Bætt lífskjör þeirra sem njóta.

Sjúklingafélög hafa oft verið ótrúlega dugleg að safna fyrir og gefa allskonar tæki, til heilbrigðis og endurhæfingar stofnana, til að bæta umönnun og þjálfun síns sjúklingahóps.

Lionsklúbburinn Freyr safnaði peningum og gaf MND félaginu, sem nýttir voru til að kaupa hóstavélina, sem gefin var.

Lionsklúbbar, og mörg önnur félög hafa gert mikið af því að aðstoða sjúklingafélög við að fjármagna svona gjafir.   Oft kemur það ekki fram, að slíkir klúbbar standi á bak við slíkar gjafir.  

Oddfellov-hreyfingin hefur verið stórtæk í þessu, oft án þess að þeirra nafn komi fram.  

Hjartaheill, landssamtök hjartasjúklinga, hefur svo verið mjög virkt í að gefa tæki og styðja við þjónustu fyrir þeirra sjúklingahóp.

Allt þetta hefur bætt lífskjör og þjónustu við sjúklinga, og veitir ekki af því.     F.S.

 

MND félagið gefur hóstavél

Hennar tími er kominn, og vonandi okkar líka.

Í útvarpinu í dag var verið að spyrja fólk um hvernig þeim litist á nýju stjórnina.

Jóhanna virtist njóta sérstaks velvilja og trausts hjá vegfarendum.  

Hennar bíða mikil verkefni í þessu "velferðarráðuneyti".   Rétta þarf af velferðarslagsíðu undanfarinna ára.

Við skulum vona að húsnæðisstofnun verði áfram í félagsmálaráðuneytinu, og verði ekki "seld" bönkunum.

Jóhanna hefur ríka réttlætiskennd, held ég, og það er gott veganesti í lífinu.   F.S.

Magnús afhenti Jóhönnu lykil að velferð skjólstæðinga félagsmálaráðuneytis

Rauði Kross Íslands kemur víða við.

Það er gott að framhald verði á þessum rekstri.  

Velferðarsvið borgarinnar greiðir Reykjavíkurdeild Rauða Kross Íslands fyrir að reka Konukot.

Það er aðdáunarvert hvað RRKÍ kemur að mörgum "velferðarrekstri".  

Konukot er ekki stór staður, en konunum sem þar koma virðist líka vel viðveran þar.   Það hefur víða komið fram.

Það þyrfti að vinna meira í því að finna þessum konum meðferðar og búsetuúrræði til frambúðar.

F.S.

 

Samningur um rekstur Konukots endurnýjaður

Hænufet fram á við.....

Það er alltaf ánægjulegt að sjá að rannsóknir eru að vísa okkur fram á veg, með meðhöndlun sjúkdóma.   Einnig hvað ber aðvarast.

Það er enn meira gaman að sjá að Íslendingur skuli vera að fá viðurkenningu fyrir sínar rannsóknir á hjartasjúkdómum.                               F.S.

Íslenskur læknir heiðraður af Bandarísku hjartasamtökunum

Forseti Íslands kolefnisjafnar fyrstu einkabifreiðina á Íslandi

 

Forseti Íslands kolefnisjafnar fyrstu einkabifreiðina á Íslandi

Frétt af  http://www.skog.is/Frettir/Includes/ShowArticle.asp?ID=1522

 

Þriðjudaginn 15. maí var opnuð formlega vefsíða Kolviðar – www.kolvidur.is  – við hátíðlega athöfn í Café Flóru í Grasagarði Reykjavíkur í Laugardal.

Soffía Waag Árnadóttir, framkvæmdastjóri Kolviðar og Guðfinna Bjarnadóttir, formaður Kolviðar fluttu stutt ávörp og kynntu sjóðinn og hlutverk hans.

Vefsíða Kolviðar var formlega opnuð með því að herra Ólafur Ragnar Grímsson, forseti Íslands, kolefnisjafnaði fyrstu bifreiðina á Íslandi, þegar hann kolefnisjafnaði einkabifreið sína.

Einnig voru bakhjörlum sjóðsins – Kaupþingi, Orkuveitu Reykjavíkur og ríkisstjórn Íslands – færðar fyrstu kolefniskvittanir sjóðsins, en Kaupþing mun kolefnisjafna allar bifreiðar og flugferðir starfsmanna fyrirtækisins, bæði innan lands og utan, Orkuveita Reykjavíkur mun kolefnisjafna allan bifreiðaflota sinn og ríkisstjórn Íslands mun kolefnisjafna bifreiðar forsætisráðuneytisins (Stjórnarráðs Íslands).

Við þetta tækifæri undirrituðu Guðfinna Bjarnadóttir og Sveinn Runólfsson landgræðslustjóri samning um fyrsta landið sem verður uppgræðslusvæði Kolviðar, en það er Geitasandur á Suðurlandi.

Kolviður er sjóður sem miðar að því að binda kolefni í gróðri og jarðvegi í þeim tilgangi að draga úr styrk koldíoxiðs (CO2) í andrúmslofti. Hlutverk sjóðsins er að gera landsmönnum kleift að jafna kolefnislosun sína vegna samgangna með skógrækt.

Forseti Íslands, Ólafur Ragnar Grímsson,

kolefnisjafnar fyrstu einkabifreiðina (Mynd: RF).

Jafnaðu þig í einum grænum – www.kolvidur.is

 

Gott frumkvæði hjá Heklu.

 

Það er hægt að höfða til markaðarins til að minnka og bæta fyrir mengun tengda starfsemi fyrirtækjanna. 

Hér sýnir Hekla gott frumkvæði, með því að kolefnisjafna í 1ár fyrir alla bíla sem fyrirtækið selur.

Bíll sem Hekla er umboðsaðili fyrir, Skoda Oktavia, var með 3,5 lítra á hundraðið í sparaksturskeppni FÍB og Atlantsolíu, sem fór fram í gær. 

Það er gaman að sjá hvað nýir og velhannaðir bílar minnka útblástursmengun og magn svifriks ímandrúmsloftinu.

Aksturslag skiptir líka miklu máli, eins og kom fram í þessari kepni.

Sjá nánar um keppnina á  http://www.mbl.is/mm/frettir/innlent/frett.html?nid=1269808

Kolefnisjöfnun og vottun fyrirtæki sem gera slíkt, eru nýar keiðir til að bæta andrúmsloftið.

Þetta er jákvæð leið og æskilegt að nota slíkar aðferðir sé þess nokkur kostur.

Svo er kominn tími á rafmagnsbíla og tvin-bíla sem nota rafmagn og aðra orkugjafa.

                            F.S.

Starfsemi Heklu kolefnisjöfnuð

Verða veiðar með botnvörpu bannaðar á næstu árum ?

Ég rakst á athyglisverða frétt á Mbl í dag.   Ég kem með þetta hér því að þetta snertir mjög afkomu okkar Íslendinga.

 Þar segir:

Mánudaginn 7 maí   2007     Erlendar fréttir

Úthýsa botnvörpu 

FULLTRÚAR ríkja við sunnanvert Kyrrahaf náðu að sögn fréttavefjar breska ríkisútvarpsins BBC, í liðinni viku samkomulagi um að takmarka mjög notkun á þungum togaravörpum sem vitað er að geta valdið miklu tjóni á hafsbotninum, einkum kóralrifum. Verður nú bannað að nota slíkar vörpur á um fjórðungi allra úthafa jarðar.  

Samkomulagið náðist á fundi í Renaca í Chile og mun taka gildi 30. september. Bannað verður algerlega að nota botnvörpur þar sem vitað er um viðkvæm lífkerfi á hafsbotninum eða talið líklegt að þau séu til staðar    nema búið sé að gera þar rannsóknir og setja strangar vinnureglur.  

Sendimenn Nýja Sjálands, sem ber ábyrgð á um 90% af öllum botnvörpuveiðum á umræddum úthöfum, sögðu að samkomulagið myndi skerða veiðarnar mjög, meðal annars vegna kostnaðar við rannsóknir, að þeim yrði hugsanlega hætt.

 Það fer að þrengja að þeim ríkjum sem leyfa togveiðar með botnvörpu.Þetta bann nær til 25% úthafa jarðar. 

Stutt er síðan Bandaríkjaþing ræddi sambærilega tillögu, og þá átti að banna innflutning frá ríkjum sem leyfðu slíkar veiðar.   

Þessi tillaga fékk ekki samþikkt á Bandaríkjaþingi, en vaxandi stuðningur er við slíkt bann þar. Vegna náttúruverndarsjónarmiða er mikið verið að hvetja til umhverfisvænni veiðiaðferða, eins og krókaveiða. 

Ég held að betra sé fyrir okkur Íslendinga að skoða hvernig er hægt að bregðast við þessari þróun í stað þess að gera ekkert annað en að blóta "áróðri umhverfisverndarsinna". 

Þetta gæti haft í för með sér skert lífskjör hér álandi, ef ekkert er að gert. 

Útgerðarmunstrið mun líklega breytast og veiðar á smærri bátum aukast, og réttur "strandveiðimanna" verða aukinn. 

Verður kvótakerfið, í núverandi mind, þá ekki loksins aflagt ?           F.S.

 

Þarf að kjósa á hverju ári ?........

Nú rétt fyrir kosningar er verið að kynna allskonar plástra á velferðarkerfið.

Börn og unglingar eru að verða "tannlaus" ,samkvæmt rannsóknum.  

Ég hefði viljað sjá samning um að tannlækningar barna (0-18 ára) væru greiddar að fullu, og tannlækningar almennt greiddar í samræmi við aðra heilbrigðisþjónustu.

Þetta er samkomulag um forvarnarskoðanir.    Þetta er ekki samkomulag um tannviðgerðir.   Með góðum reglulegum forvarnarskoðunum er virkilega hægt að gera góðar og nákvæmar skírslur um tannheilsu ungmenna 3ára og svo aftur 12ára.

Er þetta ekki bara samkomulag um upplýsingaöflun til að fylgjast með hnignandi tannheilsu ungmenna ?   

Það sýnist mér.                         F.S.

 

Samið um tannlæknaþjónustu og forvarnarskoðanir 3 og 12 ára barna

Vilt þú styðja öfluga almannaþjónustu fyrir alla ?

Þú getur tekið þátt í undirskriftaherferð evrópskrar verkalýðshreyfingar til eflingar almannaþjónustunni!

 

 

Markmiðið er að safna milljón undirskriftum og á söfnuninni að vera lokið um 20. maí!

 

 

Ef þú hefur áhuga á að taka þátt í þessu þá geturðu skruifað undir á síðunni http://www.petitionpublicservice.eu/is

 

  Leiðbeiningar. Þú smellir á http://www.petitionpublicservice.eu/is   og þá blasa við þrír gluggar: •          

• Í þann fyrsta skrifar þú nafn þitt •          
• Í þann næsta tölvupóstfangið þitt •          
• Fyrir land velur þú “Iceland”

Þú færð síðan sendan tölvupóst til staðfestingar undirskriftinni, opnar hann og smellir á viðeigandi línu.

   

Hér fylgir þýðing á enskum texta á síðu ETUC sem opnast þegar þú skrifar undir:

 

 

 

ÖFLUG ALMANNAÞJÓNUSTA ÖLLUM TIL HANDA!

 

SAMAN KREFJUMST VIÐ ALMANNAÞJÓNUSTU SEM RAUNVERULEGA SINNIR ÞÖRFUM ALMENNINGS OG VIÐ SKORUM Á FRAMKVÆMDANEFND EVRÓPUSAMBANDSINS AÐ HÚN LEGGI FRAM DRÖG AÐ EVRÓPSKRI LÖGGJÖF [1] UM ALMANNAÞJÓNUSTU. 

ÉG VIL SKRIFA UNDIR ÁSKORUNINA! 

Almannaþjónusta [2] er nauðsynleg fyrir félagslega og efnahagslega samþættingu Evrópu. Sú þjónusta verður að vera öflug og öllum aðgengileg. Fram að þessu hafa einu valkostirnir sem boðið hefur verið upp á til að þróa almannaþjónustu verið einkavæðing eða markaðsvæðing (t.d. í orkumálum og póst- og fjarskiptamálum). Það er kominn tími til að finna aðrar lausnir! 

Þess vegna skorum við á framkvæmdanefnd Evrópusambandsins að leggja fram drög evrópskri löggjöf um almannaþjónustu sem miðar að eftirfarandi:

  

 Að veita forgang þeim almannahagsmunum sem felast í almannaþjónustu
 að tryggja að allir hafi aðgang að almannaþjónustu
 að styrkja almannaþjónustu til að tryggja grundvallaréttindi borgaranna
 að tryggja meira lagalegt öryggi þannig að þróa megi almannaþjónustu sem byggð er á varanlegum grunni
 að skjóta traustum lagalegum stoðum undir almannaþjónustuna og tryggja hana þannig fyrir ágangi sem byggist á hugmyndafræði hins frjálsa markaðar

  

  

 

Þetta verður hver og einn aðgera upp við sig.          F.S.

  

Hér svarar ráðuneytið ekki nema hluta af gagnrýni Kristófers.

Upphaflega fréttin á RUV var svohljóðandi:

.ruv.is         Fréttir                      Frétt  

 Fyrst birt: 30.04.2007 18:25Síðast uppfært: 30.04.2007 19:36

1,5 ma.kr ætlaður geðsjúkum gufaður upp

Hálfur annar milljarður sem stjórnvöld ætluðu í búsetuúrræði fyrir geðsjúka er að mestu uppurinn segir Kristófer Þorleifsson, formaður Geðlæknafélags Íslands. Peningarnir sem lofað var fyrir þremur árum hafi brunnið upp í verðbólgu og farið í skýrslugerð. Engin ný heimili hafa verið opnuð á tímabilinu.

 

100 færri pláss eru á sjúkrahúsum fyrir geðsjúka, bæði á bráðadeild og í endurhæfingu en fyrir tíu árum, segir Kristófer. Hann segir mjög slæmt að ekki hafi verið útveguð úrræði áður en til lokana kom í Arnarholti, Gunnarsholti og geðdeildar í Fossvogi.  Þá sé mjög bagalegt að loka þurfi iðjuþjálfunardeild geðsviðs Landspítala við Hringbraut en ekki fást þangað iðjuþjálfar vegna lágra launa. Kristófer segir að stjórnvöld verði að endurskoða aðgerðir sínar til hjálpar geðsjúkum.  

 Í svari Félagsmálaráðuneytisins er ekki reynt að svara gagnrýni Kristófers á að ekki hafi verið tiltæk úrræði fyrir þá einstaklinga sem bjuggu á Gunnarsholti og Arnarholtui. 

Talsverð blaðaskrif urðu þegar Gunnarsholti var lokað.  Þaðan voru m.a. fluttir einstaklingar að Arnarholti, og tekið fram að þeir hefðu fengið framtíðarúrræði þar.

Fljótlega var svo Arnarholti líka lokað.   Lítið var fjallað um það í f´ölmiðlum.  Einhverjir sem bjuggu á Arnarholti Kjalarnesi voru vistaðir á Kleppspítalanum, af því að önnur búsetuúrræði voru ekki tiltæk og hafa ekki boðist ennþá.

Það er mörgum erfitt að fara aftur til langdvalar á Kleppi, eftir að hafa áður fluttst þaðan í heimilislegri búsetuúrræði. 

Það er mjög alvarlegt að bjóða þetta veiku fólki ekki upp á betri búsetuúrræði og ég tel að það sé ekki í samræmi við lög um málefni fatlaðra. 

Í svari ráðuneytisins segir:

Ríkisstjórnin ákvað að leggja átakinu til 1 milljarð króna af söluandvirði Símans og 500 milljónir króna úr Framkvæmdasjóði fatlaðra. Þessi framlög renna óskert til stofnkostnaðar og uppbyggingar á þjónustuúrræðum.  

Það er svo sér mál, að Framkvæmdasjóður fatlaðra hefur ekki bolmagn til að sinna eðlilegri uppbyggingu á öðrum sviðum í málafloki fatlaðra.    Þetta er stór og fjárfrekur málaflokkur, sem má illa við kyrrstöðu í 5ár. 

Þessi "1 milljarð króna af söluandvirði Símans og 500 milljónir króna úr Framkvæmdasjóði fatlaðra"  dreifast á fimm ár, en það kemur ekki fram í fréttinni. Kristófer segir:

Þá sé mjög bagalegt að loka þurfi iðjuþjálfunardeild geðsviðs Landspítala við Hringbraut en ekki fást þangað iðjuþjálfar vegna lágra launa.

Það er mikill ábyrgðarhlutur að LHS hafi ekki náð að leysa þetta mál.   Lág laun í heilbrigðis og meðferðargeirunum eru skammarleg.   Starfsmenn þar þurfa að hafa sambærileg laun og annað fólk, miðað við ábyrgð og þess sem er krafist af starfsmönnunum.    Það er ekki í dag.    

Þetta er angi af kynbundnum launamun, af því að þetta eru almennt talin kvennastörf, og konur ennþá meirihluti starfsmanna. 

Kristófer endar á að segja að stjórnvöld verði að endurskoða aðgerðir sínar til hjálpar geðsjúkum.  Ég lít svo á að hann þekki þennan starfsvettvang vel, og viti hvað hann er að segja hér.    Þessvegna er erfitt fyrir stjórnvöld að hunsa gagnrýni hans.  

Hann er ekki einn um þessa gagnrýni.  Það er alveg ljóst.                F.S.  

Fjarri lagi að skýrslugerð hafi kostað tugi eða hundruð milljóna króna