Innheimta gjalds vegan notkunar á CPAPöndunarvélum

 

 

Frá 2004 hefur verið innheimt gjald fyrir notkun á CPAP-öndunarvélum, og er það gert með tilvísun í  REGLUGERР Nr 972  12 desember 2003.

Innheimta er gjald vegan fylgihluta og þjónustu, sem er Kr 250,oo pr mánuð fyrir örirkja en Kr.1.500,oo pr mánuð fyrir aðra (Kr.18.000,oo pr ár).

  Vífill, félag einstaklinga með kæfisvefn og aðrar svefnháðar öndunartruflanir, hefur barist gegn þessari innheimtu og telur að hún standist ekki samkvæmt lögum og reglugerðum sem við eiga. 

 

Ekki hefur félaginu orðið ágengt við að fá þessari innheimtu hætt, en félagið treysti sér ekki fjárhagslega til að fara í mál vegan þessa eða kosta málarekstur annarra vegan málsins.  

Samkvæmt   REGLUGERР Nr 972  12 desember 2003   þá er tiltekið gjald fyrir  skiptanlega fylgihluti og rekstrarvörur fyrir CPAP-öndunarvéla ásamt þjónustu  biggt á óskilgreindum mánaðarlegum meðalkostnaði. 

 

Landspítali LSH  sendir okkur svo rukkun og er þá að innheimta  komugjöld á LSH. 

 

Jón Egilsson hdl., hefur fyrir hönd   LHS stefnt nokkrum notendum CPAP-öndunarvéla vegan meintrar vangoldinnar leigu fyrir öndunarvélarnar. 

 

Þetta er einkennilegt misræmi á milli þessarra þriggja aðila,  og alltaf fjarlægist þetta reglugerðina. 

Komin er úrskurður í fyrsta dómsmálinu, en þar var fallist á frávísunarkröfu stefnda.

Hér er um að ræða dómsmálið:  Landspítali gegn Gunnari Svavarssyni  í héraðsdómsmálinu nr. E-2642/2007:Stefnt vegan meintrar vangoldinnar leigu fyrir CPAP-öndunarvélar.Málið var rekið fyrir héraðsdómi Reykjaness í Hafnarfyrði. 

Niðurstaðan var sú að málinu var vísað frá dómi vegan vanreifunnar. 

Frávísunin felur ekki í sér neinn dóm um það hvort reglugerðin um innheimtuna sé í samræmi við lög,   ekki heldur hvort með innheimtunni sé verið að mismuna sjúklingahópum,  ekki heldur hvort lögmætt hafi verið að innheimta frá 1.Jan þó svo að reglugerðin hafi ekki verið kynnt notendum fyrr en 14. Mai.  Né neitt annað það sem Vífill hefur verið að reina að fá úrskurð um. 

 

Annað dómsmál er í farvatninu.   

Jón Egilsson hdl. hefur stefnt mér (Frímann Sigurnýasson) vegan meintrar vangoldinnar leigu á CPAP-öndunarvél.Ég var veikur þegar taka átti málið fyrir í Héraðsdómi Reykjavíkur (HR) 8.Apríl síðastliðinn, en ég sendi veikindavottorð til HR.    Því hefði átt að fresta málinu.Vottorðið glataðist í HR og þess vegna var stefnan ranglega árituð, og síðar gert lögtak hjá mér,  þrátt fyrir rökstudd mótmæli mín. 

 

Ég er búin að sækja um endurupptöku málsins , hjá HR, þar að ég var veikur, og telst því hafa LÖGMÆT FORFÖLL.     Málið verður því væntanlega endurupptekið og aftur tekið fyrir í HR.  Ég mun ekki fara fram á frávísun heldur mun  ég fara fram á að ég verði sýknaður og  að fá innheimtuákvæði    reglugerðar  Nr 972  12 desember 2003    dæmd ólögleg og alla innheimtu samkvæmt þeim dæmda ólöglega. 

 

Verði reglugerðarbreytingin 12 desember 2003 dæmd ólögmæt gæti það þítt að allir þeir sem hafi greitt leigu fyrir CPAP-öndunarvélar ættu rétt á að fá allt sitt endurgreitt. 

 

Ég tel að niðurstaðan í máli Gunnars létti mér þá baráttu. 

 

Fyrir okkur þá er þetta ekki spurning um þessa peningaupphæð heldur um það prinsip hvort gjaldtakan er réttmæt og sanngjörn.    Því er þetta ákveðið prófmál fyrir stórann sjúklingahóp. 

 

Þetta er ekki eins einfalt mál og ætla mætti.    Fram til 2004 var ekki tekið gjald fyrir afnot af CPAP-öndunarvélum eða fylgihlutum þeirra..     Við sem fengum tækin fyrir þann tíma teljum mörg að við höfum haft munnlegt samkomulag/samning um gjaldfrjáls afnot af tækjunum.  Sá munnlegi samningur var við Lungnadeild LHS Vífilstöðum/Fossvogi fyrir hönd Tryggingastofnunar Ríkisins (TR). Við teljum líka að þeim samningum hafi ekki ennþá verið sagt upp né aðrir samningar gerðir síðan. 

 

Innheimta gjalds vegan þjónustu á CPAP-öndunarvélum og fyrir fylgihluti við vélarnar er gerð það með tilvísun í  REGLUGERР Nr 972  12 desember 2003. 

 

Allt byggist þetta svo á  Lögum um almannatryggingar nr100 frá 11 maí 2007.

  V. KAFLI    Sjúkratryggingar.    A. Almenn ákvæði.

37. gr.

     Sjúkratryggður er sá sem hefur verið búsettur á Íslandi, sbr. II. kafla, a.m.k. síðustu sex mánuðina áður en bóta skv. 1. mgr. 48. gr. er óskað úr sjúkratryggingum, sbr. 3. mgr., nema annað leiði af milliríkjasamningum. Heimilt er að greiða nauðsynlega þjónustu í skyndilegum sjúkdómstilfellum fyrir þá sem flutt hafa búsetu sína til Íslands þótt sex mánaða búsetuskilyrðinu sé ekki fullnægt.
     Börn yngri en 18 ára eru sjúkratryggð með foreldrum sínum. Sama á við um stjúpbörn og fósturbörn.
     Sjúkratrygging samkvæmt lögum þessum tekur til heilbrigðisþjónustu, sbr. lög um heilbrigðisþjónustu, sem ákveðið hefur verið með lögum, reglugerðum eða samningum að veita á kostnað ríkisins eða með greiðsluþátttöku ríkisins.
     Heimilt er að setja reglugerð um nánari framkvæmd greinarinnar.

 B. Bætur.

38. gr.

     Sjúkratrygging, sbr. 3. mgr. 37. gr., tekur til eftirfarandi styrkja: a. Styrks til að afla hjálpartækja og bifreiða sem nauðsynlegar eru vegna þess að líkamsstarfsemi er hömluð eða vantar líkamshluta.  

Það telst hömluð líkamsstarfsemi að vera með kæfisvefn

Þessi klausa er ástæða þess að við eigum rétt á styrk til að afla CPAP öndunarvélarnar og fylgihluta fyrir okkur sem þurfum þeirra með vegna kæfisvefns og annarra svefnháðra öndunartruflana 

   

Þeir sem fá styrki til bílakaupa,  eiga svo bílana.    Það hefur aldrei verið deilt um það.  Í 38.gr er talað um styrk til öflunar hjálpartækja og bifreiða,  og því væri rökrétt að halda að sama gilti um hjálpartækin og bílinn.    

 

Eins og sjá má í 37. gr.laganna er heimilt að setja reglugerð um framkvæmt greinarinnar.   Það sem að okkur snýr eru REGLUGERР Nr 972  12 desember 2003,   sem er breyting á fylgiskjali við   reglugerð nr. 460/16 júní 2003 um styrki Tryggingastofnunar ríkisins (TR) vegna hjálpartækja.  

Innheimta gjalds fyrir afnot af CPAP-öndunarvélum eða fylgihlutum þeirra  er gerð  með tilvísun í  REGLUGERР Nr 972  12 desember 2003,  en það segir beinlínis í 1. gr reglugerðarinnar að CPAP öndunarvélarnar séu greiddar að fullu af TR.   Því er lagalega ekki tekin leiga fyrir afnot af CPAP öndunarvélunum.

Okkur er hinsvegar ætlað að greiða fast gjald fyrir skiptanlega fylgihluti og rekstrarvörur fyrir vélarnar ásamt þjónustu.  Óháð þeirri þjónustu sem við fáum.     

Ákvæði um þessa gjaldtöku er ekki í reglugerðinni sjálfri heldur í fylgiskjali með reglugerðinni.

Í fylgiskjalinu er hjálpartækjunum raðað eftir flokkunarkerfi hjálpartækja EN ISO9999:2002. og það er ekki í samræmi við fyrirmæli reglugerðarinnar sjálfrar að setja ákvæði um gjaldtöku inn í fylgiskjalið og ákvæðið stenst ekki fyrirmæli reglugerðarinnar um hvernig eigi að veita styrki til kaupa á hjálpartækjum (CPAP-öndunarvélum) .  Þar er talað um styrki til að kaupa tækin.   Styrkirnir geti verið með tvennum hætti,    sem hlutfall af verði hjálpartækis   og   sem ákveðin fjárhæð til kaupa á tækinu.

  

Kíkjum nánar á  ATRIÐI ÚR      REGLUGERР  Nr 460       16 júní 2003  sem er meginreglugerðin í þessu máli. Þar segir m.a. í 4. gr.

  

4. gr.      Hjálpartæki frá Tryggingastofnun ríkisins.

Styrkir frá Tryggingastofnun ríkisins eru eingöngu veittir   til kaupa   á þeim hjálpartækjum sem tilgreind eru í fylgiskjali með reglugerð þessari enda sé réttur fyrir hendi skv. 3. gr.  Í fylgiskjalinu er hjálpartækjunum raðað eftir flokkunarkerfi hjálpartækja EN ISO9999:2002. 

Getur styrkur Tryggingastofnunar ríkisins ýmist verið greiddur sem

ákveðið hlutfall af verði hjálpartækis og/eða

ákveðin fjárhæð til kaupa á hjálpartæki.

----     -----     -----     -----     -----      -----      ------      ------      ------      ------

 Skal stofnunin sjá um endurnýtingu þeirra hjálpartækja sem við á.

Jafnframt skal stofnunin annast uppsetningu, breytingar, sérsmíði og aðstoð við aðlögun hjálpartækja fyrir notendur    eða sjá um að aðrir aðilar annist þessa þjónustu.  Tryggingastofnun ríkisins skal annast nauðsynlegt viðhald og viðgerðir á hjálpartækjum í eigu stofnunarinnar eftir að ábyrgð seljenda er útrunnin.  

9. gr.      Skilaskylda.

Að notkun lokinni ber að skila hjálpartækjum sem hægt er að endurnýta. 

Tækin eru í eigu stofnunarinnar og ber að fara vel með þau. 

Hér eru tækin allt í einu orðin eign TR, en í 4.gr. var talað um styrk til sjúklinganna til kaupa á hjálpartækjum.  Þetta finnst mér vera ótrúlegar mótsagnir í reglugerðinni og algerlega á skjön við lögin sem tala um styrk til að afla hjálpartækja.....og bíla.

  Varðandi CPAP öndunarvélarnar er   tilgreint í    Fylgiskjali reglugerðarinnar um  Hjálpartæki frá Tryggingastofnun ríkisins. ,   

“Skiptanlegir fylgihlutir og rekstrarvörur fyrir vélarnar ásamt þjónustu er einnig greidd að fullu nema fyrir notendur CPAP-öndunarvéla, en þar er kostnaður greiddur fyrir lífeyrisþega og börn/unglinga umfram kr. 250 af mánaðarlegum meðalkostnaði og fyrir aðra umfram kr. 1.500.”

  Þessar reglur ( í fylgiskjali reglugerðarinnar) eru ekki í samræmi við fyrirmæli 4.gr. reglugerðarinnar, eins og fyrr segir.

      “Getur styrkur Tryggingastofnunar ríkisins ýmist verið greiddur sem   ákveðið hlutfall af verði hjálpartækis   og/eða    ákveðin fjárhæð til kaupa á hjálpartæki.

  Ég get ekki séð að þjónustugjald,   óháð fenginni þjónustu,  geti samrýmst lögum um Almannatryggingar, né ofangreinda reglugerðarákvæðinu ,  og það sé svona framsett  SKATTUR  en ekki þjónustugjald .Skatta skal einungis setja með lögum en ekki í fylgiskjali reglugerðar um styrki Tryggingastofnunar ríkisins (TR) vegna hjálpartækja.  

Þjónustugjald á að taka mið af þeirri þjónustu sem veitt er og greiðist því aðeins að þjónustan se innt af hendi.

  Í reglugerðinni er sett sú skylda á TR að hún annist viðhald hjálpartækjanna. 

“Tryggingastofnun ríkisins skal annast nauðsynlegt viðhald og viðgerðir á hjálpartækjum í eigu stofnunarinnar eftir að ábyrgð seljenda er útrunnin”.   (sjá ofar í 4.grein)

  Því til viðbótar finnst mér það mjög einkennileg siðfræði að skylda notendur hjálpartækja til að kaupa hjálpartækin , að hluta, á móti TR, en tækin verði þó alfarið eign TR.

Með því er í raun verið að setja kvöð á notendur hjálpartækja um að þeir styrki TR til tækjakaupa úr því að TR verður eigandi tækjanna.

Þetta er þveröfugt við tilgang laga um almannatryggingar og reglugerðanna sem ég hef vitnað til hér að ofan.

   

Lög um almannatryggingar   frá 2007    nr100    11 maí   eru mjög skír um það að Tryggingastofnun annast framkvæmd almannatrygginga samkvæmt lögum þessum að undanskilinni 39. gr.

  

Reglugerð nr. 460/16 júní 2003um styrki Tryggingastofnunar ríkisins vegna hjálpartækja,   og   REGLUGERР Nr 972  12 desember 2003,  ( er bara breyting á fyrri reglugerðinni),  eru settar fyrir  Tryggingastofnun ríkisins   til að starfa eftir og öll mál vegan þessara reglugerða þarf  TR   að höfða sjálf og í eigin nafni.

  

Þó svo að Landspítali-Háskólasjúkrahús…taki að sér,   með þjónustusamningi,   umsjón með tilteknum hjálpartækjum,  eða einhver innheimtustörf,   fyrir hönd TR   þá verður LH ekki annað en undir verktaki og bundið af lögum og reglum um TR.

  Ég tel að Lögfræðistofa Jóns Egilssonar f.h. Landspítala-Háskólasjúkrahúss,  geti því ekki staðið að málarekstri á grundvelli þessara tveggja tilgreindu reglugerða enda,  heldur beri TR að stefna vegan þessarra reglugerða.

Landspítali Háskólasjúkrahús getur ekki verið lögformlegur aðila að málum byggðum á þeim.

  Þetta kemur til viðbótar því sem ég hef tilgreint hér ofar, að breyting sú sem gerð var 12 desember 2003 (_REGLUGERР Nr 972_)   á fylgiskjali reglugerðar nr. 460/16 júní  er ekki í samræmi við reglugerðina sjálfa  né  lögin sem reglugerðin byggr á. (Lög um almannatryggingar  frá 2007    nr100    11 maí).  

Því tel ég að innheimtan eigi ekki lagastoð og beri að dæma ólöglega.

  

Ég vona að þetta mál fái efnismeðferð svo að úr þessu verði skorið.

  

Það er hægt að sjá úrskurð Ú R S K U R Ð U R  Héraðsdóms Reykjaness frá 14 júlí   2008   í málinu:

“Landspítali gegn Gunnari Svavarssyni   í héraðsdómsmálinu nr. E-2642/2007:   Stefnt vegan meintrar vangoldinnar leigu fyrir CPAP-öndunarvélar”,  á vefnum á

http://www.domstolar.is/domaleit/nanar/?ID=E200702642&Domur=3&type=2&Serial=1

 

Ég hvet ykkur til að skoða úrskurðinn.

  Í rökstuðningi sínum segir Jón Egilsson m.a.að:    “Öndunarvélar séu þannig úr garði gerðar að ekki sé unnt að nota þær án fylgihluta svo sem barka og grímu.”     

Ef þetta er rétt hjá Jóni lögmanni þá er ekki hægt að aðgreina vél og fylgihluti, og þá hlýtur þetta allt að vera flokkað sem vélin og ætti því að vera gjaldfrítt.  Það er ekki oft sem lögmenn færa hinum stefnda svona gullkorn

  

Í úrskurðinum segir dómarinn m.a. í niðurlagi:   “Í kafla stefnu um málsatvik og málsástæður er þó ekki vísað til neins samnings sem gæti verið grundvöllur leigunnar heldur er þar vísað til þess að meint leiga byggist á lagastoð.    Þó er ekki gerð grein fyrir lagastoðinni að öðru leyti en því að vísað er til reglugerðarákvæðis.    Þegar reglugerðarákvæðið er lesið er ljóst að það getur ekki verið lagastoð meintrar leigukröfu, enda er þar einungis greint frá gildissviði reglugerðarinnar”.

  

Úrskurðinn kvað upp Ingiríður Lúðvíksdóttir settur héraðsdómari Héraðsdómi Reykjaness.

  

Ég held að þetta segi allt sem segja þarf um málatilbúninginn í málinu gegn Gunnari Svavarssyni.

   

Ég vonast eftir efnismeðferð, í mínu máli,  svo að úr því verði skorið hvort gjaldtakan fyrir skiptanlega fylgihluti og rekstrarvörur fyrir CPAP-öndunarvélarnar ásamt þjónustu við þær, standist lög og reglugerðir.

  

Ég vonast eftir niðurstöðu í mínu máli sem fyrst og munum við þá greina frá niðurstöðunni hér.

   Kv.  Frímann Sigurnýasson

 

HVERS VIRÐI ERUM VIÐ? MÁLÞING Á VEGUM SÍBS

 

 

 

 

HVERS VIRÐI ERUM VIÐ?  

MÁLÞING Á VEGUM SÍBS 

Haldið á Reykjalundi kl. 13.30 til 16.00,   föstudaginn 24. október 2008

 

 

 

 KL. 13.30-13.35         Setning málþings:    Auður ÓLafsdóttir, ritari stjórnar SÍBS  

HVERS VIRÐI ERUM VIÐ................. 

Kl. 13.35-14.05           .....sem almennir þegnar?    Kynning á réttindum sjúklinga: Margét Jónsdóttir frá TR 

Kl. 14.05-14.35           .....sem einstaklingar?    Sæunn Kjartansdóttir, sálgreinir 

Kl. 14.35-14.55           Kaffihlé Kl. 14.55-15.25           ....sem sjúklingasamtök?    Leiðir sem sjúklingasamtök hafa til að ná fram úrbótum: Helgi Hróðmarsson, framkvæmdastjóri SÍBS 

Kl. 15.25-15.55           .....sem virkir þátttakendur?    Hver er ávinningurinn af því að vera virkur. Margrét Albertsdóttir, félagsráðgjafi SÍBS 

Kl. 15.55-16.00           Þingslit: Auður Ólafsdóttir, ritari stjórnar SÍBS

Fundarstjóri: Auður Ólafsdóttir.

Vinsamlega tilkynnið um þátttöku fyrir þriðjudag 21. október í síma: 552-2150 eða á tölvupóstföng: [e-mail] eða [e-mail]   

 

 

 

 

 

Hjartaheill 25 ára í dag

 

 

Í dag, 8. október, eru 25 ár síðan samtökin Hjartaheill voru stofnuð, þá undir nafninu Landssamtök hjartasjúklinga.

 

Stofnfélagar voru 230 talsins, en nú eru félagsmenn hátt á fjórða þúsund.

 

Af þessu tilefni buðu samtökin stjórn samtakanna ásamt starfsmönnum, núverandi og fyrrverandi, til veglegrar veislu  í SÍBS húsinu í morgun

  

Hjartaheill er fjölmennusta aðildarfélag SÍBS, og hefur staðið sig öðrum fremur vel í því að byggja upp þjónustu fyrir sína félagsmenn.   

Einnig hefur félagið verið mjög virkt í öllu starfi innan SÍBS.

 

 Í tilefni afmælisársins þá ákváðu Hjartaheill að taka þátt í því að koma upp þriðja hjartaþræðingartækinu á Landspítala-háskólasjúkrahúsi.

Áætlað var að það kostaði hátt á annað hundrað milljónir króna með aðstöðu og öllum aukabúnaði.

Samtökin hétu því að leggja 25 milljónir til tækjakaupanna.  Samtökin stefna að því að safna 50 milljónir á afmælisárinu og mun allt það fé sem safnast umfram áður nefndar kr. 25 millj. einnig renna til hjartalækningadeildar sjúkrahússins.

Þessu markmiða á að ná með landssöfnun undir nafni Hjartaheilla.

 

 

Hjartaheill hefur áður gefið tæki og með öðrum hætti stutt læknismeðferð og endurhæfingu hjartasjúklinga.

 

 

Einnig eiga amtökin 3ja herbergja íbúð í Reykjavík. Íbúðina geta hjartasjúklingar og aðstandendur hjartasjúklinga utan af landi nýtt sér þegar þeir þurfa að dvelja í Reykjavík..

 

 

Við óskum Hjartaheill til hamingju með 25 ára afmælið.

 

(  F.S.)

 

 

Kæfisvefn tíðkast meðal barna

24 stundir miðvikudaginn 11. júní 2008

Áætlað er að þrjú til tólf prósent barna á grunnskólaaldri hrjóti. Flest þeirra eiga ekki við nein önnur vandkvæði að stríða en um tvö prósent barna þjást af kæfisvefni sem í auknum mæli er talinn valda hegðunarvandamálum hjá börnum.   

Þekkt einkenni

Samkvæmt ráðleggingum frá félagi bandarískra sérfræðinga um svefnvandamál er ýmislegt sem getur bent til þess að barnið þjáist af kæfisvefni. Þau börn eru gjarnan þreytt á daginn og sofa óreglulega og illa þar sem þau vakna oft, grípa andann á lofti í svefni og geta átt erfitt með að halda athygli þegar í skólann er komið. Kæfisvefn hjá börnum getur verið fylgifiskur ofstórra hálskirtla, of hás blóðþrýstings eða þess að barnið er of þungt.  

Hægt er að rannsaka barnið með ýmsum ráðum, t.d. þar sem hegðun þess í svefni er tekin upp eða rannsökuð með þar til gerðri tækni.  

Kæfisvefn

Á Vísindavefnum segir að kæfisvefn (e. sleep apnea) geti verið hættulegur og full ástæða sé fyrir þá sem þjást af honum að leita til læknis. Þar segir einnig að kæfisvefn sé til hjá börnum en sé þó langalgengastur hjá fullorðnum karlmönnum. Á vefsíðunni doktor. is ritar Þórarinn Gíslason læknir að öndunartruflanir fyrirfinnist einnig hjá börnum og hafi rannsókn meðal sex mánaða til sex ára barna í Garðabæ sýnt að að minnsta kosti 2,4% þeirra voru með öndunartruflanir í svefni.   

Rannsóknir hafa verið gerðar á kæfisvefni barna hér á landi en slíkar rannsóknir eru taldar mikilvægur þáttur í greiningu barna með svefnraskanir þar sem þær geta varpað ljósi á algengi, orsakir og alvarleika þessa sjúkdómsástands.   

Einnig geta svefnrannsóknir auðveldað valið fyrir þau börn sem þurfa á sértækri meðferð að halda á borð við skurðaðgerð eða öndunarvélarmeðferð við kæfisvefni eða lyfjameðferð við vélindabakflæði.   

Til er íslenskt félag einstaklinga með kæfisvefn og aðrar svefnháðar öndunartruflarnir sem kallast Vífill og má lesa ýmsan fróðleik á vefsíðu félagsins www.vifill.blog.is  .  

 

Innsett: F.S.

Tvöföld afmælisveisla 22. ágúst SÍBS og NHL eiga afmæli

 

Frétt af SÍBS.is

 Reykjalundur

Á þessu ári fagnar SÍBS 70 ára afmæli sínu og jafnframt eiga NHL, norrænu hjarta- og lungnasamtökin 60 ára afmæli, en þau voru stofnuð á Reykjalundi í ágúst árið 1948.

  

Af þessu tilefni verður efnt til afmælisveislu á Reykjalundi þann 22. ágúst n.k. Þar verður hátíðardagskrá með tónlistar- atriðum og ræðuhöldum og síðan veislukaffi eins og sæmir á stórafmælum. Á þriðja hundrað manns verður boðið til veislunnar. Í tengslum við þessi tímamót er svo vinnufundur NHL hér á landi, en SÍBS hefur verið aðili að þessu norræna samstarfi frá byrjun.

 

 

( Innsett/uppsetning F.S.) 

Starf Íslands á vettvangi Alþjóðaheilbrigðisstofnunarinnar

 

(Skýrsla lögð fyrir Alþingi á 135. löggjafarþingi 2007–2008.)

 

16.4.2008    http://www.heilbrigdisraduneyti.is/frettir/nr/2777  

 

 

Dreift hefur verið á Alþingi skýrslu heilbrigðisráðherra um þátttöku Íslands í starfsemi Alþjóðaheilbrigðisstofnunarinnar. 

 

 

Í skýrslunni er greint frá fundum framkvæmdastjórnar WHO, alþjóðaheilbrigðisþinginu, fundum svæðisnefndar WHO í Evrópu og fjölmörgum öðrum fundum og athöfnum á vegum stofnunarinnar á árinu 2007. 

 

 

Það bar helst til tíðinda að í byrjun ársins tók dr. Margaret Chan frá Kína við starfi forstjóra WHO. Hún lýsti því yfir í upphafi ferils síns að hún myndi halda áfram þeim umbótum innan WHO sem forveri hennar dr. Lee Jong-Wook hóf og að ekki væri von á sérstöku umróti í rekstri eða starfsmannamálum stofnunarinnar. Nýi forstjórinn boðaði að sex mál yrðu höfð til viðmiðunar í starfi WHO á næstu árum. Tvö þeirra beindust að grundvallarþörfum fyrir heilbrigðisþróun og heilbrigðisöryggi. Tvö önnur mál snúa að áætlanagerð og varða eflingu heilbrigðiskerfa og þörf fyrir áreiðanlegri upplýsingar við stefnumörkun og mat á árangri. Tvö hin síðustu eru bæði starfslegs eðlis og varða traust á samstarfsaðilum, sérstaklega við framkvæmd verkefna, og þörfina á því að WHO nái árangri sem ein skipulagsheild. 

 

 

Hugsanlegur heimsfaraldur inflúensu var eitt aðalumræðuefnið á alþjóðaheilbrigðisþinginu 2007 og öðrum fundum WHO á árinu. Á þinginu var samþykkt ályktun þar sem skorað er á aðildarríkin að deila með sér upplýsingum um inflúensuveirur og að aðgangur að bóluefnum og öðrum úrræðum til að verjast inflúensunni sé gerður greiður. Ályktunin fer einnig fram á að WHO komi sér upp birgðum af bóluefnum gegn H5N1 veirunni og öðrum inflúensuveirum sem gætu valdið faraldri. Malaría heldur áfram að valda á ári hverju meira en milljón dauðsföllum í heiminum en hægt er að koma í veg fyrir flest þessara dauðsfalla með einföldum forvörnum. Ákveðið var að framvegis yrði 25. apríl tileinkaður baráttunni gegn malaríu. 

 

Fram kom að mikill árangur hefði náðst í baráttunni gegn mislingum og hefur dánartíðni vegna þeirra lækkað um 60% á tímabilinu 1999 - 2005.

Aðgerðir gegn berklum hafa ekki skilað þeim árangri sem að var stefnt og er núna áætlað að um 1,6 milljón manna deyi úr berklum árlega.

Aðgerðir til þess að draga úr langvinnum sjúkdómum og barátta gegn offitu og ofþyngd skipa æ veigameiri sess í starfsemi WHO bæði á heimsvísu og svæðisbundið. Mannaflamál heilbrigðisþjónustunnar voru einnig til umfjöllunar. Skortur á heilbrigðisstarfsfólki er vandi sem menn glíma jafnt við í ríkum sem fátækum löndum. Heilbrigðisstarfsfólk flytur í vaxandi mæli frá þróunarlöndunum til þeirra landa þar sem velmegun er meiri og þróuðu ríkin mennta ekki nægjanlega marga sérhæfða heilbrigðisstarfsmenn. Fulltrúar Íslands hafa á fundum WHO á undanförnum árum einkum beitt sér í lýðheilsumálum.

   

• Skýrsla um starf á vettvangi WHO á árinu 2007 ( PDF 261 KB - opnast í nýjum glugga)

   http://www.heilbrigdisraduneyti.is/media/frettir_fylgiskjol/Skyrsla_um_starf_a_vettvangi_WHO.pdf    

Tvö atriði úr skýrslu heilbrigðisráðherra um

120. fund framkvæmdastjórnar WHO í Genf 22.–30. janúar 2007,   

alþjóðaheilbrigðisdaginn 7. apríl 2007,

60. alþjóðaheilbrigðisþingið í Genf 14.–23. maí 2007,

121. fund framkvæmdastjórnar WHO í Genf 24.–26. maí 2007 og

57. fund svæðisnefndar WHO í Evrópu í Belgrad 17.–21. september 2007.

(Lögð fyrir Alþingi á 135. löggjafarþingi 2007–2008.)

    120. FUNDUR FRAMKVÆMDASTJÓRNAR WHO Í GENF 22.–30. JANÚAR 2007 

 

3. Helstu umræðuefni fundarins.

 

 3.3 Baráttan gegn berklum.Í skýrslu til framkvæmdastjórnarinnar var gerð grein fyrir hvernig gengið hefur að námarkmiðum, sem sett voru af alþjóðaheilbrigðisþinginu árið 1991, varðandi greiningu berklaog lækningu þeirra.    Þegar ljóst var að markmiðunum yrði ekki náð árið 2000 var fresturinnframlengdur til ársins 2005. Skýrslan sýnir að enn vantar nokkuð upp á að markmiðunum

hafi verið náð. Árið 2005 er áætlað að 8,8 milljónir manna hafi verið greindir með berkla og dauðsföll vegna berkla voru 1,6 milljónir.

Í ályktun stjórnarinnar eru aðildarríkin hvött til frekari dáða í baráttunni gegn berklum og skorað á þau að útfæra langtímaáætlanir um forvarnir og stjórn á þeim í samræmi við heimsáætlun stofnunarinnar um að stöðva berkla  2006–2015.    

 

ALÞJÓÐAHEILBRIGÐISÞINGIÐ 2007

4. Ályktanir og helstu umræðuefni tekin fyrir í nefnd A.

 

  4.6 Baráttan gegn berklum.Aðildarríki voru hvött til að útbúa og innleiða langtímaáætlanir fyrir forvarnir og meðferðberkla sem væru samhljóða heimsáætlun WHO um að stöðva berkla 2006–2015, sem miðar að því að minnka um helming tíðni berkla og dauðsfalla af þeirra völdum fyrir árið 2015.

WHO var beðið um að auka stuðning sinn við þau lönd þar sem berklar finnast, sérstaklega þau lönd þar sem finna má ónæma berkla og berklasmitaða alnæmissjúklinga.

 

 

 

 

(  Innsett/ undirstrikanir  F.S. )  

 

Frítekjumark atvinnutekna örorkulífeyrisþega hækkar í 100.000 kr. á mánuði 1. júlí nk.

 

 

Fréttatilkynningar   Félags- og tryggingamálaráðuneytið

 

11.4.2008    http://www.felagsmalaraduneyti.is/frettir/frettatilkynningar/nr/3756  

 

 

Félags- og tryggingamálaráðherra, Jóhanna Sigurðardóttir, hefur lagt fram á Alþingi frumvarp til laga um breytingu á lögum um almannatryggingar, nr. 100/2007, þar sem lagt er til að á tímabilinu 1. júlí 2008 til 1. janúar 2009 geti öryrkjar valið um að hafa 100.000 kr. frítekjumark á mánuði vegna atvinnutekna eða telja 60% af atvinnutekjum til tekna við útreikning tekjutryggingar. 

 

Frumvarpið felur í sér að á umræddu tímabili geti örorku- og endurhæfingarlífeyrisþegar aflað atvinnutekna allt að 100.000 kr. á mánuði án þess að þær skerði tekjutryggingu. Hér er um mikla hækkun frítekjumarksins að ræða en í dag skerðist tekjutrygging vegna atvinnutekna umfram 327.000 kr. á ári eða um 27.000 kr. á mánuði. Þann 1. janúar 2009 er gert ráð fyrir að nýtt örorkumatskerfi hafi öðlast gildi og komi í stað þessa frítekjumarks. 

 

Ætla má að hækkun frítekjumarksins muni leiða til aukinnar atvinnuþátttöku örorkulífeyrisþega og hafa þannig í för með sér hærri tekjur þeim til handa. Öryrkjabandalag Íslands hefur lagt áherslu á hækkun frítekjumarks í baráttunni fyrir bættum kjörum öryrkja og virkrar þátttöku þeirra í samfélaginu og er þessi breyting í samræmi við áherslur bandalagsins. Breytingin er jafnframt í samræmi við þau markmið sem hugmyndir örorkumatsnefndar um starfshæfnismat og starfsendurhæfingu byggja á. Í ljósi fyrirhugaðra breytinga á örorkulífeyriskerfinu með áherslu á starfshæfnismat og starfsendurhæfingu mun hækkun frítekjumarks örorkulífeyrisþega aðeins gilda til bráðabirgða þar til nýtt kerfi með nýjar viðmiðunarreglur hefur verið tekið upp. 

 

Samkvæmt upplýsingum frá Tryggingastofnun ríkisins voru liðlega 30% örorkulífeyrisþega með launatekjur eða reiknað endurgjald í desember 2007 eða um 4.600 einstaklingar. Samkvæmt útreikningum stofnunarinnar má áætla að þar af muni um 2.650 einstaklingar hafa ávinning af hækkun frítekjumarks á atvinnutekjur í 100.000 kr. á mánuði. Ekki er unnt að áætla fyrirfram þann fjölda sem mun nýta sér nýjar viðmiðunarreglur varðandi frítekjumark á atvinnutekjur, en þess má vænta að talsvert fjölmennur hópur örorkulífeyrisþega nýti sér þetta tækifæri til þess að feta sig á ný út á vinnumarkaðinn. Breytingin mun því fela í sér aukin tækifæri til handa örorkulífeyrisþegum með þeim auknu lífsgæðum sem þátttaka á vinnumarkaði felur í sér fyrir lífeyrisþegana sjálfa og samfélagið í heild.

 

 

( Innsett F.S.)  

 

Húsaleigubætur hækkaðar í fyrsta sinn frá árinu 2000

Fréttatilkynningar    http://www.felagsmalaraduneyti.is/frettir/frettatilkynningar/nr/3752  

 

7.4.2008

  

Félags- og tryggingamálaráðherra, Jóhanna Sigurðardóttir, undirritaði í dag reglugerð sem kveður á um hækkun húsaleigubóta frá og með 1. apríl 2008. Húsaleigubætur hafa ekki hækkað frá árinu 2000. Einnig mun ríkið nú í fyrsta skipti koma að greiðslu sérstakra húsaleigubóta.

  

Samkvæmt reglugerðinni hækka grunnbætur húsaleigubóta um 69%, úr 8.000 krónum í 13.500 krónur,     bætur vegna fyrsta barns hækka um 100%, úr 7.000 krónum í 14.000 krónur og   bætur vegna annars barns hækka um 42%, úr 6.000 krónum í 8.500 krónur. Hámarkshúsaleigubætur hækka þar með um 15.000 krónur eða um 48% og geta hæstar orðið 46.000 krónur í stað 31.000 krónur áður.

Hækkunin tekur gildi frá og með 1. apríl síðastliðnum en húsaleigubætur hækkuðu síðast árið 2000.

  

Í samkomulagi við Samband íslenskra sveitarfélaga um hækkun húsaleigubóta er einnig kveðið á um þátttöku ríkisins í greiðslu sérstakra húsaleigubóta.

Sveitarfélög eru hvött til að taka upp sérstakar húsaleigubætur og rýmka skilyrði fyrir sérstökum húsaleigubótum svo þær nái til fleiri heimila.

Hámarksgreiðsla almennra og sérstakra húsaleigubóta gæti þar með orðið 70.000 krónur í stað 50.000 króna áður.

Ríkið kemur nú í fyrsta sinn að greiðslu sérstakra húsaleigubóta.

  

Áætlaður árlegur viðbótarkostnaður vegna þessara aðgerða er um 620 milljónir króna vegna húsaleigubóta og um 100 milljónir króna vegna sérstakra húsaleigubóta.

Samkomulag er um að ríkissjóður greiði 60% af heildarkostnaði vegna hækkunarinnar og sveitarfélögin 40%.

( Uppsetning/ undirstrikanir F.S. )

Ný lög um bætt kjör aldraðra og öryrkja samþykkt á Alþingi.

FEL - Fréttir frá félagsmálaráðuneyti     2008-03-13

    http://www.felagsmalaraduneyti.is/frettir/frettatilkynningar/nr/3723  

Í dag voru samþykkt á Alþingi ný lög um breytingu á lögum um almannatryggingar og lögum um málefni aldraðra. Hér er um að ræða fyrsta frumvarp félags- og tryggingamálaráðherra á þessu sviði en málefni aldraðra og almannatryggingar fluttust frá heilbrigðisráðuneyti til félags- og tryggingamálaráðuneytisins um síðustu áramót.

  

„Með frumvarpinu eru stigin afar mikilvæg skref sem munu bæta stöðu fjölda einstaklinga og fjölskyldna þeirra“, sagði Jóhanna Sigurðardóttir, félags- og tryggingamálaráðherra, þegar lögin höfðu verið samþykkt í dag. „Ég legg hins vegar áherslu á að hér er um að ræða skref á lengri leið. Gert var ráð fyrir í greinargerð með frumvarpinu að lagðar yrðu fram tillögur sem tryggðu örorkulífeyrisþegum sama frítekjumark og ellilífeyrisþegum eða ígildi þess. Gengið er út frá því að tillögur berist frá örorkumatsnefnd forsætisráðherra nú á vorþinginu þannig að hægt verði að afgreiða þá lagasetningu fyrir gildistöku 1. júlí næstkomandi. Í yfirlýsingu ríkisstjórnarinnar um aðgerðir til að bæta kjör aldraðra og öryrkja er jafnframt kveðið á um að ríkissjóður tryggi ellilífeyrisþegum lífeyri að lágmarki 25 þúsund krónur á mánuði frá lífeyrissjóði eða sambærilega réttarbót með öðrum hætti fyrir 1. júlí næstkomandi. Mikilvægt er að vinnu á vegum fjármálaráðuneytisins við útfærslu á því verði hraðað svo bæta megi stöðu tekjulægstu hópa ellilífeyrisþega í landinu.“

  

Lagabreytingarnar eru byggðar á stefnuyfirlýsingu ríkisstjórnarinnar frá 23. maí 2007 og byggjast á niðurstöðum verkefnisstjórnar félagsmálaráðherra frá 30. nóvember 2007 og yfirlýsingu ríkisstjórnarinnar frá 5. desember síðastliðinn. Breytingarnar munu taka gildi í þremur áföngum. Helstu nýmæli í lögunum eru eftirfarandi:

  

• Skerðing bóta vegna tekna maka verður að fullu afnumin frá og með 1. apríl.
• Sett verður 90.000 króna frítekjumark á fjármagnstekjur elli- og örorkulífeyrisþega frá 1. apríl, meðal annars í þeim tilgangi að draga úr ofgreiðslum bóta.
• Vasapeningar til einstaklinga á dvalar- og hjúkrunarheimilum munu hækka frá 1. apríl 2008.
• Skerðingarhlutfall ellilífeyris verður lækkað úr 30% í 25% frá 1. apríl og frítekjumark hækkað frá sama tíma.
• Frítekjumark vegna atvinnutekna ellilífeyrisþega 67–70 ára verður hækkað í 100.000 krónur á mánuði frá 1. júlí.
• Sett verður 300.000 króna frítekjumark á lífeyrissjóðstekjur örorkulífeyrisþega frá 1. júlí.
• Aldurstengd örorkuuppbót hækkar frá 1. júlí.
• Loks verður skerðing lífeyrisgreiðslna vegna innlausnar séreignarsparnaðar afnumin frá og með 1. janúar 2009.

 

Verkefnisstjórn félags- og tryggingamálaráðherra mun áfram vinna að endurskoðun og einföldun almannatryggingakerfisins og hefur henni verið falið að skila ráðherra heildstæðum tillögum þar að lútandi fyrir 1. nóvember 2008.

  ( Innsett F.S. ) 

Málstofa á vegum Rannsóknastofnunar í hjúkrunarfræði

 

 Málstofa á vegum Rannsóknastofnunar í hjúkrunarfræði 

Sjálfsmatsblöð geta auðveldað sjúklingum að taka  virkan þátt í endurhæfingu sinni 

Kristín Þórarinsdóttir hjúkrunarfræðingur MS, lektor við Háskólann á Akureyri og verkefnastjóri við Sjúkrahúsið á Akureyri 

Í stefnumótun og lögum um heilbrigðisþjónustu er vaxandi áhersla lögð á það að sjúkl­ingar taki virkan þátt í meðferð sinni og að þjónustan sé einstaklingsmiðuð. Í raun má segja að horfið hafi verið frá forræðishyggju í heilbrigðiskerfinu og að sjúklingar hafi breyst frá óvirkum þiggjendum heilbrigðisþjónustunnar til virkra þátttakenda sé tekið mið af stefnumótun í heilbrigðisþjónustu í hinum vestræna heimi síðustu áratugina. Ef grannt er skoðað má hins vegar greina ákveðna forræðishyggju í þessum miklu stefnu­mótunarbreytingum. Ástæður þessa má meðal annars rekja til þess að við stefnumótun­ina hefur þátttaka sjúklinga verið ákvörðuð út frá sjónarhóli heilbrigðisstarfsfólks og stjórnenda en ekki út frá sjónarhóli sjúklinga. Á síðustu árum hafa sjálfsmatseyðublöð verið þróuð á Íslandi fyrir sjúklinga í endurhæfingu meðal annars til að gera þeim kleyft að taka þátt í endurhæfingu sinni. Sjúklingar í endurhæfingu eru beðnir um að skrá á blöðin mat sitt á heilsufari á heilrænan hátt og greina þá heilsufarsþætti sem valda þeim óþægindum. Blöðin eru byggð á heilsufarslyklum þeim sem flokkunarkerfi NANDA hjúkrunargreininga byggir á. Miðað er við sjúklingarnir ræði síðan mat sitt við hjúkr­unarfræðing. Blöðin og vinnulagið þeim tengt eru byggð á rannsóknum en hafa verið aðlöguð að klínísku starfi í samvinnu við hjúkrunarfræðinga í endurhæfingu. Í fyrirlestr­inum verður þróun blaðanna kynnt en lögð verður sérstök áhersla á hvernig rannsóknir á virkri þátttöku út frá sjónarhóli sjúklinga verða nýttar við frekari þróun þeirra.

 

 

 

Mánudaginn 10. mars 2008, kl. 12:10-12:50
í stofu C-201 á 2. hæð í Eirbergi, Eiríksgötu 34.
Málstofan er öllum opin.     www.rsh.hi.is

  

Þeir sem hafa áhuga á að vera í fjarfundasambandi gefi Ingibjörgu Einarsdóttur upp IP-númer með góðum fyrirvara, sími: 525-4985 / netfang: [e-mail].

 

 

( innsett F.S. )