn að í þessu tilviki sé sneitt framhjá siðferðilegum vandamálum þar sem um sé að ræða stofnfrumur úr fullorðnum einstaklingum en ekki úr fósturvísum. 

Í hnotskurn

» Stofnfrumur eru ósérhæfðar, frumstæðar frumur sem geta sérhæfst í ákveðnar frumur.
» Blóðbankinn hefur hingað til einbeitt sér að blóðfrumum en í framtíðinni er mögulegt að framleiða m.a. brjósk og bein.

  

Enn um Kolefnisjöfnun.......

 

Það er gaman að sjá hvað umræðan er orðin mikil um kolefnisjöfnuð.   Mér finnst þetta góð aðferð til að virkja fólk og fyrirtæki til góðra verka.   Hér litið á kolefnisjöfnun vegan flugs. Það er þáttur sem ekki hefur verið eins mikið í umræðunni eins og t.d. kolefnisjöfnun fyrir akstur bifreiða.

Það eru athyglisverðar upplýsingar hér um koltvíoxíð-losun einkaþotu. 

 

“Ef ferðalag fjögurra manna til Lundúna og til baka með einkaþotu af gerðinni Hawker 850XP er tekið sem dæmi losar hver farþegi tæplega þrjú tonn af koltvíoxíði eða litlu minna en fólksbíll af minnstu gerð gæti eytt á einu ári.”

 

Eða þá það sem fram kemur í athugasemd hér neðar á   http://fiffi.blog.is :

 

“Einu sinni heyrði ég þá samlíkingu að væri öllu súrefni í heiminum skipt milli manna þannig að það entist ævina myndi hver sá sem flygi svo sum eins og frá Keflavík til Spánar kláraði sinn skammt”

 

Auðvitað er alltaf spurningin hvaða forsendur eru notaðar.

Það er forvitnileg tafla sem Sigurður Gunnarsson birtir í athugasemd sinni á http://siggun.blog.is .

Það er alltaf til bóta að skoða sem flesta fleti á þessu máli.

“Þotuliðið” er ansi drjúkt við að menga með sínum flugferðum.   Eins við sem eigum eyðslufreka bíla.  Þá er spurningin hve mikið er keyrt á ári.  

Kolefnisjöfnun hjálpar til á meðan verið e rað minnka hlut brunaeldsneytis í almenningssamgöngum.  F.S. 

Athugasemdir fengnar að láni: 

Sigurður Gunnarsson

http://siggun.blog.is/blog/siggun/entry/233227 

7.6.2007 | 18:31 

Lítum okkur nær

 Þeir sem hafa eitthvað við þessa frétt að athuga ættu að líta sér nær.  Ég tók saman eftirfarandi upplýsingar:

Farþegar	Farartæki	Km.viðmið	tré	CO2 tonn	Lítrar pr 100km	Kr.	kr.pr farþ.	kr pr mann pr 100km
1	Einkabíll	15000	30	3,2	8	4434	4434	30
10	Strætó	15000	112	11,9	30	16628	1662,8	11
189	Boeing	15000	2592	277,0	693	383098	2028	14
4	Þota	15000	445	47,4	118,6	65734	15814	105

 
Þarna sést að kolefnisjöfnun einkabíls kostar 30 krónur per farþega meðan kolefnisjöfnun einkaþotu kostar 105 kr per farþega.  Ferð til London og aftur til Reykjavíkur er um 3800km, eða um 1000 km per farþega.  Því þarf um 15 ferðir einkaþotu til að jafnast á við keyrslu einkabíls í 1 ár m.v. fjölda farþega.  Fjöldi einkabíla á íslandi árið 2004 var um 166þúsund. Ég held að einkaþotur á íslandi séu eitthvað vel undir tölunni 100.  Þó það sé ekki alveg eðlilegt þá er hér samanburður á hvað allir bílar á íslandi kosta pr 100km vs hvað allar einkaþotur á landinu kosta pr 100km:
Bílar:       5.000.000 kr.
Einkaþotur:  10.500 kr. Þeir sem vilja setja út á einkaþotur ættu þá a.m.k. að taka strætó :-)

Útblástur á hvern farþega einkaþotu tífaldur á við farþegaflug

 ----------------------------------------------------------------------------------- 

Friðþjófur Þorsteinsson

http://fiffi.blog.is/blog/fiffi/entry/233192

7.6.2007 | 17:37

Kolefnisjöfnun

Jah nú þykir mér týra. Ekki það, þetta segir sig svosem sjálft. Einu sinni heyrði ég þá samlíkingu að væri öllu súrefni í heiminum skipt milli manna þannig að það entist ævina myndi hver sá sem flygi svosum eins og frá Keflavík til Spánar kláraði sinn skammt. Úps. 

En þetta er auðvitað í góðu lagi - menn sem eiga pening eiga auðvitað að njóta þeirra, það myndi ég gera! Hinsvegar er spurning hvort það sé ekki sniðugt að kaupa sér aflátsbréf; gera þessa menn að velgjörðarmönnum skóræktarsamtaka til að bæta fyrir útblásturinn. Eins gætu flugfélög bætt enn einu gjaldinu við flugmiða sína - kolefnisjöfnunargjaldi. Ísland yrði aftur skógi vaxið og myndi gleypa í sig koltvíoxíð. 

Enn held ég áfram - væri ekki hægt að gera bisness úr því? Tappa andrúmslofti stórborga á flöskur og sleppa því í hinu íslenska skógarrjóðri framtíðarinnar! Eins mætti tappa íslensku fjallalofti á brúsa og sleppa í stórborgunum. Það er t.d. nóg af hreinu lofti fyrir vestan - mætti kannski skaffa nokkrum hræðum djobb við að klífa glámu til að sækja þangað íslenskt loft.  

Hey annars - hættum bara við þessa ljósleiðara.. Leggjum bara slöngur og ferjum loftið með beinu sambandi til hæstbjóðanda! 

Útblástur á hvern farþega einkaþotu tífaldur á við farþegaflug

 -------------------------------------------------------------------------------------------------  

 

FUNDARBOÐ

 

  FUNDARBOР 

AÐALFUNDUR

Vífils, félag einstaklinga með kæfisvefnog aðrar svefnháðar öndunartruflanir fyrir starfsárið 2006

 TÍMI:                        Þriðjudaginn 5. Júni kl 20,oo 

Fundarstaður:    Samkomusalur í Múlalundi, Hátúni 10c (aðalinngangur söludeildar). 

Fundarefni:

1.                Ávarp formanns, og skipun fundarstjóra  Frímann Sigurnýasson. 

2.                Venjuleg aðalfundarstörf. 

3.                Fræðsluerindi:  Halla Helgadóttir sálfræðingur   Tilgangur og uppbygging svefns.  Mynni og svefn. 

4.                Kaffiveitingar: verð kr. 500,-    Kaffispjall að venju 

5.                Önnur mál 

Fundarstjóri: Ögmundur H. Stephensen. 

Við hvetjum félagsmenn til að fjölmenna á fundinn og taka með sér gesti til kynningar og eflingar á starfi félagsins. 

Stjórn Vífils.

 

Afdrifaríkur rafmagnsreikningur og lágt metið mannslíf.

  Fengið að láni af mbl.is      F.S. 

 

Afdrifaríkur rafmagnsreikningur

http://www.mbl.is/mm/mogginn/blad_dagsins/bl_grein.html?grein_id=1148109Fimmtudaginn 31. maí, 2007 - Erlendar fréttir

Wellington. AFP. | Kona nokkur á Nýja Sjálandi, sem var í súrefnisvél á heimili sínu, lést skömmu eftir að raforkufyrirtækið lokaði fyrir rafstrauminn vegna ógreidds reiknings. Hefur lögreglan nú hafið rannsókn á málinu.  

Folole Muliaga, 44 ára og fjögurra barna móðir, lést innan tveggja klukkustunda frá því straumurinn var rofinn en Letitaia, sonur hennar, segir, að móðir sín hafi beðið starfsmann fyrirtækisins, sem kom til að rjúfa strauminn, að gera það ekki.  "Hann svaraði því til, að hann væri bara að vinna sína vinnu og hann heyrði þegar súrefnisvélin stöðvaðist," sagði Letitaia en rafmagnsreikningurinn ógreiddi var um 7.000 ísl. kr.  

Efast um frásögnina

Fulltrúi fyrirtækisins segist efast um, að starfsmanni þess hafi verið skýrt réttilega frá aðstæðum konunnar auk þess sem búið hafi verið að vara hana við. Er málið nú komið til kasta lögreglunnar.  Muliaga er kennari en hefur verið frá vinnu síðan í febrúar vegna hjarta- og lungnasjúkdóms.  

Til hamingju með reyklaust vinnuumhverfi.

 

Það er full ástæða til að óska viðskiptavinum og starfsfólki á veitinga- og skemmtistöðum til hamingju með þetta reykingabann.

Nú geta þeir sem eru viðkvæmir fyrir reyk leyft sér að fara á þessa staði, án þess að verða fyrir óþægindum vegna reykinga annarra.                       F.S.

 

 

Engin útköll vegna breytinga á lögum um tóbaksvarnir

Þörf áminning.

 

Stuttu síðar kom þessi viðbót við fréttina:

Erlent | AFP | 30.5.2007 | 07:19

Vart hefur orðið við sjaldgæft afbrigði berkla í Bandaríkjunum

Bandarísk heilbrigðisyfirvöld hafa gefið út skipun um að flugfarþega sem smitaður er af sjaldgæfu afbrigði af berklum í lungum verði haldið í sóttkví. Maðurinn sem ferðaðist með Air France til Parísar og Czech Air frá Prag til Montreal hefur greinst með XDR afbrigði af berklum og hafa heilbrigðisyfirvöld í Bandaríkjunum hvatt farþega og flugliða sem ferðuðust í þessum flugvélum að láta athuga hvort þeir hafi smitast.Maðurinn fór með Air France flugi A385 frá Atlanta til Parísar þann 12. maí og frá Prag til Montreal þann 24. maí og hefur verið settur í sóttkví samkvæmt opinberri skipun en slík skipun hefur ekki verið gefin út í 44 ár.XDR afbrigðið af berklasýklinum er nánast alveg ónæmur fyrir sýklalyfjum.

 Við megum ekki halda að berklar séu sjúkdómur liðins tíma.   Nú er meiri þekking til staðar til að vinna á berklasmiti, heldur en var þegar berklafaraldur gekk hér. 

Fyrir stuttu horfði ég aftur á nokkurra ára Bandarískan þátt um ýmsa sjúkdóma þar.   Þar var fjallað um berkla í stórborgum Bandaríkjanna, og hve erfitt væri að eiga við berklasmitaða heimilislausa einstaklinga.

Aðstæður hópsins voru skelfilegar og oft hefði þurft að brípa til nauðungarvistunar á meðan sýktir einstaklingar færu í lyfjameðferð á sjúkrahúsi.   Oft var um að ræða 6mánaða neiðarvistun. 

Þetta er því ekkert nítt í Bandaríkjunum, og kemur fyrir víða í heiminum.  Einnig á vesturlöndum, þó svo að berklum hafi að mestu verið útrímt þar. 

Við megum ekki sofna á verðinum gagnvart berklum. Mest er hættan þar sem fer saman fátækt, lélegar félagslegar aðstæður og jafnvel aðrir sjúkdómar sem skerða ónæmiskerfi líkams. 

Það er ástæðulaust að fyllast skelfingu yfir þessu tilviki, en við verðum alltaf að halda vöku okkar.   F.S.  

Bandarísk heilbrigðisyfirvöld gefa út viðvörun vegna berkla

Heimildamyndin “Annað líf Ástþórs” eftir Þorstein Jónsson

Hér er efni sem ég "stal af netinu", og varð að kynna ykkur aðeins, þ.e. ef einhver rambar inn á síðuna.         F.S.

23. maí 2007

Heimildamyndin “Annað líf Ástþórs” eftir Þorstein Jónsson    

Heimildamyndin “Annað líf Ástþórs” eftir Þorstein Jónsson verður sýnd í Háskólabíói 29.-31. maí, alla dagana klukkan 18:00.

Aðeins þessar einu sýningar. 

Heimildarmyndin fjallar um Ástþór sem ætlaði sér alltaf að verða bóndi. En hvernig ætlar hann að láta þá drauma rætast eftir að hann er kominn í hjólastól? 

Að vera bóndi í hjólastól virðist ekki ganga upp. Ef hann notaði skynsemina, flyttist hann í blokk og tæki upp líf borgarbúans, starf fyrir framan tölvuskjá eða færiband, frístundir við sjónvarpið og vöruúrval í markaði á horninu. 

En hann ætlar ekki að sleppa tengslunum við dýrin og náttúruna, þó fæturnir þvælist bara fyrir eins og komið er. Hann ætlar að gera það sem nauðsynlegt er til að geta búið á sinni jörð og rækja þau störf sem þar er að sinna. 

Sigursteinn Másson formaður ÖBÍ fór á forsýningu á myndinni og lýsti myndinni þannig: Þorsteinn hefur náð að fanga inntak nútímalegrar hugsunar um fatlaða sem þátttakendur í samfélaginu en ekki stofananamat og sagt okkur hetjusögu sem lætur engan ósnortin. Sértaklega er áhrifamikill kaflinn þar sem Ástþór er með þolinmæði sinni að hlúa að litla kiðlingnum sem skortir jafnvægi. 

Myndin er 66 mínútur og aðgangseyrir er 900. 

ÖBÍ styrkti gerð hennar. 

Nánari upplýsingar á    http://www.kvikmynd.com       

-------------------------------------------------------

 UMSÖGN:

Sigursteinn Másson: 

“Til hamingju með einstaklega áhrifamikla og fallega mynd. Sú saga sem þarna er sögð kemur á besta tíma með tilliti til áherslna okkar á sjálfstætt líf og aukin lífsgæði fatlaðra á þeirra eigin forsendum. Ástþór er fyrirmynd í því að láta drauma sína rætast án þess að fötlunin ráði úrslitum og sé honum óyfirstíganleg hindrun. Sérstaklega er áhrifamikill kaflinn þar sem Ástþór er með þolinmæði sinni að hlúa að litla kiðlingnum sem skortir allt jafnvægi. Þeir kaflar í myndinni eru einstakir og ég mæli með því að þeir verði hugsaðir í kynningarlegu tilliti. 

Þú hefur náð Þorsteinn að fanga inntak nútímalegrar hugsunar um fatlaða sem þátttakendur í samfélaginu en ekki stofananamat og sagt okkur hetjusögu sem lætur engan ósnortin.”   

Öryrkjabandalag Íslands styrkir myndina. 

AI. 

----------------------------------------------

F.S.

 

Merkileg baráttumanneskja hún Aung San Suu Kyi.

Aung San Suu Kyi valdi friðsamar leiðir í baráttu sinni fyrir mannréttindum og bættum lífskjörum í Burma.

Herforingjastjórnin hefur drepið marga af sínum andstæðingum.   Aung San Suu Kyi nýtur mikils stuðnings jafnt erlendið frá og hjá almenningi í Burma (Myanmar) og  hefur herforingjastjórnin valið að halda henni í stofufangelsi til að reyna að gera hana óvirka í mannréttindabaráttu.   Þeir hefðu líklega "látið hana hverfa" ef hún hefði ekki þennan víðtæka stuðning á bak við sig.    Eins er líklegt að friðsöm barátta hennar skapi henni ákveðna sérstöðu hvað þetta varðar.

Alþjóðleg mannréttindasamtök hafa líka reynt að fá herforingjastjórnina til að veita henni frelsi, en hafa litlu áorkað ennþá.

Hún er um margt lík Gandi hvað friðsamar baráttuaðferðir varðar.    Líklega á það stóran þátt í því að hún lifir ennþá og nær að vera sameiningartákn fyrir þjóðina í Burma.          F.S.

 

Stofufangelsi framlengt yfir Aung San Suu Kyi

Íslandspóstur fetar í fótspor Heklu og forsetans.

Enn eru fleyri fyrirtæki að kolefnisjafna sinn bílaflota. 

Þetta er hugmynd sem er virkilega að virka rétt. 

"Markaðurinn" er að leggja sitt af mörkum til að efla skógrækt og binda útblástur.

Þeir ætla að fjölga metangasbílum sem er eldsneyti sem mindast við rotnun á haugunum og fór áður óbeislað út í umhverfið.

Ég sá fyrir stuttu að Landbúnaðarháskólinn á Hvanneyri væri að skoða þessi mál hjá sér.   Þeir hafa möguleika að mynda sitt eldsneyti með niðurbroti á húsdýraskít á staðnum.

Fyrir 20-30 árum voru tilraunir í gangi í Svíþjóð og Danmörk að nýta gasmyndun frá svínaskít til að fá eldsneyti á bíla og landbúnaðartæki.   Það er svo margt hægt að gera ef bestu tækni hvers tíma er nýtt til eldsneytisframleiðslu.   "Vilji er allt sem þarf" var sagt og ég held að það eigi ennþá við í þessu sem og öðru.        F.S. 

 

Íslandspóstur tekur þátt í kolefnisjöfnun