Til hamingju með daginn....

 1. Mai er baráttudagur launafólks.  

Barátta launþegasamtaka hefur fært okkur mikið af þeim réttindum sem okkur finnst sjálfsögð í dag.  Við megum aldrey fara að telja að velferðarkerfið hér og margskonar félagsleg réttindi, séu eitthvað sem hafi komið af sjálfusér.   Allt þetta er árangur af baráttu okkar forvera og okkar sjálfra í dag.   Þetta mun ekki verða til áfram nema að við fylgjum því eftir sjálf, og stöndum vörð um áunnin réttindi.

Launþegasamtökin eru líka hluti af okkar líðræðishefð. 

Sterk verkalíðshreyfing er m.a. trygging fyrir manneskjulegu samfélagi.

Við megum aldrey gleyma því hvað verkalíðsfélögin hafa lagt af mörkum til þróunar nútímasamfélags.                                       F.S.

„Velferð fyrir alla“

Nokkur orð um slitlag....

Miðvikudaginn 11. apríl 2007 var umræða hér í tengslum við fréttina

Ókeypis í bílastæði fyrir vistvæna bíla

 

Þá nefndi ég að það hefði verið gerð tilraun með að flytja harðara efni inn í malbikið.

 

Malbik á Íslandfi er m.a. úr mýkra bergi en víða erlendis.  Því slitnar það meira.  Mölin í því molnar hraðar niður.   Fyrir einhverjum árum var flutt inn harðara berg í malbik í tilraunaskini.  Til að reyna að bæta úr þessu.  Það kostaði meyra en innlent berg og því varð ekki framhald á þeim innflutningi.

Steiptar götur eru mun æskilegri því þær endast mikið lengur og svifrikið er minna frá steipunni en malbikinu.Þungir flutningabílar slíta vegunum 30sinnum meira en meðal fólksbíll.   Væri til bóta að taka upp strandsiglingar aftur ?

Söltun mýkir malbikið og eykur efnalosun úr því.

Nú sjáum við að aftur á að gera þessa tilraun.     ° 

Steypa hefur verið notuð í götur hér og endist mun lengur en malbik.Einhverjir vegarkaflar, sem upphaflega voru steyptir, hafa líka verið malbikaðir ofan á steypuna.   Mér skilst að malbikið endist þá betur, vegna minni hreyfingar á undirlaginu. 

Mér finnst líka að steypa sem aksturslag, sé vænni kostur umhverfislega, af því að ekki er notuð olía við niðurlagningu steypunnar eins og gert er við niðurlagningu malbiks og klæðningar. 

Sú olía fer svo út í andrúmsloftið og út í jarðveginn, sem mengun.     

Það þarf að skoða alla mögulegar slitlagsgerðir, m.a. til að minnka svifrikið.      F.S.

 

„Hljóðdeyfandi“ malbik

Er þá hesturinn orðinn "aðstoðarmaður sjúkraþjálfa" ??

Þetta er mikið framfaraspor.   Fjölfötluð börn hafa sýnt mikla framför eftir sjúkraþjálfun á hestbaki.

Ég held að Bjarni Sigurðsson hjá reiðskólanum Þyrli hafi verið brautriðjandi í þessu.    Ég sá hanns fólk með fötluð börn, í æfingum á hesti,og nýttu þau þá inniaðstöðuna í reiðskemmunni hjá Didda Bárðar til kennslunnar.  Það voru ánægð börn sem nutu þessarar þjálfunar. 

Það er gott þegar leitað er nýrra leiða til að þjálfa fólk, og þetta hefur gefið góða raun. 

Oft er erfitt að afla nýjum aðferðum viðurkenningar og því er það enn ánægjulegra að sjá að þessi þjálfunaraðferð er komin með viðurkenningu heilbrigðisyfirvalda.                                     F.S.

 

Sjúkraþjálfun á hestbaki viðurkennd

Fá sjúklingar enga iðjuþjálfun á geðdeild LSH við Hringbraut ?

  

Af:   http://www.mbl.is/mm/mogginn/blad_dagsins/bl_grein.html?grein_id=1141872  

Fimmtudaginn 26apríl 2007  Mbl  Innlendar fréttir

 

IÐJUÞJÁLFUN á geðdeild LSH við Hringbraut mun 1. maí 2007 leggja niður alla þjónustu við nýinnritaða sjúklinga móttökudeilda og göngudeildar. Þjónusta iðjuþjálfa skerðist því verulega frá og með þeim degi. Á vef Landspítalans segir að því miður hafi ekki tekist að ráða nýja iðjuþjálfa til starfa fyrir þá sem hafa hætt undanfarið. Fyrir vikið hafa ekki verið skrifaðir inn nýir einstaklingar í iðjuþjálfun frá því um áramót. Í sumar munu þeir starfsmenn sem eftir eru sinna þeim skjólstæðingum sem ekki hefur tekist að útskrifa eða finna önnur úrræði fyrir.                                                   Iðjuþjálfanemar verða ráðnir í sumarafleysingastöður.

 

Hvað er í gangi ? 

Nú eru frambjóðendur til Alþyngis að kynna hvað eigi að gera til að bæta aðstæður t.d. aldraðra, fatlaðra og sjúklinga. 

 

Á sama tíma er sagt frá því að nánast verði að loka iðjuþjálfun á LSH við hringbraut.   Hvernig er þetta hægt.   Ef launin eru svo lág að ekki fáist folk til starfa, þá þarf að bæta úr því til að tryggja þessa þjónustu áfram.

 

Iðjuþjálfun er mjög mikilvæg til að endurhæfa þessa veiku einstaklinga.

 

Nú er verið að kynna áform um að breyta örorkumatinu og jafnframt að stórauka endurhæfingu.  

Hvernig fer það saman við þessa lokun.   Hér er um niðurskurð á endurhæfingu að ræða.

 

Það er ekki hægt að stórauka endurhæfingu á meðan ekki er viljitil að greiða iðjuþjálfum og þeirra aðstoðarfólki viðunandi laun.

 

Á meðan það er ekki hægt, þá er boðun stóraukinnar endurhæfingar bara orðagjálfur eða hrein blekking.

 

Rekstur geðdeilda er viðkvæmur rekstur og þolir illa svona óvissuástand.  Það verður að koma í veg fyrir þessa lokun og tryggja áframhaldandi iðjuþjálfun á geðgeild LSH.

 

Við kjósum þingmenn til að leysa þennan vandal. 

Þeir verða að sýna að þeir séu traustsins verðir.  

 Áfram nú………F.S. 

 

Kosningavíxill, en til bóta fyrir þá sem þess njóta.....

Senn líður að kosningum.  Nú er verið að drita út kosningaloforðum og einnig verið að lagfæra ásýnd frambjóðendanna.

Svona frétt kemur viðkomandi ráðherra í fréttirnar með jákvæðri umfjöllun.  Svo er alltaf spurningin af hverju var þetta ekki gert fyrr.....Það er t.d. mjög kostnaðarsamt að vera foreldri langveikra barna og væri eðlilegt að ríkið (við öll sameiginlega) greiddi svona kostnaðarliði að fullu.     Umönnunarbætur ná ekki að bæta tekjuskerðingu foreldarnna, þegar þeir þurfa að vera frá vinnu í langan tíma.

Er ekki rétt að segja að þetta sé bót á elleftu stundu. 

Þetta kemur sér vel fyrir þá sem þess njóta.

Af hverju er tannlæknakostnaður ekki borgaður, eins og önnur heilbrigðisþjónusta á Íslandi ?

F.S.

Reglugerð undirrituð um aukinn þátt í tannlæknakostnaði fatlaðra og langveikra barna

Ályktun stjórnar SÍBS:

Tekjutenging bóta verði afnumin 

Stjórn SÍBS samþykkti samhljóða á fundi sínum 24. apríl sl. eftirfarandi ályktun:  

 Stjórn SÍBS hvetur stjórnvöld til að afnema tekjutengingu bóta vegna launatekna eldri borgara og öryrkja. 

Með tillögunni fylgdi svohljóðandi greinargerð

 Svo virðist samkvæmt rannsókn Rannsóknarseturs verslunar við Háskólann á Bifröst að afnám tekjutengingarinnarinnar valdi ríkissjóði óverulegum kostnaði og gæti, ef vel tekst til stuðlað að því að 1-2 þúsund manns fari út á vinnumarkaðinn sem ekki eru þar núna.

Með þessu gæti skapast leið til að auka bæði tekjur og lífshamingju þess fólks sem gæti nýtt sér þetta. 

 STJÓRN SÍBS 

Gæti ríkissjóður hagnast á afnámi tekjutengingu bóta lífeyrisþega.?...........

Athyglisverð frétt er á mbl.í dag 24. apríl, um mögulegan hagnað ríkissjóðs af því að afnema tekjutengingu bóta.

 

Sé eitthvað að marka skírslu þá sem fréttin byggist á, þá er nú ekkert sem réttlætir það að ríkissjóður viðhaldi þessum skerðingarreglum vegan tekna lífeyrisþega.

 

Nú er lag að þrísta á að þessar skerðingar verði afnumdar strax..

 

Eins og fyrr, þá er þessi rannsókn gerð vegan þess “að skortur er á starfsfólki í verslun og fleiri atvinnugreinum á Íslandi vegna þensluástands”.

 

Ekki var sérstaklega verið að leita leiða til að bæta kjör lífeyrisþega. 

 

Ekki er heldur skoðað hvað kosti að breyta eða afnema skerðingu vegan lífeyrisgreiðslna lífeyrissjóðanna.   Núverandi skerðingarreglur þar valda því að lífeyrisþegi heldur aðeins litlum hluta af greiðslum frá sínum lífeyrissjóði, af því að þær skerða greiðslur tr-bóta og fl.

 

 

Ragnar Gunnar Þórhallsson, fulltrúi ÖBÍ í nefndinni um endurskoðun örorkumats og eflingu starfsendurhæfingar 2007, kom með sérstaka bókun við undirritun skírslu nefndarinnar.  Þar segir hann meðal annars: "Ein besta hvatningin til aukinnar atvinnuþátttöku er að draga verulega úr tekjutengingum lífeyris og atvinnutekna"

 Þessi skírsla staðfestir að þetta er það sem þarf til að auka atvinnuþáttöku lífeyrisþega. 

Hér fyrir neðan eru nokkur atriði úr þessari grein.  

Greinina má finna á vef Mbl.is og í Mbls 24 apríl 2007.                            F.S.

 

Ríkissjóður hagnast á afnámi tekjutengingar bóta

Þriðjudaginn 24  apríl, 2007  Mbl  Innlendar fréttir

Rannsókn á ávinningi af aukinni atvinnuþátttöku eldri borgara og öryrkja

Eftir Sunnu Ósk Logadóttur      [e-mail] 

http://www.mbl.is/mm/mogginn/blad_dagsins/bl_grein.html?grein_id=1141427

  

“Þetta er niðurstaða viðamikillar rannsóknar Rannsóknaseturs verslunarinnar við Háskólann á Bifröst sem kynnt var í gær.   

Rannsóknin var unnin í samstarfi við Hagfræðistofnun Háskóla Íslands og styrkt af félagsmálaráðuneyti,   heilbrigðisráðuneyti,   Samtökum atvinnulífsins,   Samtökum verslunar og þjónustu,   VR og   Verkefnastjórn 50+.”

  

“Höfundar skýrslunnar eru hagfræðingarnir Sveinn Agnarsson og Sigurður Jóhannesson sem báðir starfa hjá Hagfræðistofnun”

  

“Að sögn Emils B. Karlssonar, verkefnastjóra rannsóknarinnar, er ástæðan fyrir rannsókninni sú að skortur er á starfsfólki í verslun og fleiri atvinnugreinum á Íslandi vegna þensluástands. ´"Allt bendir til þess að tekjutenging dragi úr vilja til atvinnuþátttöku aldraðra og öryrkja," segir Emil. "Stjórnendur í verslunum og í fleiri atvinnugreinum hafa kallað eftir þessu fólki í vinnu. Þannig að það er bæði fyrir hendi vilji eldri borgara, öryrkja og atvinnuveitenda til að rýmka og afnema tekjutenginguna og þar með hvetja fleiri til að taka þátt í atvinnulífinu." “

  

Sigurður ítrekar að óvíst sé hversu margir færu út á vinnumarkaðinn yrði tekjutenging afnumin, þótt um 30% ellilífeyrisþega á aldrinum 65–71 árs gætu hugsað sér það. Eina leiðin til að komast að því væri hreinlega að prófa það.  "Niðurstaðan er sú að samkvæmt þessum tölum virðist vera mjög ódýrt, þótt við höfum ekki nákvæmar tölur um það, að hætta að tengja lífeyrisbætur við atvinnutekjur," segir Sigurður. "Það virðist mjög ódýrt, gæti kostað ríkið líklega um nokkur hundruð milljónir á ári að hætta þessum tekjutengingum en á móti kæmi að það gæti, ef vel tekst til, flutt 1–2 þúsund manns út á vinnumarkaðinn sem ekki eru þar núna. Í öðru lagi, sem skiptir ekki síður máli, að með þessu myndi skapast leið til að auka bæði tekjur og lífshamingju fólks sem er á þessum bótum."  

   

Enn um endurskoðun á örorkumatinu.

Árið 1999 var sigurhátíð hjá öryrkjum.  Þá voru samþykkt lög um örorkumat, sem átti alfarið að byggjast á læknisfræðilegu mati.   Þetta hafði verið baráttumat öryrkja, og talið mikil réttindabót, á þeim tíma. 

Ég leyfi mér að benda á þrjár tilvitnanir frá þeim tíma:

Helgi Seljan, framkvæmdastjóri Öryrkjabandalags Íslands, telur að þessar breytingar á örorkumati séu spor í rétta átt og geti leitt til góðs. Hann bendir á að Öryrkjabandalagið hafi fylgst með umræddri lagasetningu og mælt með samþykki hennar.

 

Haraldur Jóhannsson, tryggingalæknir hjá TR, segir að nýja örorkumatið sé sanngjarnara en hið fyrra, til að mynda vegna þess að með því verði örorka metin án þess að miða við tekjur.

 

Örorkumat       Með breyttu fyrirkomulagi örorkumats, segja Sigurður Thorlacius , Halldór Baldursson og Haraldur Jóhannsson , er stefnt að því að það verði samræmdara og betur skiljanlegt en áður.

 Í greinargerð með frumvarpinu 1999 var meðal annars sagt um nauðsin endurhæfingar:

"Með þessari breytingu er skapaður grundvöllur fyrir því að Tryggingastofnun ríkisins komi á fót matsteymi sem hægt sé að vísa þeim til sem verið hefur óvinnufær í tvo til þrjá mánuði, þannig að unnt verði að meta möguleika á endurhæfingu.      Til þess að ákvæðið nái tilgangi sínum verður jafnframt að tryggja framboð á endurhæfingu, t.d. þannig að Tryggingastofnun geri þjónustusamninga við endurhæfingarstofnanir um endurhæfingu á forsendum sérfræðinga stofnunarinnar.    Tryggingastofnun semur um kostnað sjúkratrygginga sem af þessu hlýst." 

Endurhæfingin hefur verið vanrækt þessi 8ár frá því að þessi lög voru samþykkt. 

Í greinargerðinni 1999segir um tilgang breytinganna þá á grundvelli örorkumatsins:  

"   Tilgangur breytinga á grundvelli örorkumats er að falla frá beinni tekjuviðmiðun þannig að örorkumatið byggist alfarið á læknisfræðilegum forsendum.    Með því munu þeir sem læknisfræðilega eru öryrkjar á háu stigi fá örorkuskírteini og þau réttindi sem því fylgja, óháð því hvort þeir eru svo heppnir að geta unnið fyrir sér að hluta eða ekki.    Lífeyristryggingadeild Tryggingastofnunar mun hins vegar fylgjast með tekjum þeirra og greiða örorkubætur í samræmi við þær.
    Örorkulífeyrir á að vera trygging fyrir framfærslu ef heilsan brestur en ekki almennur framfærslulífeyrir. Örorkumatið á að vera læknisfræðilegt.    Ekki á að meta örorku vegna félagslegra aðstæðna sem slíkra, aðeins ef þær hafa sjúkdóm í för með sér, t.d. þunglyndi.    Almannatryggingalögunum hefur nýlega verið breytt í þessa veru í Svíþjóð og Noregi. " 

Af hverju á að breyta þessu nú ? 

Í skýrslu nefndar um endurskoðun örorkumats og eflingu starfsendurhæfingar

frá 5. mars 2007 segir: 

"Í yfirlýsingu ríkisstjórnarinnar frá 15. nóvember 2005, til að greiða fyrir samkomulagi Alþýðusambands Íslands og Samtaka atvinnulífsins um áframhaldandi gildi kjarasamninga, lýsir ríkisstjórnin sig meðal annars reiðubúna til samstarfs um leiðir til að draga úr vaxandi örorkubyrði lífeyrissjóða og jafna stöðuna á milli einstakra sjóða."

 Þar segir einnig:

 

"Verkefni nefndarinnar

Samkvæmt erindisbréfi nefndarinnar var henni falið að gera tillögur um eftirfarandi atriði:

a.            Samræmingu á viðmiðunum til örorkumats í almannatryggingakerfinu annars vegar og lífeyrissjóðakerfinu hins vegar þar sem fyrst og fremst verði horft til getu einstaklinga til að afla sér tekna.

b.            Leiðir til að efla starfsendurhæfingu í því skyni að hjálpa einstaklingum sem af einhverjum ástæðum hafa ekki fest rætur á vinnumarkaði vegna örorku.

Tillögunum er ætlað að leggja áherslu á einstaklingsmiðaða þjónustu þar sem litið verði til starfshæfni einstaklinganna en einnig skulu þær miða að því að einfalda og auka skilvirkni þjónustunnar og tryggja betri yfirsýn yfir þau úrræði sem eru í boði hverju sinni."

 

Ég held að það sé bráðnauðsinlegt að muna að þetta ferli fer af stað til að bæta hag lífeyrissjóðanna með því að minnka örorkubótaþáttinn í lífeyrisgreiðslum lífeyrissjóðanna.   

 

Talað er um að stórauka þurfi endurhæfingu.  Það er alveg rétt, en það eru ekki ní tíðindi. 

Það var ein af forsendum frumvarpsins 1999 að endurhæfingin yrði stóraukin.  Það dugði ekki til að Alþyngi legði peninga í endurhæfinguna.

 

 

Ragnar Gunnar Þórhallsson, fulltrúi ÖBÍ í nefndinni um endurskoðun örorkumats og eflingu starfsendurhæfingar 2007, kom með sérstaka bókun við undirritun skírslu nefndarinnar.  Þar segir hann meðal annars:

"Ein besta hvatningin til aukinnar atvinnuþátttöku er að draga verulega úr tekjutengingum lífeyris og atvinnutekna"

 

 

Ég held að þetta sé lykilatriðið í þessu máli.  

 

Það verður að fylgjast vel með þessari vinnu allri, til þess að réttindi og kjör skerðist ekki frá því sem nú er.          Ekki er á það bætandi.                     F.S.

  

Framkvæmdanefnd skipuð vegna endurskoðunar örorkumats

Gleðilegt sumar félagar.....

   Þá er sumarið "komið".  Nú frusu saman vetur og sumar, og það á að boða gott sumar.  Í stjörnuspeki þá er Hrútsmerkið upphaf stjörnuhringsins og það byrjar ca.20 Mars- og er til 20.apríl.     Fögnum sumri og brosum hringinn.  F.S.

 

Enn meiri kolefnisjöfnun....

 

Þetta byrjar vel.  

Gaman hefði verið að tengja þessa "kolefnisjöfnun" við t.d. ræktun Hekluskóga.    Það hefur verið skortur á fjármagni til að koma Hekluskógaverkefninu vel af stað.   Þetta er stórhuga verkefni, Hekluskógar. 

Ég auglýsi eftir stórhuga aðila til að taka þátt í kolefnisjöfnun og eyrnarmerkja þátttökuna því að peningurinn fari í Hekluskóga verkefnið.

Hekluskógar binda ekki BARA útblástur í andrúmsloftinu heldur binda Hekluskógar einnig vikur / ösku og önnur jarðefni og koma í veg fyrir uppblástur þar og rykstróka niður í nærliggjandi byggðir.

 Með Hekluskógum er því verið að slá tvær flugur í einu höggi ( einu landgræðsluátaki...).

Allt fyrir umhverfið og heilnæmt andrúmsloft.....                               F.S.

Allir bílar stjórnarráðsins verða kolefnisjafnaðir